ଗୋଷାଣୀ ନୂଆଗାଁ ସିଦ୍ଧ ଚଣ୍ଡୀ ମନ୍ଦିରର ମା ଚଣ୍ଡୀଙ୍କ ପ୍ରସିଦ୍ଧ ବାସନ୍ତୀକ ଉତ୍ସବ ସମାପନ

ଗୋଷାଣୀ ନୂଆଗାଁ ସିଦ୍ଧ ଚଣ୍ଡୀ ମନ୍ଦିରର ମା ଚଣ୍ଡୀଙ୍କ ପ୍ରସିଦ୍ଧ ବାସନ୍ତୀକ ଉତ୍ସବ ଗୁରୁବାର ରାତ୍ରୀରେ ସମାପନ ହୋଇଛି l ମା ଚଣ୍ଡୀଙ୍କ ଉକ୍ତ ଉତ୍ସବ ଚଳିତ ମାସ ୨୨ ତାରିଖରୁ ଆରମ୍ଭ ହୋଇ ପ୍ରତ୍ୟେକ ଦିନ ଚଣ୍ଡି ପାଠ, ହୋମ ଯଜ୍ଞ, ଅର୍ନ ଯଜ୍ଞ ଭଳି ନୀତି କାନ୍ତି ନବ ଦିନ ବ୍ୟାପି ଅନୁଷ୍ଟିତ ହୋଇଥିଲା l ବାସନ୍ତିକ ଉତ୍ସବ ଗୁରୁବାର ରାତ୍ରିରେ ନଗର ପରିକ୍ରମା ହୋଇ ଶେଷ ହୋଇଛି l ଚଣ୍ଡୀ ମନ୍ଦିରରୁ ମା ବାହାରି ଗୋଷାଣୀ ନୁଆ ଗାଁ ଶାସ୍ତ୍ରୀ ନଗର, ତୋଟା ସାହି, ବାଲାଜୀ ନଗର, ସନ୍ୟାସୀ ନଗର ସମେତ ୪୦ ଖଣ୍ଡ ସାହି, ମା ପାଲିଙ୍କିରେ ବସୀ ପରିକ୍ରମା କରିଥିଲେ l ଶଙ୍ଖ,ମହୁରୀ,ଢଲ ବଜାଇ ବିରାଟ ପଟୁଆରରେ ନଗର ପରିକ୍ରମା କରି ପରିଶେଷରେ ପାହାନ୍ତିଆ ସମୟରେ ହରି ହର ନଗର ସ୍ଥିତ ପୋଖରୀରେ ଘଟ ବିସର୍ଜନ କରାଯାଇଥିଲା l ଅନୁଷ୍ଟିତ ମହା ଆଡ଼ମ୍ବର ପୂଜାରେ କମିଟି ସଭାପତି ଭଗବାନ ସାହୁ, ଉପସଭାପତି ରବିନ୍ଦ୍ର ସାହୁ, ସେକ୍ରେଟେରି କୀର୍ତ୍ତନ ସାହୁ ପ୍ରମୁଖ ଉପସ୍ଥିତ ରହି କାର୍ଯ୍ୟକ୍ରମ ପରିଚାଳନାରେ କରିଥିଲେ l ଅନ୍ୟମାନଙ୍କ ମଧ୍ୟରେ କାର୍ଯ୍ୟକ୍ରମରେ ସ୍ଥାନୀୟ ବୁଦ୍ଧିଜୀବୀ କୀର୍ତ୍ତନ ସାମନ୍ତରାଏ, ରିତୁ ପଣ୍ଡା, ଅଶୋକ ଦାସ, କାମାକ୍ଷୀ ଶତପଥୀ, ଉପେନ୍ଦ୍ର ସାହୁ ସମେତ ଗୋସାଣୀ ନୂଆଁଗାଁର ବହୁ ଯୁବ ପିଢ଼ି,ସ୍ଥାନୀୟ ବାସିନ୍ଦା ଉପସ୍ଥିତ ରହି ବାସନ୍ତୀକ ଉତ୍ସବ ପରିଚାଳନରେ ସହୋଜୋଗ କରିଥିଲେ