ଆଙ୍କୁଶପୁର ଆୟୁର୍ବେଦ କଲେଜକୁ ସର୍ବଭାରତୀୟ ସ୍ତରରେ ସ୍ନାତକୋତ୍ତର କଲେଜର ମାନ୍ୟତା ମିଳିଛି।

ବ୍ରହ୍ମପୁର: ଆଙ୍କୁଶପୁର କବିରାଜ ଅନନ୍ତ ତ୍ରିପାଠୀ ଶର୍ମା ଆୟୁର୍ବେଦ ମହାବିଦ୍ୟାଳୟରେ ସର୍ବ ଭାରତୀୟ ସ୍ତରରେ 4ଟି ସ୍ନାତକୋତ୍ତର ସିଟ ଶଲ୍ୟ ବିଭାଗ ପାଇଁ ଅନୁମୋଦନ ମିଳିଲା। ଏହି ପରିପ୍ରେକ୍ଷୀରେ ଆୟୁର୍ବେଦ କଲେଜର ସମସ୍ତ ବିଭାଗରେ କାର୍ଯ୍ୟରତ ଅଧ୍ୟାପକ ମାନେ କଲେଜର ଅଧ୍ୟକ୍ଷ ପ୍ରଫେସର ବିପିନ ବିହାରୀ ଖୁଣ୍ଟିଆଙ୍କ ସାକ୍ଷାତ କରି ପୁଷ୍ପ ଗୁଚ୍ଛ ଦେଇ ସମ୍ବର୍ଦ୍ଧନା ପ୍ରଦାନ କରିଥିଲେ। ଦୀର୍ଘ ଦିନର ଦାବି ପରେ ବର୍ତ୍ତମାନର କଲେଜ ଅଧ୍ୟକ୍ଷ ଙ୍କର ଆପ୍ରାଣ ଉଦ୍ୟମ ଓ କଲେଜର ଭିତ୍ତିଭୂମି ବିକାଶ ଦିଗରେ ସର୍ବାଙ୍ଗୀନ ଉନ୍ନତିକୁ ଦେଖି ସର୍ବଭାରତୀୟ ସ୍ତରରେ ଅନୁଷ୍ଠାନକୁ ଏଭଳି ଏକ ବଡ଼ ସଫଳତା ମିଳିଛି। ତେବେ ବର୍ତ୍ତମାନ ଓଡ଼ିଶାର ବଲାଙ୍ଗୀରରେ 4ଟି ସିଟ ଓ ପୁରୀରେ 13 ସିଟ ଥିବା ବେଳେ ଏହି ଅନୁଷ୍ଠାନ ପାଇଥିବା4ଟି ସିଟକୁ ମିଶାଇ ବର୍ତ୍ତମାନ ଓଡ଼ିଶାରେ 21 ସିଟରେ ଆସନ୍ତା ଶିକ୍ଷା ବର୍ଷ ଠାରୁ ଶିକ୍ଷା ଆରମ୍ଭ କରିବେ ବୋଲି ଅଧକ୍ଷ ଶ୍ରୀ ଖୁଣ୍ଟିଆ ମତ ପ୍ରଦାନ କରିଛନ୍ତି।