ସ୍ପଷ୍ଟ ଦିବାଲୋକରେ ଘର ସମ୍ମୁଖରୁ ସ୍କୁଟି ଲୁଟ
ସିସି କେମେରା ରେ କଏଦ ହେଲା ଚିତ୍ର

ଖୁଣ୍ଟା –
ମୟୁରଭଞ୍ଜ ଜିଲ୍ଲା ଖୁଣ୍ଟା ଥାନା ଇଲାକାରେ ପୁଣି ବାଇକ ଚୋରି ରାକେଟ ସକ୍ରୀୟ ହୋଇ ପଡ଼ିଛନ୍ତି । ଏଭଳି ଘଟଣାକ୍ରମେ ଗୁରୁବାର ମଧ୍ୟାହ୍ନ ସମୟରେ ଜନୈକ ବ୍ୟକ୍ତିଙ୍କ ଘର ସମ୍ମୁଖରୁ ସ୍ପଷ୍ଟ ଦିବାଲୋକରେ ଏକ ସ୍କୁଟିକୁ ୨ଯୁବକ ଲୁଟ କରି ନେଇଥିବା ଘଟଣା ଏବେ ଅଞ୍ଚଳରେ ଚର୍ଚ୍ଚାର ବିଷୟ ହୋଇଛି । ତାହା ପୁଣି ଥାନା ଠାରୁ ମାତ୍ର କିଛି ଦୂରରେ ଏଭଳି ଘଟଣା ଘଟିଥିବା ଜଣାଯାଇଛି । ଘଟଣାରୁ ପ୍ରକାଶ ଯେ , ସୁରୁକୁନା ଗ୍ରାମର ଗିରିଧର ମହାନ୍ତି ଗୁରୁବାର ମଧ୍ଯାହ୍ନ ସମୟରେ ତାଙ୍କର ଓଡ଼ି ୧୧ କେ – ୫୩୨୫ ନମ୍ବର ବିଶିଷ୍ଟ ସ୍କୁଟିଟିକୁ ଘର ସମ୍ମୁଖ ରେ ରଖି ଘର ମଧ୍ୟ କୁ ପ୍ରବେଶ କରିଥିଲେ । ତେବେ ଉକ୍ତ ସମୟରେ ବର୍ଷା ହେଇଥିଲା । ବର୍ଷା ଛାଡ଼ି ଯିବା ପରେ ଶ୍ରୀ ମହାନ୍ତି ଘରୁ ବାହାରିବା ପରେ ସ୍କୁଟିଟି ଘର ସମ୍ମୁଖ ରେ ନଥିବା ଦେଖିବାକୁ ପାଇଥିଲେ । ତେବେ ବିଭିନ୍ନ ସ୍ଥାନରେ ଖୋଜା ଖୋଜି କରିଥିଲେ ମଧ୍ୟ ସ୍କୁଟିଟି ର କୌଣସି ସନ୍ଧାନ ମିଳିପାରି ନ ଥିଲା । ଏବଂ ତାଙ୍କ ବାସଗୃହ ରେ ଲଗାଯାଇଥିବା ସିସି କେମେରା ଟିକୁ ଯାଞ୍ଚ କରିଥିଲେ । ତେବେ ଦୁଇ ଯୁବକ ଅନ୍ୟ ଏକ ବାଇକ ରେ ଆସିବା ସହିତ ଉକ୍ତ ଘରଠାରୁ କିଛି ଦୂରରେ ଅଟକି ଥିଲେ । ସେ ମଧ୍ୟରୁ କଳା ସାର୍ଟ ଓ ଚଷମା ପିନ୍ଧି ବାଇକ ପଛରେ ବସିଥିବା ଯୁବକ ଉକ୍ତ ସ୍କୁଟି ନିକଟକୁ ଆସି ଘର ସମ୍ମୁଖ ଛିଡ଼ା ହୋଇଥିବା ସ୍କୁଟିଟିକୁ ଲୁଟ କରି ଘଟଣା ସ୍ଥଳରୁ ଚମ୍ପଟ ମାରିଥିବା ର ଦୃଶ୍ୟ ସିସି କେମେରା ରେ କେଏଦ ହୋଇଥିବା ଦେଖିବାକୁ ମିଳିଥିଲା । ପ୍ରକାଶ ଥାଉକି ,ଗତ ୨୦ ୨୧ ମସିହାରେ ଖୁଣ୍ଟା ଥାନା ଇଲାକାରେ ଅନୁରୁପ ଭାବେ ବିଭିନ୍ନ ସ୍ଥାନରୁ ବାଇକ ଲୁଟ ହେଉଥିବା ବେଳେ ଲୁଟେରା ଦଳକୁ ପର୍ଦ୍ଦାଫାସ କରାଯିବା ସହ ସେ ସମୟରେ ଲୁଟ ହୋଇଥିବା ୨୮ ଗୋଟି ବାଇକ ଜବତ କରିଥିଲା ପୋଲିସ ।