ଦିବ୍ୟଦର୍ଶନ ସଂଘର ୩୭ ତମ ସର୍ବଭାରତୀୟ ଦିବ୍ୟ ସମ୍ମିଳନୀ ର ଆଜି ଶୁଭ ଉଦ୍ଘାଟନ ।

ନି: ପ୍ର :- ଅଦ୍ୟ ତା – ୦୩/୦୨/୨୦୨୫ ରିଖ ଶୁକ୍ରବାର ପୂର୍ବାହ୍ନ ୧୦ ଘଣ୍ଟା ସମୟରେ ସଂଘର ସେଣ୍ଟ୍ରାଲ ସଦସ୍ୟ ମାନଙ୍କ ଉପସ୍ଥିତିରେ ସଭାପତି ପୂଜ୍ୟ ରବିନ୍ଦ୍ରନାଥ ଭାଇ ପ୍ରଦୀପ ପ୍ରଜ୍ଜୋଳନ କରି ସର୍ବଭାରତୀୟ ଦିବ୍ୟ ସମ୍ମିଳନୀର ଶୁଭ ଉଦ୍ଘାଟନ କରିଥିଲେ । ଉପସ୍ଥିତ ଗୁରୁ ଭାଇ ଭଉଣୀ ମାନେ ସମବେତ ଭାବରେ ॐକାର ଧ୍ୱନି ଓ ଗୁରୁବନ୍ଦନା କରିଥିଲେ । ଏହାପରେ ସଂଘର ପ୍ରାରମ୍ଭିକ ପ୍ରାର୍ଥନା ଗାନ କରାଯାଇ କିଛି ଭକ୍ତି ସଂଗୀତ ପରିବେଷଣ କରାଯାଇଥିଲା ।
ଦିବ୍ୟ ସମ୍ମିଳନୀ ସତସଂଗ ମାଧ୍ୟମରେ ଆରମ୍ଭ କରାଗଲା । ସେଣ୍ଟ୍ରାଲ ସଂପାଦକ ପୂଜ୍ୟ କେଶବ ଭାଇ କାର୍ଯ୍ୟକ୍ରମ ପରିଚାଳନା କରିଥିଲେ । ପ୍ରାରମ୍ଭିକ ବାର୍ତ୍ତା ଭାବରେ ପୂଜ୍ୟ ସଭାପତି ପ୍ରବଚନ ମାଧ୍ୟମରେ ସାମ୍ପ୍ରତିକ ସମୟରେ ସଦଗୁରୁ ଶ୍ରୀ ଶ୍ରୀ ଅର୍ଜୁନଙ୍କ ପ୍ରତିଷ୍ଠିତ ଦିବ୍ୟଦର୍ଶନ ସଂଘ ସତ୍ୟଜ୍ଞାନ ଓ ସନାତନ ଧର୍ମର ବିଷୟବସ୍ତୁକୁ ପ୍ରଚାର ପ୍ରସାର କରି ସମାଜ ତଥା ବିଶ୍ଵରେ ଶାନ୍ତି ପ୍ରତିଷ୍ଠା କରିବାର ଉଦ୍ୟମ କରୁଛି । ଅଦୈତ୍ୟ ବାଦର ପ୍ରଚାର କରି ସମାଜରେ ଭାତୃତ୍ବ ଭାବର ବାର୍ତ୍ତା ପ୍ରଦାନ କରୁଛି । ସତ୍ୟ ଓ କଳିର ଘଡିସନ୍ଧି ମୂହୁର୍ତ୍ତରେ ସଦଗୁରୁଙ୍କ ଆବିର୍ଭାବ ଘୋର କୋଳିର ଅବସାନ ଘଟାଇ ମଣିଷ ଭିତରେ ଦିବ୍ୟଭାବ ବିଚାରର ଉଦ୍ରେକ କରି ସତ୍ୟଯୁଗକୁ ପାଛୋଟି ଆଣିବାର ପ୍ରାୟାସ କରୁଛି । ମଣିଷ ସମାଜ ସତ୍ୟଜ୍ଞାନ ଓ ସନାତନ ଧର୍ମର ପ୍ରକୃତ ସ୍ୱରୂପକୁ ବୁଝନ୍ତୁ । ସମସ୍ତେ ଦୁଃଖ, ଅଶାନ୍ତି ଓ ବନ୍ଧନ ମୁକ୍ତ ହୋଇ ସ୍ୱରୂପ ଲାଭ କରନ୍ତୁ ବୋଲି ପ୍ରକାଶ କରିଥିଲେ । ଏହାପରେ ସଂପାଦକ ପୂଜ୍ୟ କେଶବ ଭାଇ ଦିବ୍ୟଦର୍ଶନ ସଂଘର ପ୍ରତିଷ୍ଠାତା ପୂଜ୍ୟ ସଦଗୁରୁ ଶ୍ରୀ ଶ୍ରୀ ଅର୍ଜୁନଙ୍କ ଜୀବନ ଓ ତାଙ୍କ ଦର୍ଶନ ସଂପର୍କରେ ପ୍ରକାଶ କରିଥିଲେ । ଏହି ପୂଣ୍ୟ ପବିତ୍ର ମାଟି ରାୟଗଡ଼ା ଜିଲ୍ଲାର ପଦ୍ମପୁର ବ୍ଳକ ଅନ୍ତର୍ଗତ ଗୁଡିଆବନ୍ଧ ଗ୍ରାମରେ ପୂଜ୍ୟ ସଦଗୁରୁଦେବ ଜନ୍ମ ଗ୍ରହଣ କରିଥିଲେ । ତାଙ୍କ ଜୀବନ ହିଁ ଥିଲା ଦର୍ଶନ । ତାଙ୍କ ବାଣୀ ହେଲା – “ଯେ କୌଣସି ଧର୍ମାବଲମ୍ବୀ ବା ମତବାଦୀ ହୁଅନା କାହିଁକି, ଆତ୍ମଜ୍ଞାନ ବିନା ମୁକ୍ତି ଅସମ୍ଭବ ।” ତେଣୁ ଦିବ୍ୟଦର୍ଶନ ଜାତି,ଧର୍ମ,ବର୍ଣ୍ଣ ନିର୍ବିଶେଷରେ ସମସ୍ତଙ୍କୁ ଏକତାର ସୂତ୍ରରେ ବାନ୍ଧି ସତ୍ୟଜ୍ଞାନ, ଆତ୍ମଜ୍ଞାନ ଶିକ୍ଷା କରି ନିଜ ସ୍ୱରୂପ ପ୍ରାପ୍ତି କରନ୍ତୁ ବୋଲି ପୂଜ୍ୟ ସଦଗୁରୁ ଦିବ୍ୟଦର୍ଶନ ସଂଘ ସୃଷ୍ଟି କରିଛନ୍ତି ବୋଲି ପ୍ରକାଶ କରିଥିଲେ । ସାନ୍ଧ୍ୟ ଅଧିବେଶନରେ ସଂଘର ଯୋଗାଚାର୍ଯ୍ୟ ପୂଜ୍ୟ ସୁନାରାମ ଭାଇ ଆଧ୍ୟାତ୍ମିକ ଜ୍ଞାନର ଆବଶ୍ୟକତା ସଂପର୍କରେ ପ୍ରକାଶ କରିଥିଲେ । ମଣିଷର ଜନ୍ମ ଗ୍ରହଣ କରିଛି ସୁଖ,ଶାନ୍ତି,ଆନନ୍ଦ ଲାଭ କରି ମୁକ୍ତ ଜୀବନଯାପନ ପାଇଁ । ଏହା ସଦଗୁରୁ ବରଣ କରି ସତ୍ୟଜ୍ଞାନ ,ଭଗବତଜ୍ଞାନ ଶିକ୍ଷା ସହ ପାଳନ ଦ୍ୱାରା ହିଁ ସମ୍ଭବ ବୋଲି ପ୍ରକାଶ କରିଥିଲେ । ଏହାପରେ ସଂଘ ଉପ ସଭାପତି ପୂଜ୍ୟ ବିଶ୍ଵନାଥ ଭାଇ ଭଗବାନଙ୍କ ପରିଚୟ ଓ ଅବଦାନ ସଂପର୍କରେ ଆଲୋଚନା କରିଥିଲେ । ଯିଏ ସମସ୍ତଙ୍କ ଜୀବନ ଭିତରେ ଜୀବନ ହୋଇ ପ୍ରକାଶ ପାଉଛନ୍ତି ଯାହାଙ୍କ ଯୋଗୁଁ ସୃଷ୍ଟିରେ ଯାବତୀୟ ପରିବର୍ତ୍ତନ ସମ୍ଭବ ହୋଇପାରୁଛି ତାଙ୍କ ପରିଚୟ ଜଣେ ସଦଗୁରୁଙ୍କ ଶିଷ୍ୟ ଶିକ୍ଷ୍ୟା ହିଁ ଉତ୍ତମ ରୂପେ ବୁଝିପାରିବେ ବୋଲି ପ୍ରକାଶ କରିଥିଲେ ।
ସର୍ବଭାରତୀୟ ଦିବ୍ୟ ସମ୍ମିଳନୀର ପ୍ରଥମ ଦିବସରେ ପ୍ରାୟ ପାଞ୍ଚ ହଜାରରୁ ଉର୍ଦ୍ଧ୍ଵ ସଦଗୁରୁଙ୍କ ଶିଷ୍ୟ-ଶିଷ୍ୟା ଓ ଆଧ୍ୟାତ୍ମିକ ପ୍ରେମୀ ସୁଦ୍ଧିବୃନ୍ଦ ଯୋଗଦାନ କରିଛନ୍ତି । ଏହା ତିନିଦିନ ବ୍ୟାପୀ ଚାଲିବ ତମେ ଅର୍ଥାତ ୦୫/୦୧/୨୫ ରବିବାର ଯାଏଁ ଏହି କାର୍ଯ୍ୟକ୍ରମ ଜାରି ରହିବ । ଏହାକୁ ରାୟଗଡ଼ା ଶାଖା ଦ୍ୱାରା ଆୟୋଜନ କରାଯାଇଛି ।