ନବରଙ୍ଗପୁର ପୌର ପାଳିକାରେ ସ୍ୱାୟତ ଶାସନ ଦିବସ

ନବରଙ୍ଗପୁର ,ନବରଙ୍ଗପୁର ପୌର ପାଳିକା ପକ୍ଷରୁ ସ୍ଥାନୀୟ ସାଇ କଲ୍ୟାଣ ମଣ୍ଡପ ଠାରେ ସ୍ୱାୟତ ଶାସନ ଦିବସ ପାଳିତ ହୋଇଯାଇଛି । ପ୍ରାତଃ ସମୟରେ ପୌର ଅଧକ୍ଷ କୁନୁ ନାୟକ ଜାତୀୟ ପତକା ଉତ୍ତୋଳନ କରିବା ସହ ପୌର ପାଳିକାର ବିଭିନ୍ନ ଉନ୍ନୟନ ମୂଳକ କାର୍ଯ୍ୟକ୍ରମର ଶୁଭ ଉଦଘାଟନ କରିଥିଲେ। ସନ୍ଧ୍ୟା ରେ କଲ୍ୟାଣ ମଣ୍ଡପ ରେ ସଭା କାର୍ଯ୍ୟ ଅନୁଷ୍ଠିତ ହୋଇଥିଲା। ଏଥିରେ ମୂଖ୍ୟ ଅତିଥି ରୂପେ ଅତିରିକ୍ତ ଜିଲ୍ଲାପାଳ ସାଧାରଣ ମହେଶ୍ୱର ନାୟକ ଯୋଗ ଦେଇଥିବାବେଳେ ସମ୍ମାନିତ ଅତିଥି ରୂପେ ଜିଲ୍ଲା ପରିଷଦ ସି ଡ଼ି ଓ ବିରଞ୍ଚି ନାରାୟଣ ଦରୱାନ୍, ଅତିରିକ୍ତ ଜିଲ୍ଲାପାଳ ରାଜସ୍ବ ନବୀନ ଚନ୍ଦ୍ର ନାୟକ, ଉପ ଜିଲ୍ଲାପାଳ ପ୍ରକାଶ କୁମାର ମିଶ୍ର ଯୋଗ ଦେଇଥିଲେ। ପୌର ଅଧ୍ୟକ୍ଷ କୁନୁ ନାୟକଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି କାର୍ଯ୍ୟକ୍ରମରେ ମୁଖ୍ୟ ବକ୍ତା ଭାବେ ଶିକ୍ଷାବିତ୍ ବିଜୟ କୁମାର ଚୌଧୁରୀ ଉପସ୍ଥିତ ରହିଥିଲେ। ସଭାକାର୍ଯ୍ୟ ଶେଷ ହେବା ପରେ ଏହି ଦିବସ ପାଳନ
ଅବ୍ୟବହିତ ପୂର୍ବରୁ ଅନୁଷ୍ଠିତ
ପାରିଷଦ ଓ ପୌର କର୍ମଚାରୀଙ୍କ ମଧ୍ୟରେ ଭଲିବଲ ପ୍ରତିଯୋଗୀତା, ମହିଳା ପାରିଷଦ ଓ ମହିଳା କର୍ମଚାରୀଙ୍କ ମଧ୍ୟରେ ହୋଇ ଥିବା ମ୍ୟୁଜିକାଲ୍ ଚୌକି, ଲେମ୍ବୁ ଚାମଚ, ଦୌଡ଼ି ଟଣା ଏଵଂ ମହିଳା ସ୍ଵୟଂ ସହାୟିକା ଗୋଷ୍ଠୀର ସଭ୍ୟା, ସ୍ୱଚ୍ଚ ସାଥୀ ଓ ସ୍ଵଚ୍ଚ କର୍ମୀ ମାନଙ୍କ ମଧ୍ୟରେ ଅନୁଷ୍ଠିତ ବିଭିନ୍ନ ପ୍ରତିଯୋଗୀତାର କୃତି ପ୍ରତିଯୋଗୀଙ୍କୁ ଅତିଥି ମାନେ ପୁରସ୍କୃତ କରିଥିଲେ। ଏହି କାର୍ଯ୍ୟକ୍ରମରେ ଉପାଧ୍ୟକ୍ଷା ସୌମ୍ୟା ମହାପାତ୍ର, କାଉନସିଲର ଏ ସତୀଶ, ଶର୍ମିଷ୍ଠା ଦେଓ, ଅମିତ୍ ପ୍ରଧାନ, ସମେଶ ଖୋରା, ନଗେନ୍ଦ୍ର ପଟ୍ଟନାୟକ, ମମତା ମହାରଣା ପ୍ରମୁଖ କାଉନସିଲରଙ୍କ ସମେତ ପୌର କର୍ମଚାରୀ ଜ୍ୟୋତି ପରିଚ୍ଛା, ରାମ ଦାସ, ସାନୁ ପ୍ରହରାଜ, ଶଶାଙ୍କ ବେହେରା ପ୍ରମୁଖ ଉପସ୍ଥିତ ଥିଲେ