ଜଙ୍ଗଲରେ ବାପାଙ୍କୁ ପ୍ରାଣାନ୍ତକ ଆକ୍ରମଣ କଲା ଭାଲୁ, ଲଢ଼େଇ କରି ବଞ୍ଚାଇଲା ପୁଅ

ସୀମାନ୍ତ ଛତିଶଗଡର ଦନ୍ତେୱାଡ଼ା ଜିଲ୍ଲାରୁ ଏକ ହୃଦୟସ୍ପର୍ଶୀ ଖବର ସାମ୍ନାକୁ ଆସିଛି। ୧୦ ବର୍ଷ ବୟସର ପୁଅ ଭାଲୁ ସହିତ ଲଢ଼ି ବାପାଙ୍କୁ ମୃତ୍ୟୁମୁଖରୁ ରକ୍ଷା କରିଛି। ଆହତ ହୋଇ ଉଭୟ ବାପା-ପୁଅ ଏବେ ଡାକ୍ତରଖାନାରେ ଭର୍ତ୍ତି ହୋଇଛନ୍ତି। ଘଟଣା ଅନୁଯାୟୀ ଆଜି ସକାଳୁ ଛତିଶଗଡ଼ର ନକ୍ସଲ ଅଧ୍ୟୁଷିତ ଆବୁଝମାଡର ହାନ୍ଦାୱାଡା ଜଂଗଲକୁ ବାଞ୍ଜାରାମ ନେତାମ ଏବଂ ତାଙ୍କର ୫ମ ଶ୍ରେଣୀରେ ପାଠ ପଢୁଥିବା ପୁଅ ଦୀପେନ୍ଦ୍ର ବାଉଁଶ କାଟିବାକୁ ଯାଇଥିଲେ। ବାଉଁଶ କାଟୁଥିବା ବେଳେ ଉଭୟ ବାପା-ପୁଅ ଏକ ଭାଲୁ ସେମାନଙ୍କ ସାମ୍ନାକୁ ଆସି ଯାଇଥିଲା। ଭାଲୁଟି ବାଞ୍ଜାରାମଙ୍କୁ ଆକ୍ରମଣ କରିଥିଲା।