ଯୋଗୀ ଆଦିତ୍ୟନାଥ ବସିଥିବା ହେଲିକପ୍ଟରର ଜରୁରୀ ଅବତରଣ

କାନପୁର : ଉତ୍ତର ପ୍ରଦେଶର କାନପୁରରେ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥଙ୍କ ହେଲିକପ୍ଟରର ଜରୁରୀକାଳୀନ ଅବତରଣ ହୋଇଛି। ହେଲିକପ୍ଟରଟି ଉଡ଼ାଣ ଭରିବା ମାତ୍ରେ, ପ୍ରବଳ ପବନ ଯୋଗୁଁ ଏହାର ଦିଗ ପରିବର୍ତ୍ତନ ହୋଇଯାଇଥିଲା। ରବିବାର ଦିନ ମୁଖ୍ୟମନ୍ତ୍ରୀ ଯୋଗୀ କାନପୁରର ମେଟ୍ରୋ ପ୍ରକଳ୍ପ ଏବଂ ପାୱାର ପ୍ଲାଣ୍ଟର ସମୀକ୍ଷା କରିବାକୁ ପହଞ୍ଚିଥିବା ବେଳେ ଏହି ଘଟଣା ଘଟିଥିଲା।ଯେତେବେଳେ ମୁଖ୍ୟମନ୍ତ୍ରୀ ଯୋଗୀଙ୍କ ହେଲିକପ୍ଟରଟି ଆକାଶରେ ଥିଲା, ସେତେବେଳେ ପବନର ଦିଗ ଏବଂ ଗତିରେ ହଠାତ୍ ପରିବର୍ତ୍ତନ ଆସିଥିଲା, ଯାହା ଫଳରେ ହେଲିକପ୍ଟରର ଆଉ ଏକ ଦିଗକୁ ଢଳିବାରେ ଲାଗିଥିଲା। ପରିସ୍ଥିତିକୁ ଅନୁଭବ କରି, ପାଇଲଟ୍ ତୁରନ୍ତ ହେଲିକପ୍ଟରର ଜରୁରୀକାଳୀନ ଅବତରଣ କରିଥିଲେ।