ଜନଶୁଣାଣୀ ଶିବିର ଅନଷ୍ଠିତ

ତାଳଚେର :

ତାଳଚେର ପୌର ପରିଷଦ ଠାରେ ପ୍ରଧାନମନ୍ତ୍ରୀ ଆବାସ ଯୋଜନା (ସହରାଞ୍ଚଳ) ହିତାଧିକାରୀଙ୍କ ପାଇଁ ଏକ ଜନଶୁଣାଣୀ ଶିବିର ଅନୁଷ୍ଠିତ ହୋଇଯାଇଛି। ଏଥିରେ ନିର୍ବାହୀ ଅଧିକାରୀ ବଳୟ ଦେହୁରୀ ମୁଖ୍ୟଅତିଥି ଭାବେ ଯୋଗଦେଇ ଶିବିରକୁ ଉଦଘାଟନ କରିଥିବାବେଳେ କନିଷ୍ଠ ଯନ୍ତ୍ରୀ ପ୍ରଣତି ନନ୍ଦ ଓ ୧୦ ନମ୍ବର ୱାର୍ଡ କାଉନସିଲର ଅଜିତ କୁମାର ସାହୁ ସମ୍ମାନିତ ଅତିଥି ଭାବେ ଯୋଗ ଦେଇଥିଲେ। ଶିବିରରେ ଭୁବନେଶ୍ୱର ସ୍ଥିତ ସ୍ଵତନ୍ତ୍ର ସୁବିଧା ପ୍ରଦାନକାରୀ ସଂସ୍ଥା ଲାଇଫ ଏକାଡେମୀ ଅଫ ଭକେଶନାଲ ଷ୍ଟଡିଜ ର ମୁଖ୍ୟ ବଂଶୀଧର ଷଡ଼ଙ୍ଗୀ ଉପସ୍ଥିତ ରହି ହିତାଧିକାରୀ, ପରିଷଦର କର୍ମଚାରୀ ଓ ବିଭିନ୍ନ ୱାର୍ଡରୁ ଆସିଥିବା ବାସିନ୍ଦାଙ୍କ ଠାରୁ ଅଭିଯୋଗ ପତ୍ର ଗ୍ରହଣ କରିଥିବାବେଳେ ସନ୍ଦୀପ ରାଓ ଶିବିରକୁ ପରିଚାଳନା କରିଥିଲେ।