ଜ଼ିଲ୍ଲାପାଳଙ୍କ ସଭାଗୃହରେ ଜ଼ିଲ୍ଲାସ୍ଥରୀୟ ସଡ଼କ ସୁରକ୍ଷା ବୈଠକ ଅନୁଷ୍ଠିତ ।

ନୂଆପଡା : (ବିରବଲ ପ୍ରଧାନ) ନୂଆପଡ଼ା ଜିଲ୍ଲାରେସ୍ଥାନୀୟ ଜ଼ିଲ୍ଲାପାଳଙ୍କ ସଭାଗୃହରେ ଜ଼ିଲ୍ଲାସ୍ଥରୀୟ ସଡ଼କ ସୁରକ୍ଷା ବୈଠକ ଅନୁଷ୍ଠିତ ହୋଇଯାଇଛି l ଜ଼ିଲ୍ଲାପାଳ ହେମକାନ୍ତ ସାଏଙ୍କ  ଅଧ୍ୟକ୍ଷତାରେ ଅନୁଷ୍ଠିତ ବୈଠକରେ ପୂର୍ତ୍ତ  ଓ ଗୃହ ନିର୍ମାଣ ବିଭାଗ ନିର୍ବାହୀ ଯନ୍ତ୍ରୀ ସଶାଙ୍କ ଶେଖର ଶୁକ୍ଲା, ଜ଼ିଲ୍ଲା ପରିବହନ ଅଧିକାରୀ ମାନ୍ନl ସିଂ,  ଏମଭିଆଇ ବିଜୟ ଦେହୁରୀ ପ୍ରମୁଖ ମଂଚାସୀନ ଥିଲେ l  ଏହି ଅବସରରେ ଜ଼ିଲ୍ଲାରେ  ଘଟୁଥିବା ଦୁର୍ଘଟଣାର କାରଣ ଏବଂ ନିରାକରଣ ଉପରେ ଆଲୋଚନା କରାଯାଇଥିଲା l  ଜ଼ିଲ୍ଲାରେ ବିଶେଷ କରି ବିଜୁ ଏକ୍ସପ୍ରେସ ୱେରେ ପ୍ରତିଦିନ ଦୁର୍ଘଟଣା ଘଟୁଥିବାରୁ ଜ଼ିଲ୍ଲାପାଳ ପିଡବ୍ଲୁଡି ବିଭାଗକୁ କାରଣ ପଚାରିଥିଲେ l ଆଗାମୀ ଦିନରେ ଯେଭଳି ଦୁର୍ଘଟଣା ନଘଟେ ସେଥିପ୍ରତି ସଜାଗ ରହିବାକୁ ନିର୍ଦ୍ଧେଶ ଦେଇଥିଲେ l  ସେହିପରି ଦୁର୍ଘଟଣାପ୍ରବଣ ସ୍ଥାନ ଚିହ୍ନଟ କରି ସଚେତନତା ଚିହ୍ନ ଦେବାକୁ କହିଥିଲେ l ତେବେ ଗତବର୍ଷ ଜ଼ିଲ୍ଲାରେ ୧୪୪ଟି ଦୁର୍ଘଟଣା ହୋଇଥିବାବେଳେ  ୯୭ ଜଣଙ୍କ ଜୀବନ ଯାଇଥିଲା, ସେହିପରି ଚଳିତ ବର୍ଷ ଜୁଲାଇ ମାସ ୧୭ତାରିଖ ସୁଦ୍ଧା ୭୩ଟି ଦୁର୍ଘଟଣା ହୋଇଥିବାବେଳେ ୩୮ ଜଣଙ୍କ ମୃତ୍ୟୁ ଘଟିଥିଲା l  ଗତବର୍ଷ ମୃତ୍ୟୁ ହାର ୬୭ପ୍ରତିଶତ ରହିଥିବାବେଳେ ଏଥର ବର୍ତମାନସୁଧା ୫୨ପ୍ରତିଶତ ରହିଛି l ଏହି ଅନୁଷ୍ଠିତ ବୈଠକରେ ଖରିଆର ରୋଡ ଏନଏସି କାର୍ଯ୍ୟନିର୍ବାହି ଅଧିକାରୀ କମଲାସନ ରଥ, ଖଡ଼ିଆଳ ଏନଏସି କାର୍ଯ୍ୟନିର୍ବାହି ଅଧିକାରୀ ଚିନ୍ମୟ ଆଚାର୍ଯ୍ୟା, ଅବକାରୀ ଏସଆଇ ହିରାବତୀ ଥାଟି, ଜାତୀୟ ରାଜପଥ ପ୍ରାଧିକରଣ ସହକାରି ଯନ୍ତ୍ରୀ ସପନ ବେହେରା, ସ୍ବେଛାସେବୀ ସଙ୍ଗଠନ  କଦମ ର ସମ୍ପାଦିକା ଯାଜ୍ଞସେନୀ ମହାପାତ୍ର ପ୍ରମୁଖ ଏହି ବୈଠକରେ ଉପସ୍ଥିତ ଥିଲେ।