ନିଖୋଜ ଥିଲେ ଆଶାକର୍ମୀ, ପୋଖରୀରୁ ଉଦ୍ଧାର ହେଲା କ୍ଷତବିକ୍ଷତ ମୃତଦେହ
ଭସ୍ମା ଥାନା ଅଧୀନ କୁଡ଼ାବଗା ପତ୍ରାପାଲି ଗାଁରେ ଦୀର୍ଘ ୨୪ ଘଣ୍ଟାରୁ ଅଧିକ ସମୟ ଧରି ନିଖୋଜ ଥିବା ଆଶାକର୍ମୀ ସୁଭାଷିନୀ ନାଏକଙ୍କର ମୃତଦେହ କ୍ଷତବିକ୍ଷତ ଅବସ୍ଥାରେ ଆଜି ଅପରାହ୍ଣ ସମୟରେ ପୋଖରୀରୁ ଉଦ୍ଧାର କରାଯାଇଛି। ପାରିପାର୍ଶ୍ବିକ ଅବସ୍ଥାରୁ ଏହା ଏକ ହତ୍ୟାକାଣ୍ଡ ବୋଲି ଜଣାପଡୁଛି। ଜମିବାଡ଼ିକୁ କେନ୍ଦ୍ର କରି ପାରିବାରିକ ଶତ୍ରୁତା ଯୋଗୁଁ ଆଶାକର୍ମୀଙ୍କୁ ହତ୍ୟା କରାଯାଇ ଥାଇପାରେ ବୋଲି ପୁଲିସ ଅନୁମାନ କରୁଛି।
ଏହି ଖବର ପଢ଼ନ୍ତୁ: ବର୍ଷକରେ ୮୫ ନୂଆ ସଂକ୍ରମିତ
ଘଟଣା ଅନୁସାରେ ଗତକାଲି ଅପରାହ୍ଣ ୧୨ ଟା ୩୦ ବେଳକୁ ଆଶାକର୍ମୀ ସୁଭାଷିନୀ ନାଏକ ଘରର ଦୈନନ୍ଦିନ କାମ ସାରି ଗାଁ ନିକଟ ପୋଖରୀକୁ ଗାଧୋଇବା ପାଇଁ ଯାଇଥିଲେ। ସେ ଆଉ ଘରକୁ ଫେରି ନଥିଲେ। ତେବେ ଏହାରି ଭିତରେ ତାଙ୍କ ଘରକୁ ମୋବାଇଲ ଫୋନ୍ କଲ୍ ଆସିଥିଲା ଏବଂ ମୋବାଇଲରେ ତାଙ୍କର କାନ୍ଦିବାର ଶଦ୍ଦ ଶୁଣାଯାଉଥିଲା।