ଗଛକୁ ଧକ୍କା ଦେଲା ଗାଡି, ଚାଳକ ମୃତ

ମାଲକାନଗିରି Iତା: ୧୦/୪
ମାଲକାନଗିରି- ଜୟପୁର – ୩୨୬ ନମ୍ବର ଜାତୀୟ ରାଜପଥ ପାଙ୍ଗମ ନିକଟସ୍ଥ ଶିରାଗୁଡା ଠାରେ ଏକ ଚାଉଳ ବୋଝେଇ ପିକ୍ ଆପ୍ ଭ୍ଯାନ୍ ଭାରସାମ୍ଯ ହରାଇ ଗଛକୁ ଧକ୍କା ଦେବା ଫଳରେ ଘଟଣା ସ୍ଥଳରେ ଗାଡି ଚାଳକର ମୃତ୍ଯୁ ଘଟିଛି I
ଆଜି ସକାଳେ ମାଲକାନଗିରି ଜିଲ୍ଲାରୁ ଚାଉଳ ବୋଝେଇ ଓଡି ୦୭ଏସ୩୩୫୮ ନମ୍ବର ଏକ ପିକଆପ ଭ୍ୟାନ ଜୟପୁର ଅଭିମୁଖେ ଯାଉଥିଲା I ଗାଡିଟି ପାଙ୍ଗମ ନିରଟସ୍ଥ ଶିରିଗୁଡା ଠାରେ ଭାରସମ୍ଯ ହରାଇ ଏକ ଶାଳ ଗଛକୁ କ୍ଷୀପ୍ର ବେଗରେ ଧକ୍କା ଦେଇଥିଲା Iଫଳରେ ଘଟଣା ସ୍ଥଳରେ ଡ୍ରାଇଭରର ମୃତ୍ୟୁ ଘଟିଛି। ମୃତକ ଡ୍ରାଇଭରଙ୍କ ଘର ମାଲକାନଗିରି ଜିଲ୍ଲା ଏମଭି- ୫୬ ଗ୍ରାମରେ ବୋଲି ଜଣାପଡିଛି I ତାଙ୍କ ନାମ ଅସିତ କୁମାର ଗୋଲଦାର I
ଏ ସମ୍ପର୍କରେ ସ୍ଥାନୀୟ ଲୋକେ ମାଥିଲି ଥାନା ଓ ଅଗ୍ନିଶମ ବିଭାଗକୁ ସୂଚନା ଦେଇଥିଲେ। ଘଟଣା ସ୍ଥଳରେ ମାଲକାନଗିରି ଅଗ୍ନିଶମ ଅଧିକାରୀ କେ କେ ଗୌଡ଼ଙ୍କ ନେତୃତ୍ୱରେ ମନ ମୁଦୁଲି, ତନ୍ମୟ ସାହୁ, ଧନ ସିଂ ଭତ୍ରା, ଗୌରାଙ୍ଗ ସମରଥ, ଜଗବନ୍ଧୁ ପଡାଲ ପ୍ରମୁଖ ଅଗ୍ନିଶମ କର୍ମଚାରୀମାନେ ପହଞ୍ଚିଥି ଗାଡି ଭିତରେ ଚାପି ହୋଇ ମୃତ୍ୟୁ ବରଣ କରିଥିବା ଡ୍ରାଇଭରଙ୍କୁ ଗ୍ୟାସ୍ କଟର୍ ସାହାଯ୍ୟରେ ଡୋରକୁ କାଟି ଉଦ୍ଧାର କରିଥିଲେ I ଘଟଣା ସ୍ଥଳରେ ମାଥିଲି ପୋଲିସ ମୃତ ଶରୀରକୁ ଜବତ କରି ଶବ ବ୍ୟବଛେଦ ନିମନ୍ତେ ପଠାଇ ଥିବା ବେଳେ ଚାଉଳ ବୋଝେଇ ଗାଡିକୁ ମଧ୍ଯ ଜବତ କରିଛି I