ରାଜ୍ୟ

କୋଣାର୍କରୁ ଫେରୁଥିଲେ ୨ ବାଇକ୍‌ ଆରୋହୀ: ପର୍ଯ୍ୟଟକଙ୍କ ବସ୍‌ ଧକ୍କାରେ ଜଣେ ମୃତ

କୋଣାର୍କରୁ ଫେରୁଥିଲେ ୨ ବାଇକ୍‌ ଆରୋହୀ: ପର୍ଯ୍ୟଟକଙ୍କ ବସ୍‌ ଧକ୍କାରେ ଜଣେ ମୃତ

ବାମନାଳ: ନୂଆବର୍ଷରେ ଅଘଟଣ ଘଟିଛି। ପୁରୀ ଜିଲ୍ଲା କୋଣାର୍କସ୍ଥିତ ସୂର୍ଯ୍ୟମନ୍ଦିର ଦର୍ଶନ ସାରି ଘରକୁ ଫେରୁଥିବା ବେଳେ ୩ ଜଣ ଯୁବକ ଦୁର୍ଘଟଣାର ସାମ୍ନା କରିଛନ୍ତି। ବାଇକ୍‌ ଆରୋହୀ ଏହି ୩ଜଣଙ୍କୁ ଏକ ପର୍ଯ୍ୟଟକଙ୍କ ବସ୍‌ ଧକ୍କା ଦେଇଛି। ଫଳରେ ଜଣଙ୍କର ମୃତ୍ୟୁ ଘଟିଛି। ମୃତ ବ୍ୟକ୍ତି ହେଲେ ‌ଗଣେଶ ସେଠୀ (୨୪)। 

ଏହି ଖବର ପଢ଼ନ୍ତୁ: ନୂଆବର୍ଷରେ ନନ୍ଦନକାନନ ବୁଲିଲେ ୫୭୧୯ ଶିଶୁ, ୧୪ ବିଦେଶୀ ପର୍ଯ୍ୟଟକ

ଘଟଣାରୁ ପ୍ରକାଶ ଯେ, ଭୁବନେଶ୍ୱରର ଭୀମଟାଙ୍ଗୀ ଅଞ୍ଚଳର ଗଣେଶ ସେଠୀ ଓ ସୁନ୍ଦରପଦାର ଆଶିଷ ସାହୁ ଆଜି ପୂର୍ବାହ୍‌ଣରେ ନୂଆବର୍ଷ ପାଇଁ ଏକ ବାଇକ୍‌ରେ କୋଣାର୍କ ବୁଲିବାକୁ ଯାଇଥିଲେ। ସେମାନେ ସେଠାରେ ବୁଲାବୁଲି ସାରିବା ପରେ ସନ୍ଧ୍ୟା ସମୟରେ ଘରକୁ ଫେରୁଥିଲେ। ଦୁଇସାଙ୍ଗ ପିପିଲି-ନିମାପଡ଼ା ରାସ୍ତାର ରଟିଳଛକ ନିକଟରେ ଆଶିଷ ସାହୁ ଗାଡ଼ି ଚଳାଉଥିବା ବେଳେ ପଛରେ ବସିଥିଲେ ଗଣେଶ ସେଠୀ। ଏହି ସମୟରେ ପଛପଟୁ ଏକ ଦ୍ରୁତବେଗରେ ଆସୁଥିବା ପର୍ଯ୍ୟଟକଙ୍କ ବସ୍‌ ନିୟନ୍ତ୍ରଣ ହରାଇଥିଲା। ବସ୍‌ଟି ବାଇକ୍‌ ଆରୋହୀଙ୍କୁ ଶକ୍ତ ଧକ୍କା ଦେଇଥିଲା। ବାଇକ୍‌ର ଚାଳକ ଆଶିଷ ରାସ୍ତାକଡ଼କୁ ଛିଟିକି ପଡ଼ିଥିଲେ । କିନ୍ତୁ ପଛରେ ବସିଥିବା ଗଣେଶ ରାସ୍ତାରେ ପଡ଼ି ଯାଇଥିଲେ।

Leave a Reply

Your email address will not be published. Required fields are marked *