ଭାରତ-ଚୀନ୍ ସୀମାନ୍ତ ଏଲଏସିରେ ସୈନ୍ୟ ପ୍ରସ୍ତୁତି ଯାଞ୍ଚ କଲେ ଚୀନ୍ ରାଷ୍ଟ୍ରପତି ସି ଜିନପିଙ୍ଗ
ନୂଆଦିଲ୍ଲୀ: ପୂର୍ବ ଲଦାଖର ଭାରତ-ଚୀନ୍ ସୀମାରେ ମୁତୟନ ଥିବା ଚୀନା ସୈନିକମାନଙ୍କ ସହ ଏକ ଭିଡିଓ ବାର୍ତ୍ତାଳାପ କରି ଚୀନ୍ ରାଷ୍ଟ୍ରପତି ସି ଜିନପିଙ୍ଗ ସେମାନଙ୍କର ଯୁଦ୍ଧ ପ୍ରସ୍ତୁତି ଯାଞ୍ଚ କରିଛନ୍ତି ବୋଲି ଶୁକ୍ରବାର ଦିନ ଚୀନର ସରକାରୀ ଗଣମାଧ୍ୟମ ରିପୋର୍ଟ କରିଛି।
ଜିନଜିଆଙ୍ଗ ମିଲିଟାରି କମାଣ୍ଡ ଅଧୀନସ୍ଥ ଖୁଞ୍ଜେରାବରେ ସୀମା ପ୍ରତିରକ୍ଷା ପରିସ୍ଥିତି ଉପରେ ରାଷ୍ଟ୍ରପତି ଜିନପିଙ୍ଗ ବେଜିଂର ପିପୁଲ୍ସ ଲିବରେସନ ଆର୍ମି (ପିଏଲଏ) ମୁଖ୍ୟାଳୟରୁ ସୈନ୍ୟମାନଙ୍କୁ ସମ୍ବୋଧିତ କରିଥିଲେ। ଶାସକ କମ୍ୟୁନିଷ୍ଟ ପାର୍ଟି ଅଫ୍ ଚାଇନାର ସାଧାରଣ ସମ୍ପାଦକ ତଥା ପିଏଲଏର କମାଣ୍ଡର-ଇନ୍-ଚିଫ୍ ସି ଜିନ୍ପିଙ୍ଗ ସୈନ୍ୟମାନଙ୍କୁ ଦେଇଥିବା ଉଦ୍ବୋଧନରେ ଉଲ୍ଲେଖ କରିଛନ୍ତି ଯେ ନିକଟ ଅତୀତରେ ଏହି ଅଞ୍ଚଳ କିପରି କ୍ରମାଗତ ଭାବରେ ପରିବର୍ତ୍ତନ ହେଉଛି ଏବଂ ଏହା ସେନା ଉପରେ କିପରି ପ୍ରଭାବ ପକାଇଛି।