ହୃଦଘାତରେ ଲୋକପ୍ରିୟ କୁସ୍ତିଯୋଦ୍ଧାଙ୍କ ମୃତ୍ୟୁ
ପୁଣେରେ ଜଣେ ଯୁବ କୁସ୍ତିଯୋଦ୍ଧାଙ୍କ ବୁଧବାର ଜିମରେ ବ୍ୟାୟାମ କରୁଥିବା ବେଳେ ହୃଦଘାତରେ ମୃତ୍ୟୁ ହୋଇଥିବାର ଏକ ଦୁଃଖଦ ଘଟଣା ସାମ୍ନାକୁ ଆସିଛି। ମୃତ କୁସ୍ତିଯୋଦ୍ଧାଙ୍କ ନାମ ବିକ୍ରମ ପାରଖି ବୋଲି ଜଣାପଡ଼ିଛି।
ସୂଚନାଯୋଗ୍ୟ, ଲୋକପ୍ରିୟ କୁସ୍ତିଯୋଦ୍ଧା ସବୁଦିନ ପରି ଗତ ବୁଧବାର ବି ଜିମକେନ୍ଦ୍ରକୁ ଯାଇଥିଲେ। ଜିମ କେନ୍ଦ୍ରରେ ବ୍ୟାୟାମ କରୁଥିବା ବେଳେ ବିକ୍ରମଙ୍କ ଛାତିରେ ଯନ୍ତ୍ରଣା ହୋଇଥିଲା। ସେ ବ୍ୟାୟାମ ଛାଡ଼ି ତଳେ ବସିପଡ଼ିଥିଲେ। ସେ ପରେ ଚଟାଣରେ ଶୋଇପଡ଼ିଥିଲେ। ଜିମକେନ୍ଦ୍ରରେ ଥିବା ସଦସ୍ୟମାନେ ତୁରନ୍ତ ବିକ୍ରମଙ୍କୁ ଘଟଣାସ୍ଥଳରୁ ଉଦ୍ଧାର କରି ଚିକିତ୍ସା ପାଇଁ ହସ୍ପିଟାଲରେ ଭର୍ତ୍ତି କରିଥିଲେ। ହେଲେ ଡାକ୍ତର କୁସ୍ତିଯୋଦ୍ଧାଙ୍କୁ ମୃତ ଘୋଷଣା କରିଥିଲେ। ହୃଦଘାତରେ କୁସ୍ତିଯୋଦ୍ଧାଙ୍କ ମୃତ୍ୟୁ ହୋଇଥିବା ଡାକ୍ତରଙ୍କ ସୂତ୍ରରୁ ପ୍ରକାଶ ପାଇଥିଲା।