ରଜ କବିତା ଆସର ଅନୁଷ୍ଠିତ

ଓଡ଼ଗାଁ
ଓଡ଼ଗାଁସ୍ଥିତ ଶ୍ରୀ ଅରବିନ୍ଦ ପୂର୍ଣ୍ଣାଙ୍ଗ ଶିକ୍ଷାକେନ୍ଦ୍ର ପରିସରରେ ଶ୍ରୀ ଶ୍ରୀ ରଘୁନାଥ ସାରସ୍ଵତ ସଂସଦ ତରଫରୁ ରଜ ଉପଲକ୍ଷେ ଏକ କବିତା ଆସର ଅନୁଷ୍ଠିତ ହୋଇଯାଇଛି।ଅନୁଷ୍ଠାନର ସଭାପତି ପଞ୍ଚାନନ ପଣ୍ଡାଙ୍କ ଅଧ୍ୟକ୍ଷତାରେ ଉକ୍ତ କବିତା ଆସରକୁ ବରିଷ୍ଠ କବି ଲୋକନାଥ ମିଶ୍ର (ଭରଦ୍ୱ।ଜ) ଉଦଘାଟନ କରିଥିଲେ।ଏହାପରେ ଉପସ୍ଥିତ ସମସ୍ତ କବିକବୟିତ୍ରୀ ବାହାନଗା ରେଳ ଦୁର୍ଘଟଣାରେ ପ୍ରାଣ ହରାଇଥିବା ଦିବଂଗତଙ୍କ ପ୍ରତି ଶ୍ରଦ୍ଧାଞ୍ଜଳି ଜଣାଇ ଦୁଇ ମିନିଟ ନିରବ ପ୍ରାର୍ଥନା କରିଥିଲେ।କବି ଦିବାକର ନାୟକ, ଶରତଚନ୍ଦ୍ର ଷଡ଼ଙ୍ଗୀ, ଦ୍ୱିତୀକୄଷ୍ଣ ମିଶ୍ର, ରଞ୍ଜନ କୁମାର ଦାଶ ପ୍ରମୁଖ ଅତିଥି ରୂପେ ଯୋଗ ଦେଇ ରଜପର୍ବର ମହତ୍ତ୍ଵ ସମ୍ପର୍କରେ ଆଲୋଚନା କରିଥିବା ବେଳେ କବି ପରମାନନ୍ଦ ସ୍ୱାଇଁ,ସତ୍ୟବାଦୀ ସାହୁ,ଯୁବକବି ଜୀବନଜ୍ୟୋତି ଷଡ଼ଙ୍ଗୀ,କବୟିତ୍ରୀ ସବିତା ପାତ୍ର ଓ ଆରତି ରାଉତ ପ୍ରମୁଖ ରଜ କବିତା ପାଠ କରିଥିଲେ।କବି ପ୍ରହଲ୍ଲାଦ ବେହେରା କବିତା ଗୁଡିକୁ ସଂଯୋଜନା କରିଥିଲେ।ଆସର ଶେଷରେ ଭୋଜିଭାତ ଏବଂ ରଜପିଠା ବଣ୍ଟନ ହୋଇଥିଲା।ସମସ୍ତ କାର୍ଯ୍ୟକ୍ରମକୁ ଅନୁଷ୍ଠାନର ସମ୍ପାଦକ ଯଶୋବନ୍ତ ପଟ୍ଟନାୟକ ପରିଚାଳନା କରିଥିଲେ।