ବିଶିଷ୍ଟ କଳାକାର କୁ ହରାଇଲା ତାଳଚେର
ବିଭିନ୍ନ ମହଲ ରେ ଶୋକ

ତାଳଚେର ପୌରାଞ୍ଚଳ ୧ ନଂ ୱାର୍ଡ ସାମନ୍ତ କ୍ଵାଟର ସରୋଜ କୁମାର ଦାସ ଓରଫ ବୁବୁ ଗତ ତା-24-05-23 ରାତ୍ରୀ ୨ ଘଟିକା ସମୟରେ ହୃଦଘାତରେ ପ୍ରାଣତ୍ୟାଗ କରିଛନ୍ତି l ସେ ତାଳଚେର କୋଇଲା ଖଣିରେ ସିକ୍ୟୁରିଟି ଗାର୍ଡ ଭାବରେ କାର୍ଯ୍ୟ କରୁଥିଲେ lଆଇ.ଟି.ଆଇ ତାଲିମ ଶିକ୍ଷକ ସ୍ବର୍ଗତ ନୀଳମଣି ଦାସଙ୍କ ଦ୍ଵିତୀୟ ପୁତ୍ର ଥିଲେ l ସ୍ବର୍ଗତ ସରୋଜ ଦାସ ତାଳଚେରର ଜଣେ ଜଣାଶୁଣା ଭଲ କଣ୍ଠ ଶିଳ୍ପୀ ଥିଲେ l ତାଙ୍କୁ ତାଳଚେର ୟୁଥ ମେଲୋଡିର କିଶୋର କୁମାର ବୋଲି ସମସ୍ତେ ଜାଣନ୍ତି l ତାଙ୍କ କଣ୍ଠ ସ୍ୱର ଅନେକ ଜିଲ୍ଲାରେ ଆଦୃତ ଲାଭ କରିଥିଲା l ସେ ଜଣେ କଣ୍ଠ ଶିଳ୍ପୀ ସହ ଜଣେ ଭଲ ନାଟ୍ୟ କଳାକାର ଭାବରେ ସର୍ବଶିକ୍ଷା ଅଭିଯାନରେ ଗାଁ ଗାଁ ବୁଲି ନାଟକ ମାଧ୍ୟମରେ ନିଜର କଳା ପ୍ରଦର୍ଶନ ସହ ଦୂରଦର୍ଶନରେ ମଧ୍ୟ ନିଜର ଅଭିନୟ କରିଛନ୍ତି, ଏହାଛଡା ସେ ଜଣେ ଉଚ୍ଚ କୋଟିର କ୍ରିକେଟ ଖେଳାଳୀ ଭାବରେ ବେଶ ଜଣାଶୁଣା ଫାଷ୍ଟ ବୋଲର ଥିଲେ l ତାଳଚେର ତଥା ତାଳଚେର ବାହାର କଳାକାର ଓ କ୍ରିକେଟ ଖେଳାଳୀ ମାନେ ବହୁତ ଦୁଃଖ ପ୍ରକାଶ କରିଛନ୍ତି l ତାଙ୍କ ମୃତ ଶରୀର ପାଖରେ ତାଙ୍କ ପତ୍ନୀ, ଏକ ମାତ୍ର ପୁଅ,ଏକମାତ୍ର ଝିଅ, ଦୁଇ ସାନ ଭାଇ, ସାନ ଭଉଣୀ,ପରିବାର ସଦସ୍ୟ,ସାଙ୍ଗ ସାଥି ଉପସ୍ଥିତ ଥିଲେ l ତାଙ୍କ ମୃତ ଶରୀର ତାଳଚେର ମଣ୍ଡlପାଳ ଶ୍ମାଶନରେ ଦାହ କାର୍ଯ୍ୟ ସମ୍ପର୍ଣ୍ଣ ହୋଇଛି, ତାଙ୍କର ମୃତ୍ୟୁ ରେ ବିଜେପି ରାଜ୍ୟ ସମ୍ପାଦକ କାଳନ୍ଦି ସାମଲ ଗଭୀର ଦୁଃଖ ପ୍ରକାଶ କରିଛନ୍ତି |ସେହିପରି ବିଜେପି ଜିଲ୍ଲା ସାଧାରଣ ସମ୍ପାଦକ ପ୍ରକାଶ ମହାରଣା, ଜିଲ୍ଲା ମିଡ଼ିଆ ସେଲ ଅଧ୍ୟକ୍ଷ ପର୍ଶୁରାମ ବାରିକ, ମଣ୍ଡଳ ସାଧାରଣ ସମ୍ପାଦକ ନିରୋଜ ଦାସ ତାଙ୍କ ବାସ ଭବନ ରେ ପହଂଚି ଶେଷ ଦର୍ଶନ କରିଥିଲେ |