କଂଗ୍ରେସର ମାଷ୍ଟରଷ୍ଟ୍ରୋକ୍: ମହାରାଷ୍ଟ୍ରରେ ମହିଳା ମୁଖ୍ୟମନ୍ତ୍ରୀ ଦାବି..

ମୁମ୍ବାଇ: ଖୁବ ଶୀଘ୍ର ମହାରାଷ୍ଟ୍ରରେ ବିଧାନସଭା ନିର୍ବାଚନ ହେବାକୁ ଯାଉଛି।  ମହାବିକାଶ ଅଘାଡି (ଏମଭିଏ) ମଧ୍ୟରେ ୧୩୦ଟି ଆସନ ସମ୍ପର୍କରେ ଏକ ସହମତି ପ୍ରକାଶ ପାଇଛି। ଏମଭିଏ  ମହାୟୁତିକୁ ଟକ୍କର ଦେବାକୁ ପ୍ରସ୍ତୁତି ଆରମ୍ଭ କରିଛି। ତେବେ ଏହି ସମୟରେ ମହାରାଷ୍ଟ୍ରରେ ଜଣେ ମହିଳା ମୁଖ୍ୟମନ୍ତ୍ରୀ ହେବା ପାଇଁ ସ୍ୱର ଉତ୍ତୋଳନ ଆରମ୍ଭ ହୋଇଛି। ଜଣେ ମହିଳାଙ୍କୁ ମହାରାଷ୍ଟ୍ରର ମୁଖ୍ୟମନ୍ତ୍ରୀ କରିବା ପାଇଁ ମୁମ୍ବାଇ କଂଗ୍ରେସ ସଭାପତି ତଥା ସାଂସଦ ବର୍ଷା ଗାଇକୱାଡ ଦାବି କରିଛନ୍ତି। ଏପରି କରି କଂଗ୍ରେସ ନିର୍ବାଚନ ପୂର୍ବରୁ ମାଷ୍ଟରଷ୍ଟ୍ରୋକ୍ ଖେଳିବା ଆରମ୍ଭ କରିଥିବା ରାଜ୍ୟ ରାଜନୈତିକ ମହଲରେ ଚର୍ଚ୍ଚା ହେଉଛି।

କଂଗ୍ରେସ ସଭାପତି ତଥା ସାଂସଦ ବର୍ଷା ଗାଇକୱାଡ କହିଛନ୍ତି  ଯଦି ମହାରାଷ୍ଟ୍ର ପ୍ରଥମ ମହିଳା ମୁଖ୍ୟମନ୍ତ୍ରୀ ପାଇବ ତେବେ ସେ ବହୁତ ଖୁସି ହେବେ। ଉଭୟ ସୋସିଆଲ ମିଡିଆରେ ତଥା ରାଜ୍ୟର ରାଜନୈତିକ କରିଡରରେ ଏନେଇ ଚର୍ଚ୍ଚା ହେବାରେ ଲାଗିଛି।

ସେ ଆହୁରି ମଧ୍ୟ କହିଛନ୍ତି, ମହାରାଷ୍ଟ୍ର ହେଉଛି ଏକ ରାଜ୍ୟ ଯାହା ମହିଳାମାନଙ୍କୁ ସୁଯୋଗ ଦେଇଥାଏ। ମହାରାଷ୍ଟ୍ର ମହିଳାମାନଙ୍କୁ ପ୍ରତିନିଧିତ୍ୱ କରୁଥିବା ସଂରକ୍ଷଣ ବିଲ୍ ପାରିତ କରିଥିଲା। ତେଣୁ ନିର୍ବାଚନ ପରେ ଜଣେ ମହିଳା ମୁଖ୍ୟମନ୍ତ୍ରୀ ହେବା ମୁଁ ଚାହେଁ। ଏଥିସହ ବର୍ଷା ଗାଇକୱାଡ ଦର୍ଶାଇଛନ୍ତି ଯେ ଏନସିପିର ସୁପ୍ରିୟା ସୁଲେ ଏବଂ ଶିବସେନା ୟୁବିଟିର ରଶ୍ମି ଠାକରେ ମୁଖ୍ୟମନ୍ତ୍ରୀ ପଦ ପାଇଁ ପ୍ରତିଦ୍ୱନ୍ଦ୍ୱୀ ଅଟନ୍ତି।

ଅନେକ ଭୋଟର ଜଣେ ମହିଳା ଏଥର ଶୀର୍ଷ ପଦବୀରେ ରୁହନ୍ତୁ ବୋଲି ଚାହୁଁଛନ୍ତି।  ଏହି ଦାବି ରାଜନୈତିକ କ୍ଷେତ୍ରରେ ମହିଳା ପ୍ରାର୍ଥୀଙ୍କୁ ଦିଆଯାଇଥିବା ଟିକଟ୍ ସଂଖ୍ୟାରେ ବୃଦ୍ଧି ଘଟାଇପାରେ  ବୋଲି ରାଜନୈତକ ସମୀକ୍ଷକ ମତପୋଷଣ କରିଛନ୍ତି। ମହା ବିକାଶ ଅଘାଡିର ସୂତ୍ର ଅନୁଯାୟୀ, ଉଦ୍ଧବ ଠାକରେଙ୍କ ଶିବସେନା ୟୁବିଟି ତୁଳନାରେ କଂଗ୍ରେସ ଏବଂ ଶରଦ ପାୱାର ନେତୃତ୍ୱାଧୀନ ଏନସିପି (ଏସପି) ପାଇଁ ସେମାନଙ୍କ ଆଭ୍ୟନ୍ତରୀଣ ସର୍ଭେରେ ଅନୁକୂଳ ପ୍ରତିକ୍ରିୟା ପ୍ରକାଶ ପାଇଛି। ଏହା ମଧ୍ୟ ଦର୍ଶାଇଛି ଯେ ଶରଦ ପାୱାରଙ୍କ ବ୍ୟାପକ ରାଜ୍ୟବ୍ୟାପୀ ଅଭିଯାନ ଏନସିପି (ଏସପି) ପାଇଁ ସକାରାତ୍ମକ ଗତି ହାସଲ କରିଛି। ପଶ୍ଚିମ ମହାରାଷ୍ଟ୍ର, ଅହମ୍ମଦନଗର, ଏବଂ ନାଶିକ ଭଳି ଅଞ୍ଚଳରେ ଏନସିପିର ଶରଦ ପାୱାର ଦଳ ପାଇଁ ସମର୍ଥନ ବଢିବାରେ ଲାଗିଛି। 

ମହାରାଷ୍ଟ୍ରର ୬୪ ବର୍ଷର ରାଜନୈତିକ ଇତିହାସରେ କୌଣସି ମହିଳା ମୁଖ୍ୟମନ୍ତ୍ରୀ ନାହାଁନ୍ତି। ଏଭଳି ପରିସ୍ଥିତିରେ ବର୍ଷା ଗାଇକୱାଡ କହିଛନ୍ତି ଯେ ଯେତେବେଳେ ଉତ୍ତରପ୍ରଦେଶ, ପଶ୍ଚିମବଙ୍ଗ ଏବଂ ବିହାର ଭଳି ରାଜ୍ୟରେ ମହିଳାମାନେ ମୁଖ୍ୟମନ୍ତ୍ରୀ ହୋଇପାରୁଛନ୍ତି ତେବେ ମହାରାଷ୍ଟ୍ରରେ କାହିଁକି ନୁହେଁ? ତେବେ ଏହା ପ୍ରଥମ ଘଟଣା ନୁହେଁ ଯେ ମହାରାଷ୍ଟ୍ରରେ ଜଣେ ମହିଳାଙ୍କୁ ସିଏମ୍ କରିବା ପାଇଁ ଦାବି ଉଠିଛି। ଏହି ସମସ୍ୟା ପୂର୍ବରୁ ମଧ୍ୟ ଅନେକ ଥର ଆସିଛି ।

ଏହା ମଧ୍ୟ ଅନୁମାନ କରାଯାଉଛି ଯେ ସାରା ରାଜ୍ୟରେ ରାଜନୈତିକ କାର୍ଯ୍ୟକଳାପରେ ଶରଦ ପାୱାରଙ୍କ ପତିଆରା ବୃଦ୍ଧି ତାଙ୍କ ଝିଅ ସୁପ୍ରିୟା ସୁଲେଙ୍କୁ ମହାରାଷ୍ଟ୍ରର ପ୍ରଥମ ମହିଳା ମୁଖ୍ୟମନ୍ତ୍ରୀ ଭାବରେ ସ୍ଥିର କରିବାକୁ ଲକ୍ଷ୍ୟ ରଖିପାରେ, କିନ୍ତୁ ଯେତେବେଳେ ଏହି ସମ୍ଭାବନା ବିଷୟରେ ପଚରାଗଲା, ଉଭୟ ସୁଲେ ଏବଂ ପାୱାର କ୍ରମାଗତ ଭାବରେ ଏହା ବଜାୟ ରଖିଛନ୍ତି ଯେ ଦଳର ପ୍ରଦର୍ଶନ ଉପରେ ନିର୍ଭର କରି ନିର୍ବାଚନ ପରେ ମୁଖ୍ୟମନ୍ତ୍ରୀଙ୍କ ପଦ ବିଷୟରେ ନିଷ୍ପତ୍ତି ନିଆଯିବ। ଯେତେବେଳେ ବର୍ଷା ଗାଇକୱାଡଙ୍କୁ ମୁଖ୍ୟମନ୍ତ୍ରୀ ହେବାକୁ ଚାହୁଁଛନ୍ତି କି ବୋଲି ପଚରାଯିବାରୁ ଗାଇକୱାଡ କହିଛନ୍ତି, ମୁଁ ଜଣେ କଂଗ୍ରେସ କର୍ମୀ। ମୁଖ୍ୟମନ୍ତ୍ରୀ ପଦ ପାଇଁ ଆମର ଅନେକ ଚେହେରା ଅଛନ୍ତି। କିନ୍ତୁ ଦଳର ପରମ୍ପରା ଅନୁଯାୟୀ ନିର୍ବାଚନ ପରେ ମୁଖ୍ୟମନ୍ତ୍ରୀ ପଦ ପାଇଁ ବିଧାୟକମାନେ ସ୍ଥିର କରନ୍ତି।

ସୁପ୍ରିୟା ସୁଲେ ଉଭୟ ଜାତୀୟସ୍ତରରେ ଏବଂ ନିଜ ପାର୍ଟିରେ ନିଜର ସ୍ଥିତିକୁ ସୁଦୃଢ଼ କରିଛନ୍ତି। ଅଜିତ ପାୱାର ଏନସିପିର ନିଜସ୍ୱ ଦଳକୁ ଆଗେଇ ନେବା ପାଇଁ ଅଲଗା ହୋଇଥିବାରୁ ଅନେକେ ବିଶ୍ୱାସ କରନ୍ତି ଯେ ମୂଳ ଏନସିପି (ଏସପି) ମଧ୍ୟରେ କୌଣସି ପ୍ରମୁଖ ପ୍ରତିଯୋଗୀ ନାହାନ୍ତି ଯିଏ ମୁଖ୍ୟମନ୍ତ୍ରୀଙ୍କ ଭୂମିକା ପାଇଁ ସୁଲେଙ୍କ ପ୍ରାର୍ଥୀତ୍ୱକୁ ବିରୋଧ କରିବେ। ଯଦି ଏମଭିଏ ସଂଖ୍ୟାଗରିଷ୍ଠତା ହାସଲ କରେ, ତେବେ ରାଜନୈତିକ ଅଭିଜ୍ଞତା ଏବଂ ଏକୀକରଣକାରୀ ବ୍ୟକ୍ତିତ୍ୱ ଭାବରେ ସୁନାମକୁ ଦୃଷ୍ଟିରେ ରଖି ସୁଲେ ମିଳିତ ମଞ୍ଚ ପାଇଁ ଏକ ଗ୍ରହଣୀୟ ପସନ୍ଦ ହୋଇପାରନ୍ତି  ବୋଲି କୁହାଯାଉଛି।

କଂଗ୍ରେସ ସାଂସଦ ବର୍ଷା ଗାଇକୱାଡଙ୍କ ବିବୃତିର ଉତ୍ତରରେ ସୁଲେ କହିଛନ୍ତି ଯେ ସେ ଜଣେ ମହିଳାଙ୍କୁ ମହାରାଷ୍ଟ୍ରର ପରବର୍ତ୍ତୀ ମୁଖ୍ୟମନ୍ତ୍ରୀ ରୂପେ ଗ୍ରହଣ କରିବେ। ଏନସିପିର ଅଜିତ ପାୱାର ଦଳର ଜଣେ ଗୁରୁତ୍ୱପୂର୍ଣ୍ଣ ନେତା ରୁପାଲି ଚକ୍ରକର ତାଙ୍କ ବିଶ୍ୱାସକୁ ଦୋହରାଇଛନ୍ତି ଯେ ଅଜିତ ପାୱାର ହେଉଛନ୍ତି ରାଜ୍ୟରେ ମହିଳାଙ୍କ ସମସ୍ୟାର ସମାଧାନ ପାଇଁ ଉପଯୁକ୍ତ ନେତା।  ସେ ସର୍ବସାଧାରଣରେ କହିଛନ୍ତି କେବଳ ଜଣେ ମହିଳା ମୁଖ୍ୟମନ୍ତ୍ରୀ ହେବା ଦ୍ବାରା ମହାରାଷ୍ଟ୍ରର ମହିଳାମାନେ ସମ୍ମୁଖୀନ ହେଉଥିବା ପ୍ରକୃତ ସମସ୍ୟାର ସମାଧାନ କରି ହେବ ନାହିଁ। ସେ କହିଛନ୍ତି ଯେ ରାଜ୍ୟର ଆହ୍ୱାନ ଏବଂ ତାଙ୍କ ଅଭିଜ୍ଞତ‌ାକୁ ଭଲ ଭାବେ ବୁଝିବା ସହିତ ଅଜିତ ପାୱାର ମହାରାଷ୍ଟ୍ରକୁ ମୁଖ୍ୟମନ୍ତ୍ରୀ ଭାବେ ନେତୃତ୍ୱ ନେବେ।

ନିର୍ବାଚନରେ ​​ମହିଳା ଭୋଟରଙ୍କ ଭୂମିକାକୁ ଅମାନ୍ୟ କରାଯାଇପାରିବ ନାହିଁ, ବିଶେଷକରି ଅନ୍ୟ ରାଜ୍ୟରେ ହୋଇଥିବା ନିର୍ବାଚନର ଫଳାଫଳକୁ ବିଚାରକୁ ନେଇ ଏହା ରାଜନୈତିକ ସମୀକ୍ଷକ କହିଛନ୍ତି। ଉଦାହରଣ ସ୍ୱରୂପ ମଧ୍ୟପ୍ରଦେଶରେ ନିର୍ବାଚନ ପରବର୍ତ୍ତୀ ତଥ୍ୟରୁ ଜଣାପଡିଛି ଯେ କଂଗ୍ରେସ ଉପରେ ବିଜେପିର ବିଜୟରେ ମହିଳାମାନେ ଏକ ପ୍ରମୁଖ ଭୂମିକା ଗ୍ରହଣ କରିଛନ୍ତି। ଏହାକୁ ଅନୁଭବ ମହାରାଷ୍ଟ୍ରର ବର୍ତ୍ତମାନର ସରକାର ଅଧିକ ମହିଳା ଭୋଟରଙ୍କୁ ଆକର୍ଷିତ କରିବା ପାଇଁ ଏହାର ନୀତି ପ୍ରସ୍ତୁତ କରିବା ଆରମ୍ଭ କରିଛନ୍ତି।