ଛତିଆ-ସାଲେପୁର ପୂର୍ତ୍ତ ସଡ଼କ
ଉନ୍ନତିକରଣ କାର୍ଯ୍ୟର ଶୁଭ ଶିଳାନ୍ୟାସ

ମାହାଙ୍ଗା -24/5
ଯୋଗାଯୋଗ କ୍ଷେତ୍ରରେ ମାହାଙ୍ଗା ଓ ସାଲେପୁର ଉଭୟ ନିର୍ବାଚନ ମଣ୍ଡଳୀର ଲାଇଫ ଲାଇନ ହେଉଛି ଛତିଆ -ସାଲେପୁର ପୂର୍ତ୍ତ ସଡ଼କ ବୋଲି ବିଧାୟକ ଶ୍ରୀଯୁକ୍ତ ପ୍ରତାପ ଜେନା କହିବା ସହ ବୁଧବାର ଦିନ ଏହି ସଦକର ଉନ୍ନତିକରଣ ପାଇଁ ଶିଳାନ୍ୟାସ ପର୍ବ ଅନୁଷ୍ଠିତ ହୋଇଯାଇଛି l ପୂର୍ବତନ ମନ୍ତ୍ରୀ ତଥା ମାହାଙ୍ଗା ବିଧାୟକ ପ୍ରତାପ ଜେନା ଏହି ଶିଳାନ୍ୟାସ ପର୍ବରେ ମୁଖ୍ୟ ଅତିଥିଭାବେ ଯୋଗଦେଇଥିଲେ l ଶ୍ରୀ ଜେନାଙ୍କ ସହିତ ବରେଣ୍ୟ ଅତିଥିଭାବେ ସାଲେପୁର ବିଧାୟକ ପ୍ରଶାନ୍ତ ବେହେରା ଯୋଗଦେବା ଦେଖିବାକୁ ମିଳିଥିଲା l ଉଭୟ ନେତାଙ୍କୁ ଏକ ବିଶାଳ ବାଇକ ପଟୁଆରରେ ଖନ୍ଦୋଳ ଗଣକବି ତୋରଣ ନିକଟରୁ ପାଛୋଟି ନିଆଯାଇଥିଲା l ପଶୁଲୁଣ୍ଡା ଠାରେ ଗୋବରୀ ନଦୀ କୂଳରେ ଏହି ପ୍ରକଳ୍ପର ଭୂମି ପୂଜନ କାର୍ଯ୍ୟକ୍ରମ ସମ୍ପନ୍ନ ହୋଇଥିଲା l
ମାହାଙ୍ଗାର ବିଶ୍ୱକର୍ମା ତଥା ଜନପ୍ରିୟ ବିଧାୟକ ଶ୍ରୀ ଜେନା କହିଲେ ୪୯ କୋଟି ଟଙ୍କା ଅନୁଦାନରେ ନିର୍ମାଣ ହେବ ୪0 ଫୁଟ ଚଉଡାର ୨୬ କିଲୋମିଟର ଦୂରତା ବିଶିଷ୍ଟ ଏହି ରାସ୍ତା l
ମଧୁ ବାବୁଙ୍କ ପବିତ୍ର ମାଟି ସାଲେପୁର ଏବଂ ଜଗନ୍ନାଥ ଧାମ ଛତିଆବଟକୁ ସଂଯୋଗ କରୁଥିବା ଏହି ରାସ୍ତାର ଉଭୟ ପାର୍ଶ୍ୱରେ ଓଡ଼ିଶାର ବହୁ ବିଖ୍ୟାତ କବି, ଲେଖକ, ସାହିତ୍ୟିକ, ଶିଳ୍ପୀ, ସ୍ୱାଧୀନତା ସଂଗ୍ରାମୀ, ତଥା ଲବ୍ଧ ପ୍ରତିଷ୍ଠିତ ରାଜନେତା ମାନଙ୍କ ଜନ୍ମ ଓ କର୍ମଭୂମି ରହିଛି l
ରାସ୍ତାର ଉଭୟ ପାର୍ଶ୍ୱକୁ ସମ୍ପ୍ରସାରଣ ପାଇଁ ଯେତିକି ଗଛ କାଟିବାକୁ ପଡିବ, ରାସ୍ତା ନିର୍ମାଣ ପରେ ବ୍ୟାପକ ବୃକ୍ଷ ରୋପଣ କରାଯିବ l ଯେଉଁସବୁ ଗାଁ’କଡେକଡେ ଏହି ସଡ଼କ ଉନ୍ନତି କରଣ କାର୍ଯ୍ୟ କରାଯିବ, ସେହିସବୁ ଗ୍ରାମର ଅଧିବାସୀ ମାନେ ପ୍ରଶାସନକୁ ସହଯୋଗ କରିବାକୁ ବିଧାୟକ ଆହ୍ୱାନ
ଦେଇଥିଲେ l
ଏହି ଶିଳାନ୍ୟାସ ଉତ୍ସବରେ ପଞ୍ଚାୟତ ସମିତି ଅଧ୍ୟକ୍ଷା ଦୀପା ମଲ୍ଲିକ,ଉପାଧ୍ୟକ୍ଷ ସତ୍ୟନାରାୟଣ ମହାନ୍ତି,ପୂର୍ବତନ ଅଧ୍ୟକ୍ଷ ରାଜକିଶୋର ଜେନା,ଶରତ ନାୟକ, ନର୍ମଦା ନାୟକ,ପୂର୍ବତନ ଜିଲ୍ଲାପରିଷଦ ସଭ୍ୟ ହୃଷିକେଶ ସ୍ୱାଇଁ,ଜିଲ୍ଲାପରିଷଦ ସଭ୍ୟା ସୁସ୍ମିତା ଦାସ, କୁଣ୍ଡି ସମବାୟ ସମିତି ସଭାପତି ଅଖିଳେଶ ମହାନ୍ତି,ଶ୍ରୀକୃଷ୍ଣପୁର ସରପଞ୍ଚ ରାଜକିଶୋର ବଳ, ଜଳସରପୁର ସରପଞ୍ଚ ସୁଜାତା ମଲ୍ଲିକ,ସମିତିସଭ୍ୟା ରେବତୀ ସେଠୀ ,ପୂର୍ବତନ ସରପଞ୍ଚ ଭବାନୀ ଶଙ୍କର ସାମଲ,ଶିକ୍ଷାବିତ ଅଭୟ ପଣ୍ଡା,ନିରଞ୍ଜନ ବିଶ୍ୱାଳ,ସରପଞ୍ଚ କମଳାକାନ୍ତ ଦାଶ,ପ୍ରଶାନ୍ତ କର,ରବୀନ୍ଦ୍ର ବାଘ,ପ୍ରଶାନ୍ତ ପଟ୍ଟନାୟକ,ପ୍ରଦୀପ୍ତ ବିଶ୍ୱାଳ,ଦୀନବନ୍ଧୁ ସାହୁ,ଅମୀୟ ନାୟକ, କିଶୋର ରାଉତ,ମୃତ୍ୟୁଞ୍ଜୟ ବରାଳ, ଜନ୍ମେଞ୍ଜୟ ବଳ, ରମେଶ ସାମଲ, ସୁବାସ କର, ବିଜୟ ରାଉତ,ପ୍ରମୁଖ ଉପସ୍ଥିତ ଥିଲେ l