ଇଂରାଜୀରେ ନିଜର ଅସୁସ୍ଥତା ବିଷୟରେ ମାଲିକାଣୀଙ୍କୁ ଜଣାଉଛି ଶୁଆ

ନୂଆଦିଲ୍ଲୀ: ସୋସିଆଲ ମିଡିଆରେ ପକ୍ଷୀ ସହିତ ଜଡ଼ିତ ଅନେକ ଭିଡିଓ ଭାଇରାଲ ହୋଇଥାଏ। କିଛି ପକ୍ଷୀ ଘରେ ଗୃହପାଳିତ ଭାବେ ଥିବା ବେଳେ ଆଉ କିଛି ପକ୍ଷୀ ଖୋଲା ଆକାଶ ତଳେ ଘୁରି ବୁଲୁଥାଆନ୍ତି।

ପକ୍ଷୀମାନଙ୍କ ମଧ୍ୟରୁ ଶୁଆ ଓ ସାରିଙ୍କୁ ଘରେ ଗୃହପାଳିତ ଭାବେ ରଖାଯାଇଥାଏ। ନିକଟରେ ସୋସିଆଲ ମିଡିଆରେ ଏକ ଶୁଆର ଭିଡିଓ ଭାଇରାଲ ହେବାରେ ଲାଗିଛି। ଯିଏକି ସ୍ପଷ୍ଟ ଭାବେ ଇଂରାଜୀ କହୁଥିବା ଶୁଣିବାକୁ ମିଳୁଛି। ଭାଇରାଲ ଭିଡିଓରେ ଶୁଆ ତାର ମାଲିକାଣୀଙ୍କୁ ବୁଝାଇବାକୁ ଚେଷ୍ଟା କରୁଛି କି ତାକୁ ଥଣ୍ଡା ଓ କାଶ ହୋଇଛି। ଶୁଆ ତାର ମାଲିକାଣୀଙ୍କୁ ନିଜର ଅସୁସ୍ଥତାକୁ ଏମିତି ବଖାଣୁଛି କି ଯେମିତି କେହି ଜଣେ ବୃଦ୍ଧ କି ବୃଦ୍ଧା ଅସୁସ୍ଥ ଅଛନ୍ତି।