୧୩,୬୦୦ ଦେଶୀ ମଦ ପାଉଚ୍ ଜବତ
ରାଉରକେଲା: ଇସ୍ପାତ ସହରରେ ପୁଣି ଦେଶୀ ମଦ ମାଫିଆଙ୍କ କାର୍ଯ୍ୟକଳାପ ବଢ଼ିବାରେ ଲାଗିଛି। ନିୟମିତଭାବେ ସହରକୁ ମଦ ଚୋରାଚାଲାଣ ହେଉଛି। ଓଡ଼ିଶା ସୀମାନ୍ତ ବୀରମିତ୍ରପୁର, କୁଆରମୁଣ୍ଡା, ବିଶ୍ରା ଆଦି ଅଞ୍ଚଳରୁ ଦେଶୀ ମଦ ଅଣାଯାଉଛି।
ସିଧାସଳଖ ସହର ଭିତରକୁ ମଦ ଆଣିଲେ ଧରାପଡ଼ିଯିବାର ଆଶଙ୍କା ଥିବାରୁ, ଏହାକୁ ପ୍ରଥମେ ବ୍ରାହ୍ମଣୀତରଙ୍ଗ, ବେଦବ୍ୟାସ ଅଞ୍ଚଳରେ ଗଚ୍ଛିତ ରଖାଯାଉଛି। ଏବେ ସହରସାରା ଦେଶୀ ମଦ କାରବାର ବଢ଼ିବାରେ ଲାଗିଛି। ସମାନ ଢଙ୍ଗରେ ରାଉରକେଲାକୁ ଦେଶୀ ମଦ ଚାଲାଣ କରିବାକୁ ଗଚ୍ଛିତ ରଖାଯାଇଥିଲା। ତେବେ ବ୍ରାହ୍ମଣୀତରଙ୍ଗ ପୁଲିସର ତ୍ବରିତ କାର୍ଯ୍ୟାନୁଷ୍ଠାନ ଯୋଗୁ ଏହାକୁ ରୋକା ଯାଇପାରିଛି। ଦୁଇ ଦିନ ପୂର୍ବେ କୁଆରମୁଣ୍ଡା ରୋଡ୍ ଗୋପପାଲିରେ ଥିବା ଶ୍ରବଣ ହୋଟେଲ ପାଖରେ ଏକ ଦୋକାନରେ ଦେଶୀ ମଦ ଗଚ୍ଛିତ କରି ରଖାଯାଇଥିଲା।