ନିହାତି ଗରିବ ଅସହାୟ ପଙ୍କଜଙ୍କୁ ଆବାସ ଯୋଜନାରେ ସାମିଲ କେବେ 

ନୂଆପଡା :(ବିରବଲ ପ୍ରଧାନ) ନୂଆପଡା ଜ଼ିଲ୍ଲା ଖଡ଼ିଆଳ ବ୍ଲକ ସରଧାପୁର ପଞ୍ଚାୟତ ଅଞ୍ଚଳପୁର ଗ୍ରାମରେ ପଙ୍କଜ ଜଗତ ନିହାତି ଗରିବ ଏକ ରୋଗରେ ପଡି କିଛିବର୍ଷ ତଳେ ପତ୍ନୀଙ୍କୁ ହରାଇଥିବାବେଳେ ଏବେ ଏକମାତ୍ର ପୁଅ ଓ ଦିବ୍ୟାଙ୍ଗ ଝିଅକୁ ନେଇ ଜୀବନ ବିତାଉଛନ୍ତି l ଭଙ୍ଗାଦଦରା ଘରେ ଜୀବନ କାଟୁଥିବାବେଳେ  କେତେବେଲେଘର ଭାଙ୍ଗିଯିବ କହି ହେବ ନାହିଁ l ବର୍ଷାଯୋଗୁଁ ଘର ଭାଙ୍ଗିଯିବା ଭାଵୀ  ଏବେ ଅନ୍ୟ ଲୋକଙ୍କ ଘରେ ଆଶ୍ରୟ ନେଉଛନ୍ତି l ଆବାସ ଯୋଜନାରେ ଘର ଖଣ୍ଡେ ଯୋଗାଇ ଦେବାକୁ ବହୁବାର ଲିଖିତ ଭାବେ ଜଣାଇଛନ୍ତି l ନିଜର ସମସ୍ୟା ନେଇ ଅନେକ ଥର ସରପଞ୍ଚଙ୍କଠାରୁ  ଆରମ୍ଭ କରି ପ୍ରଶାସନକୁ ମଧ୍ୟ ଜଣାଇଛନ୍ତି l ହେଲେ କେହି କର୍ଣପାତ କରୁନଥିବା ନେଇ ଦୁଃଖରେ ଜଣାଇଛନ୍ତି l ବହୁ  ଲୋକଙ୍କୁ ଘର ପାଉଥିବା ବେଳେ ତାଙ୍କ ଭାଗ୍ୟରେ ଘର ନାହିଁ ବୋଲି କହିଛନ୍ତି l ତେବେ ବ୍ଲକ ପ୍ରଶାସନ ତୁରନ୍ତ ଦୃଷ୍ଟି ଦେଇ ଆବାସ ଯୋଜନାରେ ସାମିଲ କରିବାକୁ ଦାବି ହେଉଛି l