ଓସ୍କାର ଉତ୍ସବରେ ରାମ ଚରଣ ଥରୁଥିଲେ
ଆର୍ଆର୍ଆର୍ ସିନେମାର ନାଟୁ ନାଟୁ ଗୀତକୁ ମୌଳିକ ସଂଗୀତ ବର୍ଗରେ ଚଳିତବର୍ଷ ଓସ୍କାର ପୁରସ୍କାର ମିଳିଛି। ଆମେରିକାର ଲସ୍ ଏଞ୍ଜେଲେସ୍ ଠାରେ ଆୟୋଜିତ ୯୫ତମ ଏକାମେଡି ଆୱାର୍ଡ ଉତ୍ସବକୁ ପୁରସ୍କାର ଗ୍ରହଣ ପାଇଁ ଆର୍ଆର୍ଆର୍ ଟିମ୍ ଯାଇଥିଲା। ନିର୍ଦ୍ଦେଶକ ଏସ୍ଏସ୍ ରାଜାମୌଲୀଙ୍କଠାରୁ ଆରମ୍ଭ କରି ଜୁନିଅର ଏନ୍ଟିଆର, ରାମ ଚରଣ ପ୍ରମୁଖ ଡଲବି ଥିଏଟରରେ ଉପସ୍ଥିତ ଥିଲେ। ଅଭିନେତା ରାମ ଚରଣ ପତ୍ନୀ ଉପାସନା କୋନିଡେଲାଙ୍କୁ ସାଥୀରେ ନେଇଥିଲେ। ରାମଚରଣଙ୍କ ସହିତ ପୁରସ୍କାର ପ୍ରଦାନ ଉତ୍ସବରେ ଉପସ୍ଥିତ ରହିବାର ଆବଶ୍ୟକତା ସଂପର୍କରେ ନିକଟରେ ମୁହଁ ଖୋଲିଛନ୍ତି ପତ୍ନୀ ଉପାସନା। ଏହି ଐତିହାସିକ ପୁରସ୍କାର ପ୍ରଦାନ ସମୟରେ ରାମ ଚରଣ ପୂରା ଥରୁଥିଲେ। ତେଣୁ ସେଠାରେ ତାଙ୍କର ଉପସ୍ଥିତି ଏକାନ୍ତ କାମ୍ୟ ଥିଲା ବୋଲି ସେ କହିଛନ୍ତି।
ଉପାସନା କେବଳ ଯେ ଓସ୍କାର କାର୍ଯ୍ୟକ୍ରମରେ ଯୋଗଦେଇଥିଲେ ତାହା ନୁହେଁ, ନାଟୁ ନାଟୁ ଗୀତ ୟୁକ୍ରେନର ରାଷ୍ଟ୍ରପତି ଭବନରେ ସୁଟିଂ ହେବା ସମୟରେ ମଧ୍ୟ ସେ ରାମ ଚରଣଙ୍କ ସହିତ ରହିଥିଲେ ବୋଲି କହିଛନ୍ତି। ଏଥିସହିତ ନିର୍ଦ୍ଦେଶକ ରାଜାମୌଲୀଙ୍କର ସେ ଢେର୍ ପ୍ରଶଂସା ମଧ୍ୟ କରିଛନ୍ତି। ଜୀବନର କଠିନ ସମୟରେ ଏବଂ ସଫଳତାରେ ମଧ୍ୟ ରାଜାମୌଲୀ ତାଙ୍କ ସହିତ ରହିଛନ୍ତି ବୋଲି ଉପାସନା କହିଛନ୍ତି।