ମର୍ମନ୍ତୁଦ ସଡକ ଦୁର୍ଘଟଣା

ଅନୁଗୁଳ:

ଅନୁଗୁଳ ଜିଲ୍ଲା ତଳମୂଳ ଶାସନ ପଞ୍ଚାୟତ ନାଉପାଳ ଠାରେ ମର୍ମନ୍ତୁଦ ସଡକ ଦୁର୍ଘଟଣାରେ ଜଣଙ୍କର ମୃତ୍ୟୁ ହୋଇଛି। ମୃତ ବ୍ୟକ୍ତି ଜଣକ ନାଉପାଳ ଗ୍ରାମର ପ୍ରଫୁଲ୍ଲ ଭୋଇ(୪୮) । ସୂଚନା ଯେ, ପ୍ରଫୁଲ୍ଲ ଗତ କାଲି ବିଲମ୍ବିତ ରାତିରେ କାର୍ଯ୍ୟ ସାରି ଘର କୁ ଫେରିବା ବେଳେ ଏକ ଅଜଣା ଗାଡି ପ୍ରଫୁଲ୍ଲ କୁ ଧକ୍କା ଦେଇଥିଲା। ଯାହା ଫଳରେ ରାସ୍ତାରେ ପଡିଥିଲେ ପ୍ରଫୁଲ୍ଲ। ବିଳମ୍ବିତ ରାତି ଠାରୁ ମୃତଦେହ ରଖି ଗାଁ ଲୋକ ମହିଧରପୁର-ଅନୁଗୋଳ ରାସ୍ତା  ଅବରୋଧ କରିଥିଲେ। ଘଟଣା ସ୍ଥଳରେ ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି।  ସ୍ଥାନୀୟ ତହସିଲ୍ ଦାର ଏବଂ ପୋଲିସ ପ୍ରଶାସନ ପହଁଚି କ୍ଷତି ପୂରଣ ଦବାକୁ ପ୍ରତିଶ୍ରୁତି ଦେବାରୁ ରାସ୍ତା ଅବରୋଧ ରୁ ହଟି ଥିଲେ ଗାଁ ଲୋକେ। ପ୍ରଫୁଲ୍ଲ ଙ୍କର ମୃତ ଦେହକୁ ଶବ ବ୍ୟବଚ୍ଛେଦ ପାଇଁ ପଠାଇ ଦିଆଯାଇଛି।