ବିଶିଷ୍ଟ ସାମ୍ବାଦିକ ଜୟନାରାୟଣ ଙ୍କ ଦେହାନ୍ତ l

ସୁକିନ୍ଦା :- ସୁକିନ୍ଦା ନିର୍ବାଚନ ମଣ୍ଡଳୀ ର ସୁକିନ୍ଦା ବ୍ଲକ ଅନ୍ତର୍ଗତ ସଂସାଇଲୋ ଗ୍ରାମର ବହୁ ଜଣାଶୁଣା ଓ ଏକ ଚର୍ଚ୍ଚିତ ଚେହେରା ଜୟନାରାୟଣ ମହାପାତ୍ର (ଭିକ୍ଟୋର ଭାଇ) l ଖାଲି ସୁକିନ୍ଦା ନିର୍ବାଚନ ମଣ୍ଡଳୀ ନୂହେଁ ଯାଜପୁର ଜିଲ୍ଲା କୁହ କିମ୍ବା କଟକ ସବୁଠି ଆଦରର ଭିକ୍ଟୋର ଭାଇ ଆରପାରିକୁ ଚାଲିଗଲେ l କିଛିଦିନ ହେବ ସେ ବାର୍ଦ୍ଧକ୍ୟ ଜନିତ ରୋଗ ରେ ପୀଡିତ ହୋଇ ଚିକିତ୍ସାଧିନ ଥିଲେ ଓ ପରେ କିଛିଟା ସୁସ୍ଥ ଅନୁଭବ କରି ନିଜର ବାସସ୍ଥାନ ରେ ବିଶ୍ରାମ ରେ ଥିଲେ l ଚଳିତ ମାସ ୪ ତାରିଖ ଭୋର ସମୟରେ ସେ ଶେଷନିଶ୍ୱାସ ତ୍ୟାଗ କରିଥିଲେ l ସେ ଏକାଧାରରେ ଜଣେ ସାଙ୍ଗଠନିକ, ସାହିତ୍ୟିକ, ରାଜନୀତି ସମୀକ୍ଷକ ଓ ସାମ୍ବାଦିକ ଥିଲେ l ଦୀର୍ଘ ୪୦ ବର୍ଷ ଧରି ସେ ସାମ୍ବାଦିକତା କ୍ଷେତ୍ରରେ ନିଜକୁ ସାମିଲ କରି ଜନସାଧାରଣଙ୍କ ନିକଟରେ ପରିଚିତ ଥିଲେ l ବିଗତ ବର୍ଷ ହେଲେ ସେ ଦୈନିକ ସମ୍ବାଦପତ୍ର ମନ୍ଥନ ର କଳିଙ୍ଗନଗର ପ୍ରତିନିଧି ଭାବେ କାର୍ଯ୍ୟ କରୁଥିଲେ l ତାଙ୍କର ମୃତ୍ୟୁ ଖବର ପାଇ ମନ୍ଥନ ର ସମ୍ପାଦକ ଶ୍ରୀ ଶରତ ରାଉତ ଗଭୀର ଶୋକ ପ୍ରକାଶ କରିଛନ୍ତି l ତାଙ୍କର ଏହି ଦୁଃଖଦ ଘଟଣା ସାରା ଆଞ୍ଚଳରେ ଶୋକର ଛାୟା ଖେଳାଇ ଦେଇଛି l ତାଙ୍କ ବାସଭବନରେ ପୂର୍ବତନ ମନ୍ତ୍ରୀ ପ୍ରଫୁଲ୍ଲ ଚନ୍ଦ୍ର ଘଡାଇ ଏବଂ ସୁକିନ୍ଦା ର ମାନ୍ୟଗଣ୍ୟ ବ୍ୟକ୍ତି ପହଞ୍ଚି ଶେଷ ଦର୍ଶନ କରିବା ସହିତ ତାଙ୍କର ଆତ୍ମର ସଦ୍ଗତିଃ କାମନା କରିଥିଲେ l ସେ ୧୯୪୩ ମସିହାରେ ଜନ୍ମ ଗ୍ରହଣ କରିଥିଲେ l(ଉମାକାନ୍ତ ମହାପାତ୍ର ଙ୍କ ରିପୋର୍ଟ)