ଓଡ଼ିଆ ସମାଜ ଆବୁଧବୀ(ଓଷା) ତରଫରୁ ମହା ଆଡମ୍ବରରେ ପଞ୍ଚମ ବାର୍ଷିକ ଉତ୍ସବ ଏବଂ ଉତ୍କଳ ଦିବସ ଆବୁଧାବି ଠାରେ ପାଳନ

ପ୍ରବାସୀ ଓଡ଼ିଆ ମାନେ ମହା ଆଡମ୍ବରରେ ଆବୁଧାବି ଠାରେ ପଞ୍ଚମ ବାର୍ଷିକ ଉତ୍ସବ ପାଳନ କରିଛନ୍ତି। ଆବୁଧବୀ ଓଡ଼ିଆ ସମାଜ “ଓଷା’ ତରଫରୁ ଉତ୍କର୍ସିକା ନାମକ ଏକ ସୁନ୍ଦର କାର୍ଯ୍ୟକ୍ରମ ଆୟୋଜନ କରାଯାଇଥିଲା। ଓଡ଼ିଶାର ହସ୍ତତନ୍ତ୍ର ତଥା ସଂସ୍କୃତି ପରମ୍ପରାକୁ ନେଇ ଏହି ସୁନ୍ଦର କାର୍ଯ୍ୟକ୍ରମ ଆବୁଧବୀ ସହରର ଭାରତୀୟ ଦୂତାବାସ ଦ୍ୱାରା ପରିଚାଳିତ ଇଣ୍ଡିଆନ୍ ସୋସିଆଲ୍ ଆଣ୍ଡ କଲ୍ଚରାଲ୍ ସେଣ୍ଟର୍ ଠାରେ ଅନୁଷ୍ଠିତ ହୋଇ ଯାଇଛି। ଆବୁଧାବି ଠାରେ ଥିବା ଭାରତୀୟ ଦୂତାବାସ ର ରାଷ୍ଟ୍ରଦୂତ ସଂଜୟ ସୁଧୀର୍ ମୁଖ୍ୟ ଅତିଥି ଭାବରେ ଯୋଗଦେଇ ଥିଲେ। ଦୁବାଇରେ ବିଶିଷ୍ଟ ଉୟୋଗପତି ଅନୀଲ ଦାଶ ଏବଂ ତାଙ୍କ ଧର୍ମପତ୍ନୀ ଶୀତଳ ଯୋଶୀ, ଆବୁଧବୀ ଓଡ଼ିଆ ସମାଜ ର ପୂବତନ ସଭାପତି ଦୀପକ ରଥ, ଓସା ର ପରାମର୍ଶଦାତା ଡ. ହିମାଂଶୁ ଦାସ, ଅଶୋକ ପଣ୍ଡା ଏହି କାର୍ଯ୍ୟକ୍ରମରେ ସଂମାନିୟ ଅତିଥି ଭାବରେ ଯୋଗଦେଇଥିଲେ।ବହୁ ପ୍ରବାସି ଓଡ଼ିଆ ଦୁବାଇ ତଥା ଅନ୍ୟାନ୍ୟ ପାଖାପାଖି ଦେଶ ମାନଙ୍କରୁ ଆସି ଏହି କାର୍ଯ୍ୟକ୍ରମ ରେ ଯୋଗ ଦେଇ ଥିଲେ।ସକାଳ ଦଶଟା ରୁ ସର୍ବପ୍ରଥମେ ଓଡ଼ିଶାର ପାରମ୍ପରିକ ଓଡିଶୀ ନୃତ୍ୟ ତଥା ଓଡ଼ିଶାର ରାଜ୍ୟ ସଙ୍ଗୀତ ବନ୍ଦେ ଉତ୍କଳ ଜନନୀ ରୁ କାଯ୍ୟକ୍ରମ ଆରମ୍ଭ ହୋଇଥିଲା। ଅଲିଉଡ୍ ଜଗତର ନାମିଦାମୀ ଗାୟକ ଓ ସିନେକଳାକାର ତଥା ଓଡ଼ିଶାର ସୁନାମଧନ୍ୟ ଫାସିୟନ୍ ଡିଯାଇନର୍ ରାମକୃଷ୍ଣ ପଟନାୟକ ଙ୍କ ଦ୍ଵାରା ସ୍ଥାନୀୟ ଓଡ଼ିଆ ମାନଙ୍କୁ ନେଇ ଓଡିଶା ଶାଢ଼ୀର ଫାସିୟନ ସୋ ବହୁ ଉଚକୋଟିର ଥିଲା। ଅଲିଉଡ୍ ନାୟିକା ତମନ୍ନା, ଗାୟକ ସୋୟଂ ପାଢ଼ୀ ଉପସ୍ଥିତ ଓଡ଼ିଆ ଦର୍ଶକ ଙ୍କୁ ବାନ୍ଧି ରଖିବାରେ ବେଶ୍ ସହାୟତା କରିଥିଲା। ସକାଳ ଦସ ଘଟିକା ରୁ ଆରମ୍ଭ ହୋଇଥିବା କାର୍ଯ୍ୟକ୍ରମ ସନ୍ଧ୍ୟା ସାତ ଟା ପର୍ଯ୍ୟନ୍ତ ଚାଲିଥିଲା। ସ୍ଥାନୀୟ ଓଡ଼ିଆ ମାନଙ୍କ ଦ୍ୱାରା ପରବେସିତ ନାଟକ, ପାରମ୍ପରିକ ନୃତ୍ୟ ଗିତରେ ଝୁମିଥିଲେ ଓଡ଼ିଆ ଦର୍ଶକ।ସଭାକାର୍ଯ୍ୟ ଆରମ୍ଭ ହୋଇ ଓଡ଼ିଆ ପତ୍ରିକା “ପ୍ରବାସି ଉତ୍କର୍ଷ” ର ପଞ୍ଚମ ସଂସ୍କରଣ କୁ ଉନ୍ମୋଚନ କରିଥିଲେ ମୁଖ୍ୟ ଅତିଥି ସଞ୍ଜୟ ସୁଧୀର୍ ,ଓସା ଟିମ୍ ର ପରିଚାଳନା କମିଟି ସଦସ୍ୟ ଏବଂ ସଂମାନିୟ ଅତିଥି ମାନେ। ମୁଖ୍ୟଅତିଥୀ ସଞ୍ଜୟ ସୁଧୀର୍ ନିଜ ଅଭିଭାଷଣରେ ଓଡ଼ିଆ ସଂସ୍କୃତି ଓ ପରମ୍ପରାକୁ ଭୁୟସୀ ପ୍ରଶଂସା କରିଥିଲେ। କୋଟି କୋଟି ଓଡ଼ିଆ ଙ୍କର ଆରାଧ୍ୟ ଦେବତା ଜଗନ୍ନାଥ ଙ୍କ ପାଇଁ ଓଡିଶା ଆଜି ବିଶ୍ୱ ଦରବାରରେ ଏକବ ସ୍ୱତନ୍ତ୍ର ପରିଚୟ ସୃଷ୍ଟିକରିଛି ବୋଲି ସେ କହିଥିଲେ। ସେହିପରି ଓସା ର ପୂର୍ବତନ ଅଧକ୍ଷ ତଥା ପରାମର୍ଶଦାତା ଶ୍ରୀ ପ୍ରଦୀପ ରଥ କାର୍ଯ୍ୟକ୍ରମ ଟି ସୁଚାରୁ ରୁପେ ପରିଚାଳିତ ହୋଇ ପାରି ଥିବାରୁ ସଂଗଠନ ର ସମସ୍ତ ପରିଚାଳନା କମିଟି ସଦସ୍ୟ ମାନଙ୍କୁ ଧନ୍ୟବାଦ ଯଣାଇଥିଲେ ଏବଂ କିଛି ହାତଗଣତି ଓଡ଼ିଆ ମାନଙ୍କୁ ନେଇ ଆରମ୍ଭ ହୋଇଥିବା ଏହି ସଂଗଠନ ଯେ ଆଜି ଏତେ ବଡ ସଙ୍ଗଠନରେ ପରିଣତ ହୋଇପାରିଛି, ସେଥିପାଇଁ ସେ ଆବୁଢ଼ାବିରେ ରହୁଥିବା ସମସ୍ତ ଓଡିଆଙ୍କୁ ଶ୍ରେୟ ଦେଇଥିଲେ। ଓସା ର ବର୍ତମାନ ର ସଭାପତି ମାନସ ଉଦ୍ଗାତା ନିଜ ମନ୍ତବ୍ୟ ରଖି ଅଜିର କାର୍ଯ୍ୟକ୍ରମ କୁ ସୁଚାରୁ ରୂପେ ଆୟୋଜନ କରିଥିବାରୁ ନିଜ ଟିମ୍ ସଦସ୍ୟ ମାନଙ୍କୁ ଧନ୍ୟବାଦ ଅର୍ପଣ କରିଥିକେ ଏବଂ ଓଡିଶାରୁ ଆସିଥିବା ଅଲିଉଡ୍ କଳାକାର ମାନଙ୍କ ପାଇଁ କାର୍ଯ୍ୟକ୍ରମ ଅଧିକ ସୁନ୍ଦର ହୋଇପାରିଲା ବୋଲି କହିଥିଲେ। ଓସା ର ପଞ୍ଚମ ସଂସ୍କରଣ କୁ ସୁଚାରୁ ରୁପେ ପରିଚାଳନା କରିବା ଦାୟିତ୍ବ ରେ ଥିଲେ ସଂଗଠନର ଉପସଭାପତି ରବି ନାରାୟଣ ଦାସ,ସମ୍ପାଦକ କାର୍ତିକ ଚରଣ ସିଂ, ଉପସମ୍ପାଦକ ସୁଧୀର୍ ପଣ୍ଡା, ସାଂସ୍କୃତିକ ସମ୍ପାଦକ ଜିତେନ୍ଦ୍ର ମିଶ୍ର, ସୋସିଆଲ୍ ମେଡିଆ ସମ୍ପାଦକ ସୁଧାଂଶୁ ପାତ୍ର, କୋଷଧକ୍ଷ ରୋହିତ ପଟେଲ ଏବଂ ସାହିତ୍ୟିକ ସମ୍ପାଦକ ବିନୟ ବ୍ୟାସ୍। ସେମାନଙ୍କୁ ସହଯୋଗ ର ହାତ ବଢାଇଥିଲେ ସଂଗଠନ ର ରଞ୍ଜିତ ଦାସ, ସ୍ୱାଗତ ନାୟକ, ସତ୍ୟ ପାତ୍ର, ଆଶିଷ ପାତ୍ର, ଗିରିଜା ସୁବୁଦ୍ଧି, ଅବଦୂର୍ ରଉଫ୍ ଏବଂ ଅନ୍ୟମାନେ।