୧୨ ମାର୍ଚ୍ଚରୁ ତତଲା କଢ଼େଇ ପାଲଟିବ

ଭୁବନେଶ୍ୱର: ୧୨ ମାର୍ଚ୍ଚ ପରେ ରାଜ୍ୟର ବିଭିନ୍ନ ଅଞ୍ଚଳରେ ତାପମାତ୍ରା ୪୦ ଡିଗ୍ରି ସେଲସିୟସ ଅତିକ୍ରମ କରିବାର ସମ୍ଭାବନା ରହିଛି ବୋଲି ଆଇଏମଡି ପୂର୍ବାନୁମାନ କରିଛି। ୧୨ ତାରିଖରୁ ୧୬ ମାର୍ଚ୍ଚ ମଧ୍ୟରେ ରାତିର ତାପମାତ୍ରା ମଧ୍ୟ ୪୦ ଡିଗ୍ରିରୁ ଅଧିକ ବୃଦ୍ଧି ପାଇବ। ଉପକୂଳ ଓଡ଼ିଶାର କିଛି ସ୍ଥାନରେ ତାପମାତ୍ରା ୪୦ ଡିଗ୍ରି ସେଲସିୟସ ଉପରେ ରହିବାର ସମ୍ଭାବନା ରହିଛି।

କାଳବୈଶାଖୀ ପ୍ରଭାବରେ ମୟୂରଭଞ୍ଜ ଏବଂ କେନ୍ଦୁଝର ଜିଲ୍ଲାର ଗୋଟିଏ କିମ୍ବା ଦୁଇଟି ସ୍ଥାନରେ ବର୍ଷା ହୋଇପାରେ ବୋଲି ପାଣିପାଗ ବିଶେଷଜ୍ଞମାନେ ପୂର୍ବାନୁମାନ କରିଛନ୍ତି। ହିମାଳୟରୁ ରାଜ୍ୟକୁ ପ୍ରବାହିତ ଶୁଷ୍କ ଏବଂ ଥଣ୍ଡା ପବନ ଫଳରେ, ଗତ ତିନି ଦିନ ଧରି ରାତିର ତାପମାତ୍ରା ନିୟନ୍ତ୍ରଣରେ ରହିଛି।

ଶନିବାର ଓଡ଼ିଶାର ବିଭିନ୍ନ ସହରର ସର୍ବୋଚ୍ଚ ତାପମାତ୍ରାରେ ବୃଦ୍ଧି ଘଟିଛି। ବୌଦ୍ଧର ତାପମାତ୍ରା ୩୮ ଡିଗ୍ରି ସେଲସିୟସ୍ ଥିବାବେଳେ ବଲାଙ୍ଗୀରର ତାପମାତ୍ରା ୩୭.୫ ଡିଗ୍ରି ସେଲସିୟସ୍ ରହିଥିଲା।

ସୁନ୍ଦରଗଡ଼ ୩୭.୧ ଡିଗ୍ରି ସେଲସିୟସ୍, ସମ୍ବଲପୁର ଏବଂ ପାରଳାଖେମୁଣ୍ଡିର ତାପମାତ୍ରା ୩୬.୯ ଡିଗ୍ରି ସେଲସିୟସ୍ ଝାରସୁଗୁଡା ୩୬.୮  ଡିଗ୍ରି ସେଲସିୟସ ରହିଥିଲା। ସେହିପରି ସୋନପୁରର ତାପମାତ୍ରା ୩୬.୭  ଡିଗ୍ରି ସେଲସିୟସ୍ ଥିବାବେଳେ ଟିଟଲାଗଡ଼ର ତାପମାତ୍ରା ୩୬.୫ ଡିଗ୍ରି ସେଲସିୟସ୍ ରହିଥିଲା। ଭବାନୀପାଟଣାର ତାପମାତ୍ରା ୩୬ ଡିଗ୍ରି ସେଲସିୟସ୍ ଥିଲା।