ବ୍ରହ୍ମପୁର ବନଖଣ୍ଡ ଅଧିକାରୀ ଭାବେ ଦାୟିତ୍ୱ ଗ୍ରହଣ କଲେ ସନି ଖୋଖର

ବ୍ରହ୍ମପୁର- ବ୍ରହ୍ମପୁର ବନଖଣ୍ଡ ଅଧିକାରୀ ଭାବେ ୨୦୨୨ ବ୍ୟାଚର ଭାରତୀୟ ବନ ସେବା ଅଧିକାରୀ ସନି ଖୋଖର ଦାୟିତ୍ୱ ଗ୍ରହଣ କରିଛନ୍ତି । ଆଜି ବନଖଣ୍ଡ ଅଧିକାରୀଙ୍କ କାର୍ଯ୍ୟାଳୟ ପରିସରରେ ସେ ବିଧିବଦ୍ଧ ଭାବେ ଅମ୍ଲାନ ନାୟକଙ୍କ ଠାରୁ ଦାୟିତ୍ୱ ଭାର ଗ୍ରହଣ କରିଛନ୍ତି । ଏହା ପୂର୍ବରୁ ସେ ଅନୁଗୁଳରେ ଅତିରିକ୍ତ ବନ ସଂରକ୍ଷକ ଭାବେ କାର୍ଯ୍ୟରତ ଥିଲେ । ସେହିପରି ବ୍ରହ୍ମପୁର ବନଖଣ୍ଡି ଅଧିକାରୀ ଦାୟିତ୍ୱରେ ଥିବା ଅମ୍ଲାନ ନାୟକଙ୍କୁ ଚିଲିକା ବନଖଣ୍ଡ ଅଧିକାରୀ ଭାବେ ବଦଳି ହୋଇଛି ଏହା ସହିତ ସେ ଚିଲିକା ଉନ୍ନୟନ କର୍ତ୍ତୁପକ୍ଷର ଅତିରିକ୍ତ କାର୍ଯ୍ୟ ନିର୍ବାହି ଅଧିକାରୀ ଭାବେ ମଧ୍ୟ କାର୍ଯ୍ୟ କରିବେ । ସେହିପରି ବ୍ରହ୍ମପୁର ବନଖଣ୍ଡରେ ବର୍ତ୍ତମାନ ବିରଳ ଅଲିଭ ରିଡଲେ କଇଁଚ ଗଣ ଅଣ୍ଡାଦାନ କରିଥିବା ବେଳେ ଅଣ୍ଡାରୁ ନୂତନ ଶାବକ ଜନ୍ମ ଗ୍ରହଣ କରି ଜଳରାଶିକୁ ଯିବା ପର୍ଯ୍ୟନ୍ତ ତାହାରଲ ସୁରକ୍ଷା ମୁଖ୍ୟ ଦାୟିତ୍ୱ ରହିବ । ଏହା ସହିତ ସମସ୍ତ ବନ୍ୟପ୍ରାଣୀଙ୍କୁ ସୁରକ୍ଷାକୁ ଗୁରୁତ୍ୱ ଦିଆଯିବ ଏବଂ ବନଖଣ୍ଡ ଅଧିନରେ ବନୀକରଣକୁ ଅଧିକ ଗୁରୁତ୍ୱ ଦିଆଯିବ ବୋଲି ନୂତନ ବନଖଣ୍ଡ ଅଧିକାରୀ କହିଛନ୍ତି ।