କିଏ ହେବେ ଓଡ଼ିଶା ପିସିସି ମୁଖ୍ୟ? ଦିଲ୍ଲୀରେ ଡେରା ପକାଇଲେ ନେତା, ଚର୍ଚ୍ଚାରେ ୫ଜଣ ଙ୍କ ନାମ

ଭୁବନେଶ୍ବର: ଓଡ଼ିଶା ପ୍ରଦେଶ କଂଗ୍ରେସ କମିଟି (ପିସିସି)ର ଆଗାମୀ ସଭାପତି କିଏ ହେବେ? ଏଥି ପାଇଁ ଦିଲ୍ଲୀରେ ହିସାବ ଚାଲିଛି। କାହା ନେତୃତ୍ବରେ ଓଡ଼ିଶାରେ କଂଗ୍ରେସ କେତେ ଲାଭବାନ ହେବ। କଂଗ୍ରେସ ହାଇକମାଣ୍ଡ ଏମିତି ଜଣେ ନେତାଙ୍କୁ ପିସିସି ଗାଦିରେ ବସାଇବାକୁ ଚାହୁଁଛନ୍ତି ଯିଏ ଓଡ଼ିଶାରେ କଂଗ୍ରେସର ସଙ୍ଗଠନରେ ସଞ୍ଜିବନୀ ଭରିଦେବ ଏବଂ ବିଜେପି ଓ ବିଜେଡି ସହ ଜୋରଦାର ଲଢେଇ କରି କଂଗ୍ରେସର ଅସ୍ତିତ୍ବ ଫେରାଇ ଆଣିବ। କିନ୍ତୁ ରାଜ୍ୟ କଂଗ୍ରେସର ଅନେକ ବରିଷ୍ଠ ନେତାଙ୍କ ଭାବମୂର୍ତ୍ତି ଖରାପ ଥିବାରୁ ତରବରିଆ ଭାବେ କାହା ହାତରେ ଦାୟିତ୍ବ ଦେଇ ରିସ୍କ ନେବାକୁ ଚାହୁଁନି ଦଳ। ସମସ୍ତଙ୍କର ନଜର ହାଇକମାଣ୍ଡ କଣ ନିଷ୍ପତ୍ତି ନେବେପିସିସି ସଭାପତି ଦୌଡ଼ରେ ୫ ଜଣ ବରିଷ୍ଠ ନେତା ଅଛନ୍ତି। କିନ୍ତୁ କାହାର ଉପରେ ହାଇକମାଣ୍ଡ ଭରସା କରିବେ ତାହା ଅଳ୍ପ କିଛି ଦିନ ମଧ୍ୟରେ ସ୍ପଷ୍ଟ ହୋଇଯାଇପାରେ। ତେବେ ପିସିସି ସଭାପତି ଚୟନ କରିବା ପୂର୍ବରୁ କଂଗ୍ରେସ ଟ୍ରାକ ରେକର୍ଡକୁ ନେଇ ତର୍ଜମା ଆରମ୍ଭ କରିଛି।