ବିହାରରେ ବ୍ୟାଙ୍କ୍ ଡକାୟତି ରୋକିଲେ ୨ ମହିଳା କନେଷ୍ଟବଳ
ପାଟନା: ବିହାରର ହାଜିପୁରସ୍ଥିତ ଏକ ବ୍ୟାଙ୍କ୍ରେ ପହରା ଦେଉଥିବା ୨ଜଣ ମହିଳା କନେଷ୍ଟବଳ ବୁଧବାର ଦିନ ଡକାୟତି କରିବା ଲାଗି ଆସିଥିବା ୩ଜଣ ସଶସ୍ତ୍ର ବ୍ୟକ୍ତିଙ୍କ ସହିତ ମୁକାବିଲା କରି ସେମାନଙ୍କ ଉଦ୍ୟମ ଭଣ୍ଡୁର କରି ଦେଇଛନ୍ତି।
ସିକ୍ୟୁରିଟି ଫୁଟେଜ୍ କ୍ୟାମେରାରେ ଉତ୍ତୋଳିତ ଭିଡିଓରୁ ଜଣାପଡ଼ିଛି, ସଦର ଥାନା ଅଞ୍ଚଳର ସେନ୍ଦୁଆରି ଚୌକ୍ରେ ଥିବା ଉତ୍ତର ବିହାର ଗ୍ରାମୀଣ ବ୍ୟାଙ୍କ୍ର ପ୍ରବେଶ ପଥରେ କନେଷ୍ଟବଳ ଜୁହି କୁମାରୀ ଓ ଶାନ୍ତି କୁମାର ବସିଥିଲା ବେଳେ ୩ଜଣ ଲୋକ ପ୍ରବେଶ କରିବାକୁ ଉଦ୍ୟମ କରିଥିଲେ।
କାଗଜପତ୍ର ଦେଖାଇବାକୁ କହିବାରୁ ତିନିଜଣ ବ୍ୟକ୍ତିଙ୍କ ମଧ୍ୟରୁ ଜଣେ ପିସ୍ତଲ ବାହାର କରିଥିଲେ। ତତ୍କ୍ଷଣାତ୍, ଜୁହି ଓ ଶାନ୍ତି ଉଠିପଡ଼ି ସେମାନଙ୍କୁ ମୁକାବିଲା କରିଥିଲେ।
ଜୁହି କହନ୍ତି, କ’ଣ ୩ଜଣଙ୍କର ବ୍ୟାଙ୍କ୍ରେ କାମ ଅଛି ବୋଲି ମୁଁ ପଚାରିବାରୁ ସେମାନେ ହଁ ବୋଲି କହିଲେ। ମୁଁ ସେମାନଙ୍କୁ ପାସ୍ବୁକ୍ ଦେଖାଇବାକୁ କହିବାରୁ ସେମାନେ ପିସ୍ତଲ୍ ବାହାର କଲେ।