ଆମେରିକା ଆକାଶରେ ରହସ୍ୟମୟ ଡ୍ରୋନ : କଣ କହିଲେ ଟ୍ରମ୍ପ ?

ନ୍ୟୁଜର୍ସି : ଆମେରିକାର ନବନିର୍ବାଚିତ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଦେଶର ବିଭିନ୍ନ ସ୍ଥାନରେ ଦେଖାଯାଉଥିବା ରହସ୍ୟମୟ ଡ୍ରୋନ୍ଗୁଡ଼ିକୁ ‘ଖସାଇ’ ଦେବାକୁ ନିର୍ଦ୍ଦେଶ ଦେଇଛନ୍ତି। ଏହି ରହସ୍ୟମୟ ଡ୍ରୋନ୍ ପ୍ରଥମେ ନ୍ୟୁଜର୍ସିରେ ଦେଖିବାକୁ ମିଳିଥିଲା, କିନ୍ତୁ ସେବେଠାରୁ ଅନ୍ୟ ସ୍ଥାନରେ ମଧ୍ୟ ଏଭଳି ଡ୍ରୋନ୍ ଦେଖିବାକୁ ମିଳିଛି। ଯଦିଓ ଆମେରିକା ସରକାର ଏବଂ ହ୍ୱାଇଟ୍ ହାଉସ୍ ଏପର୍ଯ୍ୟନ୍ତ କହି ଆସୁଛନ୍ତି ଯେ ସେମାନେ ଜାତୀୟ ନିରାପତ୍ତା ପ୍ରତି କୌଣସି ବିପଦ ନାହିଁ ଏବଂ ଏଥିରେ କୌଣସି ବିଦେଶୀ ହାତ ଥିବାର ପ୍ରମାଣ ନାହିଁ, ତଥାପି ଏହି ରହସ୍ୟମୟ ଡ୍ରୋନ୍ ଦେଖାଯିବା ଚର୍ଚ୍ଚାର ବିଷୟ ହୋଇଛି । ସେହିପରି ଆମେରିକାର ହୋମଲାଣ୍ଡ ସୁରକ୍ଷା ସଚିବ ଆଲେଜାଣ୍ଡ୍ରୋ ମାୟୋର୍କାସ କହିଛନ୍ତି ଯେ ଉଡ଼ୁଥିବା ଡ୍ରୋନଗୁଡ଼ିକ କୌଣସି ବିପଦ ସୃଷ୍ଟି କରୁନାହିଁ ।  

ତେବେ ଏ ସଂପର୍କରେ ଆଗାମୀ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ବୟାନ ଆସିଛି । ଟ୍ରମ୍ପ ଶୁକ୍ରବାର ସୋସିଆଲ ମିଡିଆ ପ୍ଲାଟଫର୍ମ ଟ୍ରୁଥ୍ ସୋସିଆଲରେ ଏକ ପୋଷ୍ଟରେ କହିଛନ୍ତି, ଦେଶବ୍ୟାପୀ ରହସ୍ୟମୟ ଡ୍ରୋନ୍ ଦେଖାଦେଇଛି। କ’ଣ ପ୍ରକୃତରେ ଆମ ସରକାରଙ୍କ ଅଜାଣତରେ ଏହା ଘଟୁଛି? ମୁଁ ଏପରି ଭାବୁନାହିଁ, ବର୍ତ୍ତମାନ ସରକାର ଜନସାଧାରଣଙ୍କୁ ଏ ବିଷୟରେ ସୂଚନା ଦିଅନ୍ତୁ କିମ୍ବା ସେମାନଙ୍କୁ ହତ୍ୟା କରନ୍ତୁ। ’’