ପ୍ରତିବାଦ ସଭା ସହ ମହମ ବତୀ ଶୋଭାଯାତ୍ରା ଅନୁଷ୍ଠିତ

ଭୁବନେଶ୍ଵର – ସାରା ଦେଶ ରେ ବର୍ତ୍ତମାନ କୋଲକାତା ଡାକ୍ତର ଙ୍କ ବର୍ବୋରୋଚିତ ଏବଂ ଲୋମହର୍ଷକାରୀ ଦୂର୍ଷ୍କର୍ମ ଏବଂ ହତ୍ୟା କାଣ୍ଡ ଚାଞ୍ଚଲ୍ୟ ସୃଷ୍ଟି କରିଛି। ସାରା ଦେଶ ଜଳୁଛି ଏହି ଘଟଣା ରେ। ଏହି କ୍ରମ ରେ ଓମ୍ ସାଇ ଟ୍ରଷ୍ଟ ପକ୍ଷ ରୁ ଅଧ୍ୟକ୍ଷା ମମତା ପାଟ୍ଟଶାଣୀ ଙ୍କ ନେତୃତ୍ୱ ରେ ଏକ ପ୍ରତିବାଦ ସଭା ସହ ମହମ ବତୀ ଶୋଭାଯାତ୍ରା ଅନୁଷ୍ଠିତ ହୋଇଯାଇଛି। ପୋଖରୀପୁଟ ସ୍ଥିତ NCSCDA ପ୍ରାଙ୍ଗଣ ରୁ ଦିବ୍ୟାଙ୍ଗ ଛାତ୍ର ମାନେ ଶୋଭାଯାତ୍ରା ରେ ଯାଇ ମନ୍ଦିର ପ୍ରାଙ୍ଗଣ ରେ ଶ୍ରଦ୍ଧାଞ୍ଜଳି ଅର୍ପଣ କରିଥିଲେ ଏବଂ ମୋମିତା ଘଟଣା ର ନ୍ୟାୟ ଏବଂ ତଦନ୍ତ ଦାବି କରିବା ସହ ଦିବ୍ୟାଙ୍ଗ ବାଳିକା ମାନେ ନିଜର ସୁରକ୍ଷା ଦାବି କରି ସମାଜ କୁ ଏକ ଭିନ୍ନ ବାର୍ତ୍ତା ଦେଇଥିଲେ। ଏହି କାର୍ଯ୍ୟକ୍ରମ ରେ ଡାକ୍ତର ଅଂଶୁମାନ କର, ଓଲିଉଡ ଅଭିନେତ୍ରୀ ବିଦୁସ୍ମିତା ମହାନ୍ତି, ବିଶିଷ୍ଟ ଶିକ୍ଷାବିତ୍ ଗାୟତ୍ରୀ ରାଉତ ଯୋଗ ଦେଇ ନାରୀ ସୁରକ୍ଷା ଏବଂ ସଚେତନତା ର ବାର୍ତ୍ତା ଦେଇଥିଲେ। ଏହି ପ୍ରତିବାଦ ସଭା ଏବଂ ମହମବତୀ ଶୋଭାଯାତ୍ରା ରେ ଟ୍ରଷ୍ଟ ର କାର୍ଯ୍ୟକର୍ତ୍ତା ସୁନିଲ ପାଟ୍ଟଶାଣୀ, ଶାଶ୍ଵତୀ ମିଶ୍ର, ଜ୍ୟୋତିର୍ମୟୀ ଖଟୁଆ,ମନୋଜ ପରିଡ଼ା ଏବଂ ଦେବୀ ପ୍ରସାଦ ଦାଶ ସହଯୋଗ କରିଥିଲେ। NCSCDA ର ମୁଖ୍ୟ ସୋନାଲି ସୁମନ ସମସ୍ତ କାର୍ଯ୍ୟକ୍ରମ ଆୟୋଜନ କରିବା ରେ ବିଶେଷ ସହାୟତା କରିଥିଲେ।