ଆଇପିଏଲ  : ମୁମ୍ବାଇ ଆଗରେ ୧୭୩ରନର ଲକ୍ଷ୍ୟ ରଖିଲା ଦିଲ୍ଲୀ

ନୂଆଦିଲ୍ଲୀ : ଦିଲ୍ଲୀର ଅରୁଣ ଜେଟଲି ଷ୍ଟାଡିୟମଠାରେ ଚାଲିଥିବା ଆଇପିଏଲ ୨୦୨୩ର ୧୬ତମ ମ୍ୟାଚରେ ମୁମ୍ବାଇ ଇଣ୍ଡିଆନ୍ସ ଆଗରେ ୧୭୩ ରନର ବିଜୟ ଲକ୍ଷ୍ୟ ରଖିଛି ଦିଲ୍ଲୀ କ୍ୟାପିଟାଲ୍ସ ।

ଏହି ମ୍ୟାଚରେ ମୁମ୍ବାଇ ଟସ ଜିତି ପ୍ରଥମେ ବୋଲିଂ କରିବାକୁ ନିଷ୍ପତ୍ତି ନେଇଥିଲା । ପ୍ରଥମେ ବ୍ୟାଟିଂ କରି ଦିଲ୍ଲୀ ଦଳ ଅଧିନାୟକ ଡେଭିଡ୍ ଓ୍ବାର୍ନରଙ୍କ ୫୧ରନ ଓ ଅକ୍ଷର ପଟେଲଙ୍କ ଦ୍ରୁତ ୫୪ ରନ ବଲରେ ନିର୍ଦ୍ଧାରିତ ୧୯.୪ ଓଭରରେ ୧୭୨ରନ କରି ଅଲଆଉଟ୍ ହୋଇଯାଇଥିଲା । ମନୀଷ ପାଣ୍ଡେ ୨୬ ରନ କରିଥିବାବେଳେ ପୃଥ୍ବୀ ଶ ୧୫ ରନ କରିଥିଲେ । ତେବେ ଅନ୍ୟ ବ୍ୟାଟ୍ସମ୍ୟାନମାନେ ବିଫଳ ହୋଇଥିଲେ । ଦଳର ୬ଜଣ ବ୍ୟାଟ୍ସମ୍ୟାନ ଦୁଇ ଅଙ୍କ ଛୁଇଁ ପାରିନଥିଲେ 

ଦିଲ୍ଲୀର ଅଧିନାୟକ ଡେଭିଡ୍ ଓ୍ବାର୍ନର  ଆଜି ଲଗାତାର ୩ୟ ଅର୍ଦ୍ଧଶତକ ମାରିଛନ୍ତି । ଏହା ସତ୍ତ୍ବେ ତାଙ୍କର ଷ୍ଟ୍ରାଇକ୍ ରେଟକୁ ନେଇ ପ୍ରଶ୍ନବାଚୀ ସୃଷ୍ଟି ହୋଇଛି । ଆଜିର ମ୍ୟାଚରେ ସେ ୪୭ଟି ବଲ ଖେଳି ୫୧ ରନ କରିଥିଲେ । ତାଙ୍କ ତୁଳନାରେ ଅକ୍ଷର ପଟେଲ ମାତ୍ର ୨୫ଟି ବଲରେ ୫୪ରନ କରିଥିଲେ ।

ମୁମ୍ବାଇ ପକ୍ଷରୁ ଜେସନ ବେହେରେନଡ୍ରଫ ଓ ପିୟୁଷ ଚାଓ୍ବାଲା ୩ଟି ଲେଖାଏଁ ଓ୍ବିକେଟ ନେଇଥିଲେ । ରିଲେ ମେରେଡିଥ ୨ଟି ଓ୍ବିକେଟ ନେଇଥିବାବେଳେ ହ୍ରିତିକ ସୋକିନ ଗୋଟିଏ ଓ୍ବିକେଟ ନେଇଥିଲେ ।