ଆଉ ୧୫-୨୦ ବର୍ଷ ବି କାହାର ପାଳି ପଡ଼ିବନି : ଶାହା

ନୂଆଦିଲ୍ଲୀ: କେନ୍ଦ୍ର ଗୃହମନ୍ତ୍ରୀ ଅମିତ ଶାହ ମଙ୍ଗଳବାର ରାଜ୍ୟସଭାରେ ବିପର୍ଯ୍ୟୟ ପରିଚାଳନା (ସଂଶୋଧନ) ବିଲ୍-୨୦୨୪ ଉପରେ ଆଲୋଚନାର ଉତ୍ତର ଦେଇଥିଲେ। ସେ କହିଥିଲେ, ଆମକୁ ସମସ୍ତଙ୍କୁ ସ୍ୱୀକାର କରିବାକୁ ପଡିବ ଯେ ଗତ ୧୦ ବର୍ଷ ମଧ୍ୟରେ ବିପର୍ଯ୍ୟୟ ପରିଚାଳନା କ୍ଷେତ୍ରରେ ହୋଇଥିବା ପରିବର୍ତ୍ତନ ଆମକୁ ଏକ ଜାତୀୟ, ଆଞ୍ଚଳିକ ଏବଂ ବିଶ୍ୱସ୍ତରୀୟ ଶକ୍ତିରେ ପରିଣତ କରିଛି। ଏହି ବିଲ୍ ଦେଶର ସଫଳତାର କାହାଣୀକୁ ଦୀର୍ଘ ସମୟ ପର୍ଯ୍ୟନ୍ତ ବଜାୟ ରଖିବା ପାଇଁ। ଏଠାରେ କେହି ମୋତେ ଭୁଲ ବୁଝିବା ଉଚିତ୍ ନୁହେଁ, ମୁଁ ସରକାରଙ୍କ ସଫଳତାର କାହାଣୀ ବିଷୟରେ କହୁନାହିଁ ବରଂ ଦେଶର ସଫଳତାର କାହାଣୀ ବିଷୟରେ କହୁଛି। ବିତର୍କର ଉତ୍ତର ଦେଇ ସେ ବିରୋଧୀଙ୍କୁ କଟାକ୍ଷ କରି କହିଲେ ଯେ  ଆସନ୍ତା ୧୫-୨୦ ବର୍ଷ ପାଇଁ ବି ଅନ୍ୟ କାହାର ପାଳି ଆସିବ ନାହିଁ, ଯାହା କରିବାକୁ ପଡିବ, ଆମକୁ ତାହା କରିବାକୁ ପଡିବ।ଗୃହମନ୍ତ୍ରୀ ଅମିତ ଶାହ କହିଛନ୍ତି, କିଛି ସଦସ୍ୟ ପ୍ରଶ୍ନ ଉଠାଇଥିଲେ ଯେ ସଂଶୋଧନର ଆବଶ୍ୟକତା କ’ଣ? ମୁଁ ସେମାନଙ୍କୁ କହିବାକୁ ଚାହୁଁଛି ଯେ ଯଦି କୌଣସି କୋଠା ଠିକ୍ ସମୟରେ ମରାମତି ନ କରାଯାଏ, ତେବେ ଏହା ଭୁଶୁଡ଼ି ପଡ଼ିଥାଏ। ସେମାନେ ଭାବନ୍ତି ଯେ ହୁଏତ ସେମାନେ ଆସି ଏହାକୁ ବଦଳାଇ ଦେବେ କିନ୍ତୁ ଆଗାମୀ ୧୫-୨୦ ବର୍ଷ ପାଇଁ କାହାର ପାଳି ଆସିବ ନାହିଁ। ଯାହା କରିବାକୁ ପଡିବ, ଆମକୁ ତାହା କରିବାକୁ ପଡିବ। ବିପର୍ଯ୍ୟୟ ପରିଚାଳନା ଆଇନ ପ୍ରଥମେ ୨୦୦୫ ମସିହାରେ ପ୍ରଣୟନ କରାଯାଇଥିଲା। ଏହା ଅଧୀନରେ, ଏନଡିଏମଏ, ଏସଡିଏମଏ ଏବଂ ଡିଡିଏମଏ ଗଠନ କରାଯାଇଥିଲା।