ପୁତୁରା ଭୁଲିଗଲା ସଂପର୍କ: ଗୋଲାମୁଣ୍ଡାରେ ବଡ଼ବାପା-ବଡ଼ ମା’ଙ୍କୁ କଲା ହତ୍ୟା
ଗୋଲାମୁଣ୍ଡା: କ୍ରୋଧ ହେଉଛି ମଣିଷର ବଡ଼ ଶତ୍ରୁ। କ୍ରୋଧ ଯୋଗୁଁ ନିଜର ଓ ଅନ୍ୟର ବଡ଼ କ୍ଷତି ହୋଇଥାଏ। ଏହାକୁ ଜାଣି ମଧ୍ୟ ଅନେକ ନିୟନ୍ତ୍ରଣ କରିପାରନ୍ତି ନାହିଁ, ଯେଉଁଥି କାରଣରୁ ବଡ଼ କ୍ଷତି ହୋଇଥାଏ। ପାରିବାରିକ ସଂପର୍କରେ ତିକ୍ତତା ଦେଖାଯିବାରୁ ପୁତୁରା ଭୁଲି ଯାଇଛି ରକ୍ତର ସଂପର୍କ। ବଡ଼ବାପା-ମା’ଙ୍କୁ କୁରାଢ଼ୀରେ ନିର୍ମମ ଭାବେ ହାଣି ହତ୍ୟା କରିଛି। କଳାହାଣ୍ଡି ଜିଲ୍ଲା ଗୋଲାମୁଣ୍ଡା ବ୍ଲକ ଦଶପୁର ଫାଣ୍ଡି କାର୍ଲି ଗାଁରେ ଏହି ଜଘନ୍ୟ ହତ୍ୟାକାଣ୍ଡ ଘଟିଛି। ପୁଲିସ ଅଭିଯୁକ୍ତ ପୁତୁରାକୁ ଅଟକ ରଖି ଛାନଭିନ୍ ଚଲାଇଛି। ମୃତ ବ୍ୟକ୍ତି ହେଲେ ବୁଡୁ ବାଗ ଓ ତାଙ୍କର ସ୍ତ୍ରୀ ସଜନେ ବାଗ। ଅଭିଯୁକ୍ତ ବସନ୍ତଙ୍କୁ ପୁଲିସ ଅଟକ ରଖି ପଚରାଉଚରା କରୁଛି।
ଏହି ଖବର ପଢ଼ନ୍ତୁ: କିଛି ଲୋକଙ୍କ ଭୁଲ ପାଇଁ ବିଜେଡିକୁ ବହୁମତ ମିଳିନଥିଲା
ସୂଚନା ଅନୁସାରେ କଳାହାଣ୍ଡି ଜିଲ୍ଲା ଗୋଲାମୁଣ୍ଡା ଥାନା ଅନ୍ତର୍ଗତ କାର୍ଲି ଗ୍ରାମରେ ବୁଡ଼ୁ ବାଗଙ୍କ ଘର। ବୁଡ଼ୁ ଓ ତାଙ୍କର ସାନଭାଇ ପରିବାର ଭିତରେ କିଛି ଦିନ ହେଲା ପାରିବାରିକ ସଂପର୍କ ଭଲ ନଥିଲା। ଆଜି ଏହି କଳହ ଭୟଙ୍କର ରୂପ ନେଇଥିଲା। କୌଣସି କଥାକୁ ନେଇ ବୁଡ଼ୁ ନିଜ ପୁତୁରା ବସନ୍ତଙ୍କ ମଧ୍ୟରେ ବଚସା ହୋଇଥିଲା। ଏଥିରେ ବସନ୍ତ ଉତ୍କ୍ଷିପ୍ତ ଦେଖାଯାଇଥିଲା। ସେ ଘର ଭିତରୁ ଏକ କୁରାଢ଼ୀ ଆଣି ଅତର୍କିତ ଭାବେ ବୁଡୁ ବାଗ ଓ ତାଙ୍କ ସ୍ତ୍ରୀଙ୍କୁ ଆକ୍ରମଣ କରିଥିଲା।