ପୁଣି ନିର୍ବାଚନ ଲଢିପାରିବ ଆଓ୍ବାମୀ ଲିଗ୍ ? କଣ କହିଲେ ବାଂଲାଦେଶର ନୂ୍ଆ ଗୃହମନ୍ତ୍ରୀ

ଢାକ: ଶେଖ୍ ହସିନା ବାଂଲାଦେଶ ଛାଡ଼ିବା ପରେ ଏବେ ଦିଲ୍ଲୀରେ ରହୁଛନ୍ତି। ଏଭଳି ସ୍ଥିତିରେ ସବୁଠାରୁ ବଡ଼ ପ୍ରଶ୍ନ ହେଉଛି ସେ ବାଂଲାଦେଶ ଫେରିବେ କି? ଯଦି ସେମାନେ ଯାଆନ୍ତି, ତେବେ ନୂଆ ସରକାର ସେମାନଙ୍କ ସହ କେମିତି ବ୍ୟବହାର କରିବେ? ତାଙ୍କ ଦଳ ଆୱାମୀ ଲିଗ୍ ର କ’ଣ ହେବ? ଅନ୍ତରୀଣ ସରକାର ତାଙ୍କୁ ନିଷିଦ୍ଧ କରିବାକୁ ଯାଉଛନ୍ତି କି? ଏହି ସବୁ ପ୍ରଶ୍ନର ଉତ୍ତର ଦେଇଛନ୍ତି ଅନ୍ତରୀଣ ସରକାରଙ୍କ ଗୃହମନ୍ତ୍ରୀ ଅବସରପ୍ରାପ୍ତ ବ୍ରିଗେଡିୟର ଜେନେରାଲ ଏମ୍ ସଖାଓ୍ଵତ ହୁସେନ୍ ବ୍ରିଗେଡିୟର ଜେନେରାଲ (ଅବସରପ୍ରାପ୍ତ) ଏମ୍ ସଖାଓ୍ଵତ ହୁସେନ୍ କହିଛନ୍ତି ଯେ ଶେଖ୍ ହସିନାଙ୍କ ଆୱାମୀ ଲିଗ୍ ଉପରେ କଟକଣା ଲଗାଇବାର ତାଙ୍କର କୌଣସି ଉଦ୍ଦେଶ୍ୟ ନାହିଁ। ଆୱାମୀ ଲିଗ୍ ବାଂଲାଦେଶ ପାଇଁ ବହୁତ ଅବଦାନ ଦେଇଛି। ଆମେ ଏହାକୁ ଅସ୍ୱୀକାର କରୁନାହୁଁ । ଯେତେବେଳେ ବି ନିର୍ବାଚନ ଆସିବ ଏହି ଦଳ ମଇଦାନକୁ ଓହ୍ଲାଇବା ଉଚିତ। ଦଳ ନିର୍ବାଚନ ଲଢ଼ିବା ଦରକାର। ଶେଖ ହସିନାଙ୍କୁ ଫେରାଇ ଆଣିବା ପାଇଁ ବିଚାର କରାଯିବ କି ଏକ ପ୍ରଶ୍ନର ଉତ୍ତରରେ ହୁସେନ କହିଛନ୍ତି ଯେ ସେ ଫେରିବାକୁ ଯୋଜନା କରୁଛନ୍ତି, କିନ୍ତୁ ସେ କାହିଁକି ଗଲେ? ସେ ନିଜ ଇଚ୍ଛାରେ ଚାଲିଯାଇଛନ୍ତି। ଏହା ତାଙ୍କ ଦେଶ । ସେ ଚାହିଁଲେ ଫେରିପାରିବେ । କିନ୍ତୁ ଦୟାକରି ଦେଶ ପାଇଁ କୌଣସି ପ୍ରକାରର ଅସୁବିଧା ସୃଷ୍ଟି କରିବାରୁ ଦୂରେଇ ରୁହନ୍ତୁ । ଏପରି କଲେ କ୍ରୋଧ ଉଗ୍ର ରୂପ ଧାରଣ କରିବ।