ଶେରଗଡ଼ ରେ ସ୍ୱାସ୍ଥ୍ୟ ସେବା ଦିଗହରା l

ଶେରଗଡ଼ : ମୁଖମନ୍ତ୍ରୀ ଙ୍କ ନିବାର୍ଚନ ମଣ୍ଡଳୀ ରେ ସ୍ୱାସ୍ଥ୍ୟସେବା ବେହାଲ ହୋଇପଡିଛି l ରାଜ୍ୟ ସରକାର ରାସନ କାର୍ଡ ଧାରୀମାନଙ୍କୁ ସ୍ୱାସ୍ଥ୍ୟ ବୀମା ଯୋଗାଇବା ସହ ସାଧାରଣ ଜନତାଙ୍କ ପାଇଁ ଭିଭିନ୍ନ ଯୋଜନା ମଧ୍ୟ କରୁଛନ୍ତି l ହେଲେ କେଉଁଠି ଜଣେ ଡାକ୍ତର ରେ ଚାଲିଛି ତ ଆଉ କେଉଁ ସ୍ୱାସ୍ଥ୍ୟ କେନ୍ଦ୍ରରେ ଆଦୌ ଡାକ୍ତର ନାହାନ୍ତି l ଖୋଦ ମୁଖ୍ୟମନ୍ତ୍ରୀ ଙ୍କ ନିର୍ବାଚନମଣ୍ଡଳୀ ଅନ୍ତର୍ଗତ ଶେରଗଡ଼ ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରରେ ଡାକ୍ତର ସମସ୍ୟାକୁ ନେଇ ଜନ ଅସନ୍ତୋଷ ଦେଖାଦେଇଛି l ଶେରଗଡ଼ ଗୋଷ୍ଟି ସ୍ୱାସ୍ଥ୍ୟକେନ୍ଦ୍ର ଉପରେ ଧରାକୋଟ, ଶେରଗଡ଼ ଓ ସାନଖେମୁଣ୍ଡି ବ୍ଲକର ଶତାଧିକ ଗ୍ରାମର ଲୋକମାନେ ନିର୍ଭର କରନ୍ତି l ବ୍ରହ୍ମପୁର ଯାଇ ସାଧାରଣ ଲୋକେ ଅଧିକା ଖର୍ଚ୍ଚାନ୍ତ ହେଉଛନ୍ତି ଓ ମୁଖ୍ୟତଃ ବ୍ରହ୍ମପୁର ଯିବାକୁ ଅଧିକ ସମୟ ମଧ୍ୟ ଲାଗିଥାଏ l ସ୍ୱାସ୍ଥ୍ୟ କେନ୍ଦ୍ରରେ ଅତ୍ୟାଧୁନିକ ଯନ୍ତ୍ରପାତି ନ ରହିବା ଓ ବିଶେଷଜ୍ଞ ପଦବି ଖାଲି ପଡିବା କାରଣରୁ ଅଧିକାଂଶ ରୋଗୀ ଓ ଜରୁରୀକାଳୀନ ରୋଗୀକୁ ବ୍ରହ୍ମପୁର କୁ ସ୍ଥାନନ୍ତରଣ କରିବାକୁ ପଡୁଛି l ଫଳରେ ବାଧ୍ୟହୋଇ ସେମାନେ ଘରୋଇ ନର୍ସିଂହୋମ କୁ ଯାଉଛନ୍ତି l ଏହି ସମସ୍ୟାର କୌଣସି ପ୍ରକାରର ରାସ୍ତା ବାହାରି ପାରୁ ନଥିବା ଯୋଗୁଁ ସରକାରୀ ଵିଧି ବ୍ୟବସ୍ଥାରେ ସନ୍ତୁଳିତ ହେଉଛନ୍ତି ସାଧାରଣ ଜନତା l ସରକାରୀ କାର୍ଯ୍ୟକ୍ରମ, ବୈଠକ ଏବଂ ଗ୍ରାମାଞ୍ଚଳ ଗସ୍ତରେ ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ର ଡାକ୍ତରମାନେ ବାହାରକୁ ଗଲେ ଡାକ୍ତରଖାନା ସଂଗୀନ ହୋଇପଡୁଛି l ଠିକ ସେହିପରି ବାନ୍ଧଗୁଡା ସ୍ୱାସ୍ଥ୍ୟକେନ୍ଦ୍ର ତାଲା ପଡିରହିଥିବାବେଳେ ପିତଳ ସ୍ୱାସ୍ଥ୍ୟ ଓ ଆରୋଗ୍ୟ କେନ୍ଦ୍ରରେ ବର୍ତ୍ତମାନ କେହି ଡାକ୍ତର ନାହାନ୍ତି l ଏଣୁ ଏହି ସବୁ ସ୍ୱାସ୍ଥ୍ୟକେନ୍ଦ୍ର ଉପରେ ନିର୍ଭର କରୁଥିବା ଗ୍ରାମବାସୀ ସ୍ୱାସ୍ଥ୍ୟ ସେବାରୁ ବଞ୍ଚିତ ହେଉଛନ୍ତି l ଦୀର୍ଘଦିନ ଧରୀ ଶେରଗଡ଼ ବ୍ଲକରେ ସ୍ୱାସ୍ଥ୍ୟ ସେବା ଅବହେଳିତ ହୋଈ ରହିଥିବା ବେଳେ ଏହାର ସୁଧାର ନେଇ କୌଣସି ପଦକ୍ଷେପ ଶୀଘ୍ର ନିଆଯାଉ ବୋଲି ଜନମତରେ ପ୍ରକାଶ ପାଇଛି l