ମହର୍ଷି ମହେଶ ଯୋଗୀଙ୍କୁ ୧୭ତମ ମହାପ୍ରୟାଣ ଦିବସରେ ସ୍ମରଣ
ଭୁବନେଶ୍ୱର, (ପି. ଏନ୍): ବିଶ୍ଵପ୍ରସିଦ୍ଧ ଆଧ୍ୟାତ୍ମିକ ଗୁରୁ ଏବଂ ଟ୍ରାନ୍ସଣ୍ଡେଣ୍ଟାଲ୍ ଯୋଗର ପ୍ରବର୍ତ୍ତକ ସ୍ୱର୍ଗତ ମହର୍ଷି ମହେଶ ଯୋଗୀଙ୍କ ୧୭ତମ ମହାପ୍ରୟାଣ ଦିବସ ଭୁବନେଶ୍ୱର ସହିଦ ନଗରସ୍ଥିତ ମହର୍ଷି କଲେଜ୍ ଅଫ୍ ନ୍ୟାଚୁରାଲ୍ ଲ, ରେ ଗମ୍ଭୀରତା, ଭକ୍ତିଭାବ ଏବଂ ମହର୍ଷିଙ୍କ ଉପଦେଶ ପ୍ରତି ଏକ ସମୁହ ଅଙ୍ଗୀକାର ସହିତ ପାଳନ କରାଯାଇଛି।
ଏହି ଅବସରରେ ମହର୍ଷିଙ୍କ ପ୍ରତିମାକୁ ଫୁଲମାଳା ଅର୍ପଣ କରି ଉଦ୍ଯାପନା ଆରମ୍ଭ କରାଯାଇଥିଲା। କଲେଜ୍ର ଅଧ୍ୟାପକ, ଛାତ୍ରଛାତ୍ରୀ ଏବଂ ଭକ୍ତମାନେ ଅଂଶଗ୍ରହଣ କରିଥିଲେ। ପରେ ପ୍ରିନ୍ସିପାଲ ଡ଼ଃ ଲୋକନାଥ ପରିଡ଼ା, ପୂର୍ବତନ ପ୍ରିନ୍ସିପାଲ ଡ଼ଃ ଏମ୍.ଏମ୍. ସାହୁ, ଡ଼ଃ. ଶଶଙ୍କ ଶେଖର ଚୁଡ଼ାମଣି ଏବଂ ମହର୍ଷି ପବ୍ଲିକ୍ ସ୍କୁଲ୍ ଗ୍ରୁପ୍ ଏବଂ ବେଦିକ୍ ଇଣ୍ଟରନ୍ୟାଶନାଲ୍ ଫାଉଣ୍ଡେସନ୍ର ଅଧ୍ୟକ୍ଷ ଡ଼ଃ. ପବିତ୍ର ମୋହନ ସାମନ୍ତରାୟ ପ୍ରମୁଖ ଏହି କାର୍ଯ୍ୟକ୍ରମର ନେତୃତ୍ୱ ନେଇଥିଲେ। ଡ଼ଃ. ପରିଡ଼ାଙ୍କ ଅଧ୍ୟକ୍ଷତାରେ ଏକ ସ୍ମୃତି ସଭା ଅନୁଷ୍ଠିତ ହୋଇଥିବା ବେଳେ ଡ଼ଃ. ଶଶାଙ୍କ ଶେଖର ଚୁଡ଼ାମଣି ଅତିଥିମାନଙ୍କ ପରିଚୟ ପ୍ରଦାନ କରିଥିଲେ ଏବଂ ଫେବୃଆରୀ ୫ ତାରିଖର ଆଧ୍ୟାତ୍ମିକ ଓ ଦାର୍ଶନିକ ଗୁରୁତ୍ୱ ବିଷୟରେ ମତ ରଖିଥିଲେ।
ଏହି ଅବସରରେ ଏକ ଭକ୍ତିମୟ ସଙ୍ଗୀତିକ ଉପସ୍ଥାନ ହୋଇଥିଲା। ପ୍ରୋଫେସର ଉର୍ମି ଦେବୀ ରଚିତ ଗୀତ ପ୍ରୋଫେସର ଅଂଶୁପ୍ରିୟା ସାହୁ ଗାଇଥିଲେ ଯାହା ଉପସ୍ଥିତ ବ୍ୟକ୍ତି ବିଶେଷଙ୍କ ମନକୁ ଅତ୍ୟନ୍ତ ଭାବୋଦ୍ଦୀପ୍ତ କରିଥିଲା।ପୂର୍ବତନ ପ୍ରିନ୍ସିପାଲ ଡ଼ଃ.ଏମ୍.ଏମ୍. ସାହୁଙ୍କ ପ୍ରଚେଷ୍ଟାରେ କଲେଜ୍ ପ୍ରାଙ୍ଗଣରେ ମହର୍ଷିଙ୍କ ପ୍ରତିମା ପ୍ରତିଷ୍ଠା କରାଯାଇଥିଲା। ସେ ଉପସ୍ଥିତ ରହି ମହର୍ଷିଙ୍କ ଦର୍ଶନ ଏବଂ ଉପଦେଶକୁ କିପରି ଛାତ୍ରଛାତ୍ରୀ ଏବଂ ଶିକ୍ଷକମାନେ ଜୀବନରେ ଅନୁସରଣ କରି ଜୀବନ ଦର୍ଶନର ମାର୍ଗ ଉପଲବ୍ଧି ଲାଭ କରିପାରିବେ ସେ ସଂପର୍କରେ ବକ୍ତବ୍ୟ ରଖିଥିଲେ।ଏହି ଅବସରର ମହର୍ଷିଙ୍କ ପ୍ରମୁଖ ଶିଷ୍ୟ ଡ଼ଃ. ପବିତ୍ର ମୋହନ ସାମନ୍ତରାୟ ମହର୍ଷିଙ୍କ ଅମୃତବାଣୀ ଏବଂ ଏହାର ଆଜିର ପ୍ରସଙ୍ଗିକତା ବିଷୟରେ ଆଲୋଚନା କରିଥିଲେ। ସେ ସମସ୍ତଙ୍କୁ ମନୋସ୍ଥିରତା, ଶାରୀରିକ ସ୍ୱାସ୍ଥ୍ୟ ଏବଂ ସମ୍ପୂର୍ଣ୍ଣ ଜୀବନ ଅନୁଭବ କରିବା ପାଇଁ ଟ୍ରାନ୍ସଣ୍ଡେଣ୍ଟାଲ୍ ଯୋଗ ଅଭ୍ୟାସ କରିବାକୁ ଉତ୍ସାହିତ କରିଥିଲେ।
ଏହି ଉତ୍ସବରେ ପ୍ରଫେସର ଲିଲାଖି ପଣ୍ଡା, ପ୍ରଫେସର ବୈଶାଳି ସିଂହ, ପ୍ରଫେସର ବଳରାମ ସ୍ୱାଇଁ, ପ୍ରଫେସର ରାଜେନ୍ଦ୍ର କୁମାର ପାଢ଼ି, ପ୍ରଫେସର ମିହିର ରଞ୍ଜନ ସରଣ, ପ୍ରଫେସର ସୁମନ କର, ଅଶୁତୋଷ ତ୍ରିପାଠୀ, ସୁରେନ୍ଦ୍ର କୁମାର ଭୂୟାଁ, ମୁରାରିଧର ସାହୁ, ସାଇ ସରଣ ମହାପାତ୍ର, ଦିବାକର ନାୟକ, ପ୍ରଶାନ୍ତ କୁମାର ମିଶ୍ର, ମମତା ମିଶ୍ର, ଦିବ୍ୟରଞ୍ଜନ ପ୍ରଧାନ, ଲାଲା ସୁନୀଲ ରାୟ, ତପନ ମହାନ୍ତି ଓ ଅନ୍ୟମାନେ ଅଂଶଗ୍ରହଣ କରିଥିଲେ।ପରିଶେଷରେ ଅନୁଷ୍ଠାନ ଛାତ୍ରଛାତ୍ରୀଙ୍କୁ ମିଠା ବଣ୍ଟନ କରାଯାଇଥିଲା।
ମହର୍ଷି ମହେଶ ଯୋଗୀଙ୍କ ୧୭ତମ ମହାପ୍ରୟାଣ ଦିବସ ଉପଲକ୍ଷେ ଏହି ସ୍ମରଣୀୟ ଦିବସ ଅନୁଷ୍ଠାନର ସମସ୍ତଙ୍କୁ ଆତ୍ମଜ୍ଞାନ ଏବଂ ଆନ୍ତରିକ ଶାନ୍ତିର ପଥ ଅନୁସରଣ କରିବା ପାଇଁ ପ୍ରେରିତ କରିଥିଲା।