ପ୍ରଥମ ଥର ପାଇଁ ଭାରତକୁ ଆସିଲା ଏହି ସୁପରକାର୍, ଦାମ୍ ଜାଣି ଆଶ୍ଚର୍ଯ୍ୟ ହେବେ

ନୂଆଦିଲ୍ଲୀ : ଭାରତୀୟ ଅଟୋମୋବାଇଲ ବଜାର ଦ୍ରୁତ ଗତିରେ ବୃଦ୍ଧି ପାଉଛି ଏବଂ ଏହାର ଉତ୍ତମ ଉଦାହରଣ ହେଉଛି ଦ୍ରୁତଗତିରେ ବୃଦ୍ଧି ପାଉଥିବା ସୁପରକାର୍  ବିକ୍ରି । ଏପରିକି ଭାରତୀୟ ଗ୍ରାହକମାନେ ଲଜକୁରୀ କାର କିଣିବା ପାଇଁ  ଦାମକୁ ଦେଖୁନାହାନ୍ତି । ବିଶ୍ବର ପ୍ରମୁଖ ଅଟୋମୋବାଇଲ କମ୍ପାନିମାନେ ଭାରତୀୟ ବଜାରରେ ନିଜର ଲକଜୁରୀ କାର ବିକ୍ରି କରୁଛନ୍ତି । ଅନେକ ବିଦେଶୀ କମ୍ପାନୀ ମଧ୍ୟ ଭାରତୀୟ ବଜାରରେ ନିଜର ସୁପରକାର୍ ଲଞ୍ଚ କରୁଛନ୍ତି ।

କିଛିଦିନ ପୂର୍ବେ ଲାମ୍ବୋର୍ଗିନୀ ଏହାର ଶକ୍ତିଶାଳୀ ସୁପରକାର୍ ହୁରାକାନ୍ ଟେକ୍ନିକା ଲଞ୍ଚ କରିଥିଲା । ନିକଟରେ ପ୍ରଥମ ଥର ପାଇଁ ଜଣେ ଭାରତୀୟ ଏହି କାରକୁ କିଣିଛନ୍ତି । ବିଶାଖାପାଟଣାରେ ରହୁଥିବା ଜଣେ ବ୍ୟକ୍ତି ଏହାକୁ କିଣିଛନ୍ତି । ସେ ଏକ ଧଳା ରଙ୍ଗର ମଡେଲ କିଣିଛନ୍ତି । ଏହାର ମୂଲ୍ୟ ପ୍ରାୟ ୪ କୋଟି ଟଙ୍କା ହେବ । ଏଥିରେ ମାତ୍ର ୨ଟି ସିଟ ରହିଛି ।

ଏ ସଂପର୍କରେ ଲାମ୍ବୋର୍ଗିନୀ ଇଣ୍ଡିଆର ମୁଖ୍ୟ ଶରଦ ଅଗ୍ରଓ୍ଵାଲ କହିଛନ୍ତି ଯେ ଟେକ୍ନିକାକୁ କମ୍ପାନୀ ଗତ ବର୍ଷ ଅଗଷ୍ଟରେ ଲଞ୍ଚ କରିଥିଲା । ଏହା ଏକ ହାଲୁକା ଡିଜାଇନର କାର୍ । ଯେଉଁଥିରେ ଏକ ରିକାଲିବ୍ରେଟେଡ୍ ଏଲଡିଭିଆଇ ସିଷ୍ଟମ ଲଗାଯାଇଛି । ଏଥିରେ ଡ୍ରାଇଭିଂ ମୋଡ୍, ସସପେନ୍ସନ୍ ସେଟିଂ, ରିୟର ହ୍ୱିଲ୍ ଡାଇରେକ୍ଟ ଷ୍ଟିୟରିଂ ଏବଂ ଉନ୍ନତ ବ୍ରେକ୍ କୁଲିଂ ଟେକ୍ନୋଲୋଜି ରହିଛି। ଏହା ଦ୍ୱାରା ରାସ୍ତା ଓ ଟ୍ରାକରେ ଦ୍ରୁତ ଗତିରେ ଗାଡି ଚଳାଇବା ସହଜ ହୋଇଥାଏ ଓ ଭଲ ଅଭିଜ୍ଞତା ଦେଇଥାଏ । ଏହା ମାତ୍ର ୩ ମିନିଟରେ ଟପସ୍ପିଡ୍ ଘଣ୍ଟାପ୍ରତି ୩୨୦ କିଲୋମିଟରରେ ପହଞ୍ଚିଯିବ ।