ଚଳନ୍ତା ସ୍କୁଲ ବସ୍ରେ ନିଆଁ: ଜଳିଗଲା ସ୍କୁଲ ବ୍ୟାଗ୍-ବହିଖାତା
ଭୋପାଳ: ମଧ୍ୟପ୍ରଦେଶର ଶିବପୁରୀ ଜିଲ୍ଲାରେ ହଠାତ୍ ଏକ ଚଳନ୍ତା ସ୍କୁଲ ବସ୍ରେ ନିଆଁ ଲାଗିଯାଇଛି। ଡ୍ରାଇଭର ଏବଂ ଶିକ୍ଷକଙ୍କ ଉପସ୍ଥିତ ବୁଦ୍ଧି ଯୋଗୁ ପିଲାମାନଙ୍କୁ ଠିକ୍ ସମୟରେ ଉଦ୍ଧାର କରି ବାହାରକୁ ଅଣାଯାଇଥିଲା, କିନ୍ତୁ ସେମାନଙ୍କର ବ୍ୟାଗ ଏବଂ ବହିଖାତା ପୋଡି ପାଉଁଶ ହୋଇଯାଇଛି। କୁହାଯାଉଛି ଯେ ସ୍କୁଲ ଛୁଟି ପରେ ବସ୍ ପିଲାମାନଙ୍କୁ ଘରେ ଛାଡିବାକୁ ଯାଉଥିଲା।
ସର୍ଟ ସର୍କିଟ ଯୋଗୁ ନିଆଁ ଲାଗିଥିବା କୁହାଯାଉଛି। ନିଆଁ ଲାଗିବା ସମୟରେ ବସ୍ରେ ୧୨ ଜଣ ପିଲା ଥିଲେ। ଏହି ବସ୍କୁ ଗୋଟୁ ଧାକଡ ନାମକ ଜଣେ ଡ୍ରାଇଭର ଚଳାଉଥିଲେ। ଛୁଟି ପରେ ବସ୍ ପିଲାମାନଙ୍କୁ ଘରେ ଛାଡିବାକୁ ଯାଉଥିଲା। ସ୍କୁଲରୁ ବାହାରିବା ସମୟରେ କୌଣସି ଅସୁବିଧା ନ ଥିଲା। ଅଧାରୁ ଅଧିକ ପିଲାଙ୍କୁ ଘରେ ଛଡା ଯାଇ ସାରିଥିଲା। ହଠାତ୍ ଡ୍ରାଇଭର ଇଞ୍ଜିନରୁ ଧୂଆଁ ବାହାରୁଥିବା ଦେଖିଥିଲେ। ତାପରେ ନିଆଁ ଲାଗିଯାଇଥିଲା।
ବସ୍ ଡ୍ରାଇଭର ଏବଂ ଜଣେ ଶିକ୍ଷକ ପିଲାମାନଙ୍କୁ ଓହ୍ଲାଇବା ଆରମ୍ଭ କରିଥିଲେ। ସମସ୍ତ ପିଲାଙ୍କୁ ସୁରକ୍ଷିତ ଭାବେ ବାହାରକୁ ଅଣାଯାଇଥିଲା। ତେବେ ବସ୍ର କ୍ୟାବିନ ଜଳି ଯାଇଥିଲା।