ରାତି ପାହିଲେ ରାମ ନବମୀ: ସୁରଟରେ ବଢିଲା ସୁରକ୍ଷା, ଚାରିଆଡ଼େ ପୋଲିସ ଛାଉଣୀ

ଗାନ୍ଧୀନଗର: ରାତି ପାହିଲେ ରାମ ନବମୀ । ଏଥିପାଇଁ ସରିଛି ସବୁ ପ୍ରସ୍ତୁତି । ଏପଟେ ସୁରକ୍ଷା ବ୍ୟବସ୍ଥାକୁ କଡାକଡି କରାଯାଇଛି । ସୁରଟ ସହରରେ ପୋଲିସ ପକ୍ଷରୁ ଫ୍ଲାଗ୍ ମାର୍ଚ୍ଚ କରାଯାଇଛି ଏବଂ ବିଭିନ୍ନ ସମ୍ବେଦନଶୀଳ ଅଞ୍ଚଳରେ ପୋଲିସ ଫୋର୍ସ ମୁତୟନ କରାଯାଇଛି ।

ରାମ ନବମୀ ଅବସରରେ କାଳେ କେଉଁଠି ଗଣ୍ଡଗୋଳ କିମ୍ବା ଅସାମାଜିକ ତତ୍ବ ପାଇଁ ଅପ୍ରୀତିକର ପରିସ୍ଥିତି ସୃଷ୍ଟି ହୋଇପାରେ ସେଥିପାଇଁ ଆଗୁଆ ପୋଲିସ ନେଇଛି ପଦକ୍ଷେପ । ଡ୍ରୋନ ଜରିଆରେ ସହରର ଗଳିକନ୍ଦି ଉପରେ ନଜର ରଖିଛି ପୋଲିସ । ଯଦି କୌଣସି ଲୋକ ସେମିତି ଗଣ୍ଡଗୋଳ ପରିସ୍ଥିତି ସୃଷ୍ଟି ପାଇଁ ଉସୁକାଏ କିମ୍ବା ସ୍ଥିତି ଅଣାୟତ୍ତ ହୁଏ ତାକୁ ଆୟତ୍ତ କରିବାକୁ ପ୍ରଶାସନ ଓ ପୋଲିସ ସଜାଗ ଥିବା କହିଛନ୍ତି ସାଲବାତପୂରା ପୋଲିସ ଷ୍ଟେସନର ଇନସପେକ୍ଟର ଶୀତଲ ଶାହା ।