ଡୋଭାଲଙ୍କ ନୀତି ଭଳି ଟିଟିପି ବିରୋଧରେ ପାକିସ୍ତାନୀ ସେନାର ସର୍ଜିକାଲ୍ ଷ୍ଟ୍ରାଇକ୍

ଇସଲାମାବାଦ: ତାଲିବାନ ସହିତ ଯୁଦ୍ଧ  ପରିସ୍ଥିତି ମଧ୍ୟରେ ପାକିସ୍ତାନୀ ସେନା ବର୍ତ୍ତମାନ ଭାରତୀୟ ଏନଏସଏ ଅଜିତ ଡୋଭାଲଙ୍କ ନୀତିରେ କାର୍ଯ୍ୟ କରୁଛି। ପାକିସ୍ତାନର ବରିଷ୍ଠ ସାମ୍ବାଦିକ ତଥା ବିଶ୍ଳେଷକ ନଜାମ ସେଠୀ ଏହି ଦାବି କରିଛନ୍ତି। ସେ କହିଛନ୍ତି ଯେ, ଜେନେରାଲ ଅସୀମ ମୁନିରଙ୍କ ନେତୃତ୍ୱରେ ପାକିସ୍ତାନୀ ସେନା ମଧ୍ୟ ଅଜିତ ଡୋଭାଲଙ୍କ ରଣନୀତି ଭାରତରୁ ଗ୍ରହଣ କରିଛି।ଭାରତର ଜାତୀୟ ସୁରକ୍ଷା ପରାମର୍ଶଦାତା ଅଜିତ ଡୋଭାଲଙ୍କ ନାମରେ ନାମିତ ଏହି ନୀତି ସାରା ବିଶ୍ୱରେ ଲୁଚି ରହିଥିବା ଭାରତର ଶତ୍ରୁମାନଙ୍କୁ ମୂଳପୋଛ କରାଯାଉଛି। ଏହି ରଣନୀତି ଅନୁଯାୟୀ ପାକିସ୍ତାନର କଶ୍ମୀର ଏବଂ ବାଲାକୋଟରେ ଏୟାର ଷ୍ଟ୍ରାଇକ୍ କରାଯାଇଥିଲା।ସେଠୀ କହିଛନ୍ତି, ଆଜି ପାକିସ୍ତାନ ସେନା ଆଫଗାନିସ୍ତାନ ଭିତରକୁ ପ୍ରବେଶ କରି ଟିଟିପି ନେତାମାନଙ୍କୁ ହତ୍ୟା କରୁଛି। ପାକିସ୍ତାନ ବାୟୁସେନା ଟିଟିପି ଶିବିର ଉପରେ ବୋମା ମାଡ଼ କରିଛି।

ସେଠୀ ଦାବି କରିଛନ୍ତି ଯେ, ପାକିସ୍ତାନ ଟିଟିପି ନେତାମାନଙ୍କୁ ମନୋନୀତ ଭାବେ ହତ୍ୟା କରିବାକୁ ନିଷ୍ପତ୍ତି ନେଇଛି। ଏହି ରଣନୀତି ପାକିସ୍ତାନ ସେନା ଭାରତ ଭଳି ଆପଣାଯାଉଛି। ପାକିସ୍ତାନରେ ରହୁଥିବା କଶ୍ମୀର ବିଚ୍ଛିନ୍ନତାବାଦୀ ନେତା ତଥା ଜିହାଦି ଆତଙ୍କବାଦୀ ନେତାଙ୍କୁ ଭାରତ ମନୋନୀତ ଭାବେ ହତ୍ୟା କରିଛି।

ନିକଟରେ ୱାଶିଂଟନ୍ ପୋଷ୍ଟ ରିପୋର୍ଟରେ ଭାରତର ଏହି ରଣନୀତି ସମ୍ପର୍କରେ ଉଲ୍ଲେଖ କରାଯାଇଥିବା ନଜାମ କହିଛନ୍ତି। ଏହି ରିପୋର୍ଟରେ କୁହାଯାଇଥିଲା ଭାରତୀୟ ଗୁପ୍ତଚର ଏଜେନ୍ସି ରିସର୍ଚ୍ଚ ଆଣ୍ଡ ଆନାଲିସିସ୍ ୱିଙ୍ଗ (ର) ପାକିସ୍ତାନରେ ଭାରତ ବିରୋଧୀଙ୍କୁ ହତ୍ୟା କରାଯାଇଛି।

ନଜାମ ସେଠୀ କହିଛନ୍ତି, ପାକିସ୍ତାନ ମଧ୍ୟ ଭାରତର ଡୋଭାଲ ଡକ୍ଟ୍ରିନ୍(ସିଦ୍ଧାନ୍ତ) ଗ୍ରହଣ କରିଛି ଏବଂ ବର୍ତ୍ତମାନ ଆମେ ମଧ୍ୟ ସମାନ ଭାବରେ ଟିଟିପିର ନେତାମାନଙ୍କୁ ହତ୍ୟା କରୁଛୁ। ଭାରତ ଭଳି ପାକିସ୍ତାନ ଆଉ ଏକ କାର୍ଯ୍ୟ କରିଛି।

ସେଠୀ କହିଛନ୍ତି ଯେ, ଯେପରି ଭାରତ ପାକିସ୍ତାନ ଭିତରେ ଏକ ସର୍ଜିକାଲ ଷ୍ଟ୍ରାଇକ୍ କରିଥିଲା, ସେହିଭଳି ଆମେ ମଧ୍ୟ ଆଫଗାନିସ୍ତାନ ଭିତରେ ଏକ ସର୍ଜିକାଲ ଷ୍ଟ୍ରାଇକ୍ କରି ଟିଟିପି ସଦସ୍ୟଙ୍କୁ ହତ୍ୟା କରିଛୁ।