ପ୍ରତ୍ୟାର୍ପଣ ପାଇଁ ମୋଦୀ କାହିଁକି ଶ୍ରେୟ ନେଉଛନ୍ତି, ୟୁପିଏ ସରକାର ଏହା କରିଥିଲେ: କଂଗ୍ରେସ

ନୂଆଦିଲ୍ଲୀ: କଂଗ୍ରେସ ନେତା ଦିଗବିଜୟ ସିଂହ ଶନିବାର ଦାବି କରିଛନ୍ତି ଯେ, ୨୬/୧୧ ମୁମ୍ବାଇ ଆତଙ୍କବାଦୀ ଆକ୍ରମଣ ଅଭିଯୁକ୍ତ ତହବୁର ରାଣାଙ୍କ ପ୍ରତ୍ୟର୍ପଣ ମାମଲାର ଶ୍ରେୟ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ଦିଆଯାଇପାରିବ ନାହିଁ। ସେ ଦାବି କରିଛନ୍ତି ଯେ, ଏହି ସମ୍ପୂର୍ଣ୍ଣ ମାମଲାର ମୂଳଦୁଆ କଂଗ୍ରେସ ନେତୃତ୍ୱାଧୀନ ୟୁପିଏ ସରକାର ପକାଇଥିଲେ ଏବଂ ଏହି ପ୍ରୟାସର ଫଳସ୍ୱରୂପ ରାଣା ଆଜି ଭାରତରେ ଅଛନ୍ତି। ପୂର୍ବରୁ ପୂର୍ବତନ କେନ୍ଦ୍ରମନ୍ତ୍ରୀ ଏବଂ ବରିଷ୍ଠ କଂଗ୍ରେସ ନେତା ପି. ଚିଦାମ୍ବରମ ମଧ୍ୟ ସମାନ ଭାବରେ ୟୁପିଏ ସରକାରଙ୍କୁ ପ୍ରଶଂସା କରିଥିଲେ।