ସମସ୍ୟ ସମାଧାନ ଦାବିରେ ପାଚିକା ସଂଘର ବିକ୍ଷୋଭ ;୧୩ ଦଫା ଦାବୀନେଇ ୧୦ ରେ ଦାବି ପତ୍ର ପ୍ରଦାନସମସ୍ୟ ସମାଧାନ ଦାବିରେ ପାଚିକା ସଂଘର ବିକ୍ଷୋଭ ;

ଖୁଣ୍ଟା –
ମୟୁରଭଞ୍ଜ ଜିଲ୍ଲା ଖୁଣ୍ଟା ଓ ଗୋପବନ୍ଧୁ ନଗର ବ୍ଳକ ର ପାଚିକା ସଂଘ ପକ୍ଷରୁ ବିଭିନ୍ନ ସମସ୍ୟା ଓ ଏହାର ସମାଧାନ ଦାବୀରେ ଖୁଣ୍ଟା ଆରସିଏମଏସ ପଡିଆରେ ବିକ୍ଷୋଭ ସଭା ଅନୁଷ୍ଠିତ ହୋଇଯାଇଛି । ସିଟୁର ଜିଲ୍ଲା ସମ୍ପାଦକ ମମତା ଜେନା ଓ ଜିଲ୍ଲା କମିଟୀ ସଦସ୍ୟ ଭାନୁମତି ମହାନ୍ତ ଙ୍କ ନେତୃତ୍ଵରେ ଅନୁଷ୍ଠିତ ଏହି ବିକ୍ଷୋଭ ସମାବେଶରେ ଉଭୟ ବ୍ଳକରୁ ପାଚିକାମାନେ ଯୋଗ ଦେଇଥିଲେ । ଆରସିଏମଏସ ପଡ଼ିଆରେ ଏକତ୍ରୀତ ହୋଇ ସେମାନଙ୍କର ବିଭିନ୍ନ ସମସ୍ୟା ସଂମ୍ପର୍କରେ ଆଲୋଚନା କରାଯିବ ସହ ପାଚିକାମାନଙ୍କ ପ୍ରତି ସରକାରଙ୍କ ବୈମାତୃକ ମନଭାବ ପଷଣକୁ ନେଇ ଅସନ୍ତୋଷ ବ୍ୟକ୍ତ କରିଥିଲେ । ପାଚିକା ମାନେ କାର୍ଯ୍ୟସମ୍ପାଦନ ସମୟରେ ବିଭିନ୍ନ ସମସ୍ୟା ରେ ସମ୍ମୁଖିନ ହେଉଥିବା ଏବଂ ସରକାରଙ୍କ ଧାର୍ଯ୍ୟ ସର୍ବନିମ୍ନ ମଜୁରୀ ପାଇବାରୁ ବଞ୍ଚିତ ରହୁଥିବା , ମାସିକ ଦରମା ବୃଦ୍ଧି , ଡ୍ରେସ କୋଡ଼ ଲାଗୁ କରି ପୋଷାକ ପାଇଁ ଅର୍ଥ ପ୍ରଦାନ , ୪ର୍ଥ ଶ୍ରେଣୀ କର୍ମଚାରୀ ର ମାନ୍ୟତା , ସ୍ଵାସ୍ଥ୍ୟ ବିମା ପ୍ରଦାନ ଇତ୍ୟାଦି ୧୩ ଦଫା ଦାବୀ ସଂଘ ପକ୍ଷରୁ କରାଯିବା ସହ ଏସ ସମ୍ପର୍କୀତ ଏକ ଦାବୀ ପତ୍ର ବିଦ୍ୟାଳୟ ଓ ଗଣଶିକ୍ଷା ମନ୍ତ୍ରୀଙ୍କ ଉଦ୍ଦେଶ୍ୱରେ ଉଭୟ ବ୍ଳକ ପାଚିକା ସଂଘ ପକ୍ଷରୁ ଆସନ୍ତା ୧୦ ତାରିଖ ଦିନ ବ୍ଳକ ଶିକ୍ଷାଧିକାରୀଙ୍କ ଜରିଆରେ ପ୍ରଦାନ କରାଯିବ ବୋଲି ସିଟୁର ଜିଲ୍ଲା ସମ୍ପାଦକ ମମତା ଜେନା ବିଭିନ୍ନ ଗଣମାଧ୍ୟମ ପ୍ରତିନିଧିଙ୍କୁ ସୁଚନା ପ୍ରଦାନ କରିଛନ୍ତି ।