ମହର୍ଷି ପବ୍ଲିକ୍ ସ୍କୁଲ ର ୨୨ତମ ବାର୍ଷିକ ଉତ୍ସବ

ବାରିପଦା – ୧୨/୦୨/୨୫ – ସ୍ଥାନୀୟ ବଘଡାରୋଡ଼ ସ୍ଥିତ ମହର୍ଷି ପବ୍ଲିକ୍ ସ୍କୁଲ ର ୨୨ତମ ବାର୍ଷିକ ଉତ୍ସବ ଶହୀଦ ସ୍ମୃତି ଭବନ ରେ ମହାଆଡମ୍ବର ରେ ପାଳିତ ହୋଇଯାଇଛି । ସ୍କୁଲ ର ଅଧ୍ୟକ୍ଷ କାଜଲ କାନ୍ତି ମହାପାତ୍ର ଙ୍କ ସଭା ପତିତ୍ଵ ରେ ଅନୁଷ୍ଠିତ ଉତ୍ସବ ରେ ବାରିପଦା ମୁନିସିପାଲିଟି ର executiveଅଫିସର ଶ୍ରୀଯୁକ୍ତ ଦେବୀପ୍ରସାଦ ରାଉତ ମୁଖ୍ୟ ଅତିଥି ଭାବେ ଯୋଗ ଦେଇ ପିଲାମାନଙ୍କୁ ଦିଗଦର୍ଶନ ଦେବା ସହ ଆଜିର ପିଲା କାଲିର ଭବିଷ୍ୟତ, ପିଲାମାନଙ୍କୁ ସଠିକ ବାଟରେ ନେବା ଶିକ୍ଷକ ଓ ଅଭିଭାବକଙ୍କର ଗୁରୁଦାଇତ୍ଵ ଅଛି । ପିଲାମାନଙ୍କର ମନ କୁ ଜାଣି ପାଠ , ଖେଳ , ଗପ ,ଗୀତ .. ଇତ୍ୟାଦିକୁ ଗୁରୁତ୍ଵଦେଲେ “ବିଦ୍ୟା ଅଟାଇ ମହାଧନ ବାଳକ କର ଉପାର୍ଜନ”ମର୍ମ ଟି ସାର୍ଥକ ହୋଇପାରିବ । ମୁଖ୍ୟବକ୍ତା ଭାବେ ବଙ୍ଗିରିପୋଷି ଏଲ. କେ. କଲେଜର ପ୍ରିନସ୍ପାଲ ଡ଼ା. ପୁଷ୍ପାରାଣୀ ପାତ୍ର ଯୋଗ ଦେଇ ବକ୍ତବ୍ୟ ରଖି କହିଥିଲେ ବିଦ୍ୟାଠାରୁ ଦୁନିଆରେ ବଡ଼ କିଛି ନହିଁ – ବିନା ଗୁରୁରେ ପାଠ ନାହିଁ । ଯେପରି ପଇସା ବିନା ହାଟ ନହିଁ । ତେଣୁ ପିଲାମାନେ ଗୁରୁଙ୍କ ଠାରୁ ଶିକ୍ଷା ଲାଭ କରିବା ସହ ଆଶୀର୍ବାଦ ଲାଭ କରିବା ମଧ୍ୟ ଅତିଜରୁରୀ । ସାମ୍ପ୍ରତିକ ଦୁନିଆ ରେ ଛାତ୍ରଛାତ୍ରୀ ମାନେ ସଂଗ୍ରାମ କରି ବଞ୍ଚିବା ପାଇଁ ଶିଖିବା ଉଚିତ , କାରଣ ପରିଶ୍ରମୀ ହିଁ ପରିଶ୍ରମର ଫଳ ପାଇଥାଏ .. ପରିଶ୍ରମ କେବେ ବୃଥା ଯାଏନାହିଁ। ସମ୍ମାନିତ ଅତିଥି ଭାବେ ମହର୍ଷି ଗୃପ ର ଚେୟାରମ୍ୟାନ ତଥା ଦୈନିକ ଖବର କାଗଜ ପର୍ଯବେକ୍ଷକ ଓ କଳିଙ୍ଗ କ୍ଲୋନିକ ର ଚିଫ ଏଡିଟର ଡ଼ା ପବିତ୍ର ମୋହନ ସାମନ୍ତରାୟ ଯୋଗ ଦେଇ କହିଥିଲେ ଆଜି ମୋବାଇଲ ଫୋନ କିପରି ଛାତ୍ରଛାତ୍ରୀ ମାନଙ୍କ ଜୀବନ ପ୍ରତି ବିପଦ ସୃଷ୍ଟି କରୁଛି .. ତାହା ଆଜି କାହାକୁ ଅଜଣା ନହିଁ ।

ତେଣୁ ଏଥିରୁ ଦୂରେଇ ରହି ପାଠ୍ୟ ପୁସ୍ତକ କୁ ପୁଙ୍ଖାନୁପୁଙ୍ଖ ଅଧ୍ୟୟନ କରିବା ଉଚିତ । ସ୍କୁଲ ର ସଭାପତି ଶ୍ରୀଯୁକ୍ତ ପ୍ରଦୀପ କୁମାର ନାୟକ ଯୋଗଦେଇ ପିଲାମାନଙ୍କୁ ଉପଦେଶ ଦେବା ସହ ଅତିଥି ଙ୍କ ପରିଚୟ ପ୍ରଦାନ କରିଥିଲେ । ଅତିଥିମାନେ ଯୋଗ ଦେବା ଅବସର ରେ ପ୍ରଥମେ ପ୍ରଦୀପ ଲଗାଇବାପରେ ଉପସ୍ଥିତ ଅତିଥି , ଛାତ୍ରଛାତ୍ରୀ, ଶିକ୍ଷକ ଶିକ୍ଷୟତ୍ରୀ ଓ ଅଭିଭାବକ ସହ ସାମୁହିକ ଗୁରୁପୁଜନ କରିବାପରେ ସଭାକାର୍ଯ ଆରମ୍ଭ ହୋଇଥିଲା । ସ୍କୁଲ ର ଅଧ୍ୟକ୍ଷ ବାର୍ଷିକ ବିବରଣୀ ପଢିବା ସହ ପୂର୍ବରୁ ହୋଇଥିବା ବିଭିନ୍ନ କ୍ରିଡା ଓ ପ୍ରତିଯୋଗିତାରେ କୃତକାର୍ଯ ଛାତ୍ରଛାତ୍ରୀ ଙ୍କୁ ଅତିଥି ମାନେ ସାଟିଫିକେଟ ଓ ପ୍ରାଇଜ଼ ଦେଇ ପୁରସ୍କୃତ କରିଥିଲେ। ପରେ ଛାତ୍ରଛାତ୍ରୀଙ୍କ ଦ୍ଵାରା ଅତି ମନରୋମ ସାଂସ୍କୃତିକ କାର୍ଯକ୍ରମ, ଯେପରି ବେଦପାଠ, ଯୋଗ, ଗୀତ, ଡ୍ରାମା, ରେକର୍ଡ ଡ୍ୟାନ୍ସ ଇତ୍ୟାଦି ଅନୁଷ୍ଠିତ ହୋଇଥିଲା ।
ସ୍କୁଲ ର ଶ୍ରୀ ଅଶୋକ କୁମାର କର ସଭା କୁ ସାଫଲ୍ୟ କରିବାରେ ସହଯୋଗ କରିଥିବା ପ୍ରତ୍ୟେକ ବ୍ୟକ୍ତିଙ୍କୁ ଧନ୍ୟବାଦ ଦେଇଥିଲେ। ସଭାକୁ ସାଫଲ୍ୟ ମଣ୍ଡିତ କରିବାରେ ପ୍ରତ୍ୟେକ ଶିକ୍ଷକ,ଶିକ୍ଷୟତ୍ରୀ ଓ କର୍ମଚାରୀ ମାନେ ସହଯୋଗ କରିଥିଲେ ।