୭୬୪ ଗ୍ରାମ ପଞ୍ଚାୟତରେ ଇଣ୍ଟରନେଟ୍ ଏବଂ ମୋବାଇଲ୍ ସେବା ନାହିଁ: ଆଇଟି ମନ୍ତ୍ରୀ

ଭୁବନେଶ୍ୱର: ରାଜ୍ୟର ୧୭୬ଟି ବ୍ଲକର ୭୬୪ଟି ଗ୍ରାମ ପଞ୍ଚାୟତରେ ଇଣ୍ଟରନେଟ୍ ଏବଂ ମୋବାଇଲ୍ ଯୋଗାଯୋଗ ସେବାର ଅଭାବ ରହିଛି। ଯାହା ଫଳରେ ଡିଜିଟାଲ୍ ସୁଗମତା ଅନେକ ବାସିନ୍ଦାଙ୍କ ପାଇଁ ଏକ ଦୂର ସ୍ୱପ୍ନ ହୋଇଯାଇଛି। ସୋମବାର ଓଡ଼ିଶା ବିଧାନସଭାରେ ଇଲେକ୍ଟ୍ରୋନିକ୍ସ ଏବଂ ଆଇଟି ମନ୍ତ୍ରୀ ମୁକେଶ ମହାଲିଙ୍ଗ ପ୍ରକାଶ କରିଛନ୍ତି।ବେହେରାଙ୍କ ପ୍ରଶ୍ନର ଉତ୍ତର ଦେଇ ଆଇଟି ମନ୍ତ୍ରୀ କହିଛନ୍ତି, ଡିଜିଟାଲ୍ ଭାରତ ନିଧି ଯୋଜନା ଅଧୀନରେ ଓଡ଼ିଶା ସରକାର ସାରା ରାଜ୍ୟରେ ୪୨୭୭ଟି ନୂତନ ମୋବାଇଲ୍ ଟାୱାର ସ୍ଥାପନ ପାଇଁ ଏକ ବିଶାଳ ପ୍ରକଳ୍ପ ଆରମ୍ଭ କରିଛନ୍ତି। ଏହି ପ୍ରୟାସର ଲକ୍ଷ୍ୟ ସମସ୍ତ ଗ୍ରାମ ପଞ୍ଚାୟତ ଏବଂ ଗ୍ରାମଗୁଡ଼ିକୁ ସୁଗମ ଇଣ୍ଟରନେଟ୍ ଏବଂ ମୋବାଇଲ୍ ସେବା ଯୋଗାଇବା।

ବର୍ତ୍ତମାନ ସୁଦ୍ଧା, ୨୦୮୫ଟି ମୋବାଇଲ୍ ଟାୱାର ସଫଳତାର ସହ ସ୍ଥାପନ କରାଯାଇଛି। ଯାହା ବହୁ ସଂଖ୍ୟକ ଗ୍ରାମକୁ ଡିଜିଟାଲ୍ ସଂଯୋଗ ସୁନିଶ୍ଚିତ କରୁଛି। ଏହି ପ୍ରକଳ୍ପ ଆକାଂକ୍ଷା ଏବଂ ଏଲଡବ୍ଲୁଇ-୨(LWE-II) ଏବଂ ୪-ଜି(4G) ସାଚୁରେସନ୍ ଯୋଜନା ଅଧୀନରେ କାର୍ଯ୍ୟକାରୀ କରାଯାଉଛି।

ଜୁନ୍ ୨୦୨୫ ସୁଦ୍ଧା, ମୋଟ ୨୧୯୨ ଟି ମୋବାଇଲ୍ ଟାୱାର କାର୍ଯ୍ୟକ୍ଷମ ହେବାର ଲକ୍ଷ୍ୟ ଧାର୍ଯ୍ୟ କରାଯାଇଛି। ଯାହା ସମସ୍ତ ଗ୍ରାମ ଏବଂ ଗ୍ରାମ ପଞ୍ଚାୟତକୁ ଡିଜିଟାଲ୍ ସଂଯୋଗ ପ୍ରଦାନ କରିବ ବୋଲି ଆଇଟି ମନ୍ତ୍ରୀ ସୂଚନା ଦେଇଛନ୍ତି ।