ବ୍ଲକ ସମ୍ମୁଖରୁ ବାଇକ ଚୋରି,ଶିଶିଟିଭି ରେ କଏଦ ହେଲା ଦୃଶ୍ୟ

ଭଦ୍ରକ:୧୩/୦୮:- ବିଗତ କିଛି ଦିନ ଧରି ଭଦ୍ରକ ସହରରେ ଚୋରି ବଢ଼ିବାରେ ଲାଗିଛି |ଗୋଟିଏ ଦିନରେ ଚରମ୍ପା ଅଂଚଳରେ ସିରିଜ ଚୋରି ହୋଇଥିବା ବେଳେ ଆଜି ଭଦ୍ରକ ବ୍ଲକ ସମ୍ମୁଖରେ ଏକ ବାଇକ କୁ ଦୁଇ ଚୋର ଅତି ଚତୁରତାର ସହ ଚୋରି କରିନେଇଥିବା ଅଭିଯୋଗ କରିଛନ୍ତି ଚୋରି ହୋଇଥିବା ବାଇକ ମାଲିକ |ସୂଚନାମୁତାବକ ଭଦ୍ରକ ଗ୍ରାମାଞ୍ଚଳ ଥାନାଧୀନ କଲେଇ ପଂଚାୟତ ଚୁନିଦା ଗ୍ରାମର ଭାସ୍କର ସାହୁ ନାମକ ଯୁବକ ୱାର୍ଡ ସଭ୍ୟ ହୋଇଥିବା ହେତୁ ପ୍ରଶାସନ ତରଫରୁ ଆୟୋଜିତ ହେଉଥିବା ହର ଘର ତ୍ରିରଙ୍ଗା କାର୍ଯ୍ୟକ୍ରମ ରେ ଭଦ୍ରକ ବ୍ଲକ କୁ ତ୍ରିରଙ୍ଗା ପତାକା ନେବାକୁ ଆସିଥିଲେ |ବ୍ଲକ ସମ୍ମୁଖରେ ନିଜର ବାଇକ ରଖି ଉପର ମହଲା କୁ ଯାଇଥିଲେ ପତାକା ଆଣିବା ପାଇଁ ପତାକା ଆଣି ତଳକୁ ଆସି ଦେଖନ୍ତି ବାଇକ ଟିକୁ ଯେଉଁ ସ୍ଥାନରେ ରଖିଥିଲେ ସେଠାରେ ନାହିଁ ତେଣୁ ଭାସ୍କର ବହୁ ଖୋଜା ଖୋଜି କରିବା ପରେ ମଧ୍ୟ ନଥିଲେ |ତେବେ ଶେଷରେ ବ୍ଲକ ଗୋଷ୍ଠୀ ଉନ୍ନୟନ ଅଧିକାରିକୁ ଏ ବାବଦରେ ଅବଗତ କରାଇବା ପରେ ବିଡ଼ିଓ ମଧ୍ୟ ସିସିଟିଭ ଫୁଟେଜ ଯାଞ୍ଚ କରିଥିଲେ ଏବଂ ଭିଡ଼ିଓ ରେ ଜଣାପଡିଥିଲା କି ଦୁଇ ଜଣ ଦୁର୍ବୁର୍ତ୍ତ ଏକ ଲାଲ ରଙ୍ଗର ବାଇକ ରେ ଆସିଥିଲେ ଜଣେ ଓଲ୍ହାଇ ଭାସ୍କର ଙ୍କ ବାଇକ ର ଚାବି ଖୋଲି ବାଇକ ଟିକୁ ନେଇଯାଉଛନ୍ତି |ସିସି ଟିଭି ଫୁଟେଜ ସହ ଭାସ୍କର ଭଦ୍ରକ ସହରାଞ୍ଚଳ ଥାନାରେ ଏକ ଲିଖିତ ଅଭିଯୋଗ କରିଛନ୍ତି |