ଦଶମ ପରୀକ୍ଷାରେ ସତ୍ଯଜିତ ମିଶ୍ର ଟପର୍

ମାଲକାନଗିରି Iତା;୧୮/୫
ଆଜି ଦଶମ ଶ୍ରେଣୀ ପରୀକ୍ଷା ଫଳ ପ୍ରକାଶ ପାଇଥିବା ବେଳେ ମାଲକାନଗିରି ସଦର ମହକୁମା ସ୍ଥିତ ସରକାରୀ ଉଚ୍ଚ ବିଦ୍ୟାଳୟର ଛାତ୍ର ସତ୍ଯଜିତ ମିଶ୍ର ୫୬୩ ନଂମ୍ବର ରଖି ମାଲକାନଗିରି ଜିଲ୍ଲାରେ ଟପର ହୋଇଥିବା ଜଣା ପଡିଛି I ୧୨୪ ଛାତ୍ରଙ୍କ ମଧ୍ୟରୁ ୧୨୦ ଜଣ ଉତ୍ତୀର୍ଣ ହୋଇ ୯୮% କୃତକାର୍ଯ୍ୟ ହୋଇଥିବା ଭାରପ୍ରାପ୍ତ ପ୍ରଧାନ ଶିକ୍ଷକ ନିରଞ୍ଜନ ପଣ୍ଡା ପ୍ରକାଶ କରିଛନ୍ତି I ବିଦ୍ୟାଳୟର ଛାତ୍ର ସତ୍ୟଜିତ ମିଶ୍ର ୫୬୩ ମାର୍କ ରଖି ଏ-ୱାନ ଗ୍ରେଡ୍ ରଖି ମାଲକାନଗିରି ଜିଲ୍ଲାରେ ଟପର ହୋଇଥିବା ବେଳେ ସତ୍ଯଜିତ ମିଶ୍ର ଦୈନିକ ୬ ଘଣ୍ଟା ପରିଶ୍ରମ କରୁଥିଲେ Iସେ ଭବିଷ୍ୟତରେ ଡାକ୍ତର ହୋଇ ଜନସେବା କରିବା ଲକ୍ଷ୍ଯ ରଖିଥିବା ପ୍ରକାଶ କରିଛନ୍ତି Iମାଆ ପ୍ରଣତି ମିଶ୍ର ଜଣେ ସୁଗହିଣୀ ହୋଇଥିବା ବେଳେ ବାପା ରତ୍ନାକର ମିଶ୍ର ମାଲରାନଗିରି ସରକାରୀ କନିଷ୍ଠ ବିଜ୍ଞାନ ମହାବିଦ୍ଯାଳୟର ଅଧ୍ୟାପକ ଅଟନ୍ତି Iସତ୍ଯଜିତ ବାପା ମା’ଙ୍କର ଏକ ମାତ୍ର ସନ୍ତାନ ହୋଇଥିବା ବେଳେ ସଫଳତାର ଶ୍ରେୟ ନିଜ ବାପା ମା’ ଓ ବିଦ୍ୟାଳୟର ଶିକ୍ଷକମାନଙ୍କୁ ପ୍ରଦାନ କରିଛନ୍ତି I