ଓଡ଼ିଶାକୁ ଦେଶର ଏକ ନମ୍ବର ରାଜ୍ୟରେ ପରିଣତ କରାଯିବାର ଲକ୍ଷ୍ୟ ରହିଛି: ମନ୍ତ୍ରୀ

କୋରାପୁଟ: କେନ୍ଦ୍ର ଓ ରାଜ୍ୟରେ ଡବଲ ଇଂଜିନ ସରକାର ଚାଳିଛି। ଏହାକୁ ସୁଯୋଗରେ ନେଇ ସମଗ୍ର ଓଡିଶାର ସାମଗ୍ରୀକ ବିକାଶକୁ ପ୍ରାଧାନ୍ୟତା ଦିଆଯାଉଛି। ଦେଶର ଏକ ନମ୍ବର ରାଜ୍ୟ ଭାବେ ପରିଣତ କରିବା ବର୍ତ୍ତମାନ ସରକାରଙ୍କ ପ୍ରାଥମିକ ଲକ୍ଷ୍ୟ ରହିଛି। ଏହାକୁ ନେଇ  ବଜେଟ କରାଯାଇଛି। ଏଥିରେ କୋରାପୁଟ ଜିଲ୍ଲାର ପର୍ଯ୍ୟଟନଶିଳ୍ପ, କୃଷି ଉଦ୍ୟୋଗ ସହ ସବୁ କ୍ଷେତ୍ରରେ ଆଗେଇ ନେବାକୁ ମୁଖ୍ୟମନ୍ତ୍ରୀ ଓ ଏହି ସରକାର ସଂକଳ୍ପ ବଦ୍ଧ ବୋଲି କୋରାପୁଟଗସ୍ତରେ ଆସିଥିବା ଜିଲ୍ଲା ପ୍ରଭାରୀ ତଥା ମତ୍ସ୍ୟ ଓ ପ୍ରାଣୀ ସମ୍ପଦ ମନ୍ତ୍ରୀ ଗୋକୁଳାନନ୍ଦ ମଲ୍ଲୀକ ସାମ୍ବାଦିକ ସମ୍ମିଳନୀ ଓ ବୁଦ୍ଧିଜୀବୀ ସମ୍ମିଳନୀରେ କହିଛନ୍ତି।

କୋରାପୁଟ ଜିଲ୍ଲା ପ୍ରାଚୁର୍ଯ୍ୟଭରା। ଦେଓମାଳୀ ଗିରିଶୃଙ୍ଗ ଠାରୁ ଆରମ୍ଭ କରି କଳାଜୀରା ଧାନ, କଫି, ହଳଦୀ ଆଦି ସବୁ କ୍ଷେତ୍ରରେ କୋରାପୁଟ ବିଶ୍ବବିଦିତ। ତେଣୁ କୋରାପୁଟର ବିକାଶକୁ ପ୍ରାଥମିକତା ଦିଆଯିବ। ରାଜ୍ୟ ସରକାର ବି ବଜେଟରେ କୋରାପୁଟକୁ ଅଗ୍ରାଧିକାର ଦେଇ ସବୁ ଯୋଜନାରେ ସାମିଲ କରି ସ୍ବତନ୍ତ୍ର ଅନୁଧାନ ଦେବାକୁ ଯୋଜନା କରାଯାଇଛି ବୋଲି ମନ୍ତ୍ରୀ କହିଥିଲେ।