ଇସ୍ରାଏଲରେ ଇରାନର ଗୁପ୍ତଚର ନେଟୱାର୍କ: ନେତାନ୍ୟାହୁଙ୍କ ଚିନ୍ତା ବଢ଼ିଲା

ଜେରୁଜେଲମ୍: ସମଗ୍ର ବିଶ୍ୱରେ ଗୁପ୍ତଚର ପାଇଁ ଇସ୍ରାଏଲ ପ୍ରସିଦ୍ଧ। କିନ୍ତୁ ଇସ୍ରାଏଲରେ ଇରାନର ଗୁପ୍ତଚର ନେଟୱାର୍କ ଜାରି ରହିଛି। ଗୁପ୍ତଚର ନେଟୱାର୍କ ବହୁ ଗୁପ୍ତ ସୂଚନା ପ୍ରଦାନ କରୁଛି।  ଏନେଇ ବେଞ୍ଜାମିନ୍ ନେତାନ୍ୟାହୁଙ୍କ ଚିନ୍ତା ବଢ଼ିବାରେ ଲାଗିଛି। ଏବେ ଏହାର ପର୍ଦ୍ଦାଫାଶ୍ ହୋଇଛି। ଇରାନର ଗୁପ୍ତଚର ନେଟୱାର୍କ ବହୁ ବର୍ଷ ଧରି ଇସ୍ରାଏଲରେ କାର୍ଯ୍ୟ କରୁଥିଲେ ମଧ୍ୟ ଇସ୍ରାଏଲ ଗୁପ୍ତଚର ବିଭାଗ କିଭଳି ଏହା ଜାଣି ପାରି ନ ଥିଲେ ସେନେଇ ପ୍ରଶ୍ନ ସୃଷ୍ଟି ହୋଇଛି।

ଅକ୍ଟୋବର ୨୧ ସୋମବାର ଦିନ ଇସ୍ରାଏଲ୍ କହିଥିଲା ଯେ ଏହା ସାତଜଣ ଇସ୍ରାଏଲ୍ ନାଗରିକଙ୍କୁ ଗିରଫ କରିଛି। ଆଜେରବାଇଜାନର ଏହି ଇସ୍ରାଏଲ ନାଗରିକମାନେ ଦେଶର ମୁଖ୍ୟ ଶତ୍ରୁ ଇରାନ ପାଇଁ ଗୁପ୍ତଚରୀ କରୁଥିବା ଅଭିଯୋଗ ହୋଇଛି।