ଖୋଲୁଛି ଦେବଯାନୀଙ୍କ ଟଙ୍କା ପେଡି, ମିଳିଲାଣି ୧୫ ଲକ୍ଷରୁ ଅଧିକ ଟଙ୍କା

ଭୁବନେଶ୍ୱର: ଖୋଲିବାରେ ଲାଗିଛି, କନିଷ୍ଠ କିରାଣୀଙ୍କ ଲାଞ୍ଚ ଟଙ୍କାର ପେଡି | ୨୦ ହଜାର ଲାଞ୍ଚର ଚେର ଖୋଜୁ ଖୋଜୁ ଭିଜିଲାନ୍ସ ହାତରେ ଲାଗିଲାଣି ୧୫ ଲକ୍ଷରୁ ଅଧିକ ଟଙ୍କା | ଆମେ କହୁଛୁ ଭୁବନେଶ୍ୱର ଖଣ୍ଡଗିରି ସବ ରେଜିଷ୍ଟର ଅଫିସ୍ ର ଜୁନିଅର କ୍ଲର୍କ ଦେବଜାନୀ କରଙ୍କ କଳା କାରନାମା ବାବଦରେ | ମିଳିଥିବା ସୂଚନା ମୁତାବକ ଭୁବନେଶ୍ୱର ସବ ରେଜିଷ୍ଟର ଅଫିସ୍ ରୁ ମିଳିଲାଣି ପୂଳା ପୁଳା ଟଙ୍କା | ଭିଜିଲାନ୍ସ ରେଡ୍ ସମୟରେ ଜବତ ହେଲାଣି ପାଖାପାଖି ୧୫ ଲକ୍ଷ ଟଙ୍କା |

ଟଙ୍କା ଗଣିଗଣି ଭିଜିଲାନ୍ସ ହାଲିଆ | ସବ ରେଜିଷ୍ଟର ଅଫିସ୍ ର ଜୁନିଅର କ୍ଲର୍କ ଦେବଜାନୀ କର ୨୦ ହଜାର ଟଙ୍କା ଲାଞ୍ଚ ନେଉଥିବା ବେଳେ ମାଡ଼ି ବସିଥିଲା ଭିଜିଲାନ୍ସ ବିଭାଗ | ସେହି ଆଧାରରେ ତାଙ୍କ ଅଫିସ୍ ଓ ଘରେ ରେଡ୍ କରିଥିଲା ଭିଜିଲାନ୍ସ | ଅଫିସରେ ରେଡ୍ ସମୟରେ ବର୍ତ୍ତମାନ ଯାଏଁ ପାଖାପାଖି ୧୫ ଲକ୍ଷ ଟଙ୍କା ନଗଦ କ୍ୟାସ ଜବତ କରିଛି ଭିଜିଲାନ୍ସ | ଏ ଟଙ୍କାର କୌଣସି ସନ୍ତୋଷ ଜନକ ଉତ୍ତର ମିଳିପାରିନାହିଁ | ଦେବଯାନୀଙ୍କୁ ଭିଜିଲାନ୍ସ ଅଟକ ରଖି ପଚରାଉଚୁରା ଚଳାଇଛି |